Саҳродаги ислоҳотлар: Элликқалъа туризм марказига айланишга ҳозирлик кўрмоқда

934
(Янгиланган 15:04 25.01.2020)
Қорақалпоғистон саҳроси туристларни нима билан ҳайратга сола олади? Бу ҳақда мухбиримиз мақоласида ўқинг.

Қорақалпоғистоннинг Элликқалъа туманида туризм фаол ривожлантирилмоқда. Яқин йилларгача бу ҳудудга туристлар оқими кўрсаткичи паст эди. Аммо инфратузилма яхшиланиб, чет эллик ҳамда республикадан келадиган меҳмонларга хизмат кўрсатувчи 2та меҳмонхона, Ақчакўл бўйича туристик хизматлар кўрсатиш мажмуаси ташкил этилгач, вазият ҳам ўзгара бошлади.

Туристлар борадиган жойлар - бу мудофаа аҳамиятига эга бўлган тарихий ва меъморий ёдгорликлардир.

Хусусан, 2019 йил давомида бу тарихий объектларни кўриш учун қадамранжида қилган сайёҳлар ҳажми 50 мингдан ошган. Улар асосан, Тупроққалъа, Аёзқалъа, Катта Гулдурсунқалъа тарихий обидаларига ташриф уюштирганлар.

Айнан мана шу тарихий объектлар - қалъалар - Элликқалъанинг асосий туристик йўналишларидан бирига айланиши кутилмоқда.

Sputnik Ўзбекистон мухбири шу кунларда Қорақалпоғистонда иштирок этган "Элликқалъа – туризм маркази" халқаро илмий-иқтисодий, маданий-маърифий конференция Элликқалъа туристик салоҳияти намойиш этилди.

Қорақалпоғистон саҳроси туристларни нимаси билан ўзига ром айлаши мумкинлиги ҳақида мухбиримиз мақоласида ўқинг.

Ўзгаришлар даври

Ўзбекистон президенти Шавкат Мирзиёевнинг туризмни жадал ривожлантириш тўғрисидаги Фармони эълон қилинган кундан бошлаб, Қорақалпоғистоннинг ушбу ҳудудида ҳам жиддий ўзгаришлар амалга оширила бошлади. 2016 йилдан буён Элликқалъа туманига 7 миллион 820 минг АҚШ доллари миқдорида тўғридан тўғри инвестициялар жалб қилинган.

Бу маблағлар туфайли кўплаб корхоналар (гидропоника корхонаси, туристик комплекс, чорвачилик фермер хўжалиги, момиқ сочиқлар ишлаб чиқарувчи корхона ва кўплаб бошқа ишлаб-чиқаришлар) барпо этилди ва бизнесни ривожлантириш учун шарт-шароитлар яратилди.

© Sputnik / Дильшода Рахматова.
Пряжа и шелкопряд, Каракалпакстан, Элликкала

Хусусан, Элликқалъада ягона кластер ҳисобланган пахта тозалаш корхонаси, ип-калава ва жинси мато ишлаб чиқарувчи қиймати 72,5 миллиард 235 миллион сўм бўлган корхона шулар жумласидан.

Яшириниб ётган гўзаллик

Туризм соҳасига кўрсатилаётган катта эътиборга қарамай, бугун Элликқалъа ўз туристик салоҳиятини борлигича намоён эта олган, деб ҳисоблаб бўлмайди. Қоқ чўлнинг ўртасида марвариддек товланиб турган Ақчакўл юзлаб туристларнинг ҳайратини келтириб, кўзини қувонтирсада, аммо пляж туризми ҳали йўлга қўйилмаган.

© Sputnik / Дильшода Рахматова.
Акчакуль, Каракалпакстан

 

2020 йил давомида кўл соҳилида инвестиция дастури доирасида қиймати 2 миллион АҚШ долларлик замонавий туристик хизматлар кўрсатиш лойиҳаси, чўмилиш пляжи, амфитеатр, тематик парк, ёшлар дам олиш маскани ҳамда меҳмонхона ташкил этиш режалаштирилган.

