ТОШКЕНТ, 21 янв - Sputnik. Қорақалпоғистонда “Элликқалъа — туризм ўчоғи” номли халқаро анжумани ўтказилади. Бу ҳақда Ўзбекистон Туризмни ривожлантириш давлат қўмитаси маълум қилмоқда.
Анжуман Қорақалпоғистоннинг маданий-тарихий объектларини асраш, уларни реконструкция қилиш, қайта тиклаш ва кўп асрга эга тарихни барчага, жумладан Ўзбекистонга ташриф буюрган сайёҳларга намойиш этишга йўналтирилган.
Тадбир доирасида ҳудуднинг маданий-тарихий обидалари намойиш этилиб, уларнинг аҳамияти ҳақида сўз юритилади.
Қайд этилишича, халқаро илмий, иқтисодий ва маданий-таълим анжумани жорий йилнинг 22 январь куни, Қорақалпоғистон Республикасининг “Элликқалъа” туманида ўтказилади.