Маҳаллий ҳокимият вакиллари туристлар қизиқишига сабаб бўлаётган тарихий объектлар бўйича изланишларни йўлга қўймоқчи. Хусусан, "Ҳамкор стимул сервис" инновацион лойиҳалар илмий-тадқиқот маркази раҳбари, профессор Шоҳида Султонованинг айтишича, ўтган 2019 йилнинг сентябрида Элликқалъа ҳудудидаги қалъалар қайтадан рўйхатга олинган.

"Бугунги кунда кўп қалъаларимиз сақланиб қолмаган, нураб кетган, ачинарли бир ҳолатларда қолган. Лекин рўйхатга олганларимиз - 50 та қалъа - бу бугунги кунда халқаро туризм маршрутига киритишга лойиқ бўлган қалъалардир. Археологик ёдгорликларнинг аҳамиятини ҳамда ҳолатини сақлаган ҳолда уларни реставрация ва консервация қилиш ишларини амалга оширмоқчимиз. Қолаверса, ҳудуднинг туристик салоҳияти ҳали тўлиқ намоён бўлмаган. Кўп жойда унутилиб кетган миллий ҳунармандчилик анъаналари, урф-одатлар айнан шу ерда - Қорақалпоғистонда сақланиб қолган. Мана шуларни биз бутун дунёга кўрсатишни истаймиз", - дейди у.

Дарвоқе, тадбирда иштирок этган хитойлик инвестор Роберт Ли Ақчакўлга инвестиция киритишга қизиқиб қолди. Элликқалъадаги туристик объектларга экскурсия вақтида кўлни томоша қилган  инвестор: "Агар, Қорақалпоғистонда шундай бир кўл бор, дейишса, ҳеч қачон ишонмаган бўлардим! Иссиқ-кўлга боришга не ҳожат, шундай бойлик турганда", - деди ҳайратини яширолмай.

Инфратузилма

Туман инфратузилмаси ҳақида гапирадиган бўлсак, у ўта қулай, дейиш мумкин. Халқаро А380 магистрал Буюк Ипак Йўли Элликқалъа тумани ҳудудидан ўтган. Урганч халқаро аэропорти ҳам бу ҳудуддан тахминан 50 километр масофада жойлашгани туристлар учун қулай шароитлар яратади.

Уфқни кўришга ошиқ сайёҳлар

"Ҳамкор стимул сервис" инновацион лойиҳалар илмий-тадқиқот маркази раҳбари Шоҳида Султонова дунёнинг турли бурчакларидан келадиган сайёҳлар Ўзбекистонда катта даромад келтирадиган манбалар кўп эканлигини эътироф этишларини айтади.

© Sputnik / Дилбар Каримбердиева
Юрты, Каракалпакстан

"Туристлардан кўпинча Элликқалъада жудаям кўп қалъалар бор экан, нима сабабдан бу ерда туризм базасини яратмагансиз? Жуда бой тарихга эгасизлар, қанча олис бўлмасин, биз ўзга табиат, атроф-муҳитнинг ранг-баранглиги, айниқса, қуёш чиқиши ва ботишини, ой ва юлдузларни саҳрода туриб томоша қилишни истаймиз. Европа давлатларида замонавий биноларнинг ичида қамалиб қолганмиз, лекин сизларнинг давлатингизга келиб, худди эртакка кириб қолгандек бўламиз, дейишади", - дейди Султонова.

Дарҳақиқат, Элликқалъа Ер юзидаги энг ғаройиб ва гўзал ҳудудлардан бири. Ҳали инсон қўли тегмаган - бокира гўзалликни шу ерда томоша қилиш мумкин.

934

Шаҳрисабзда II мақом санъати анжумани ўтказилади

72
(Янгиланган 19:34 02.07.2020)
Айни пайтда Шаҳрисабзда ушбу нуфузли анжуманни юқори савияда ташкил этиш учун тайёргарлик ишлари бошлаб юборилган.

ТОШКЕНТ, 2 июл - Sputnik. Шаҳрисабзда II мақом санъати анжумани ўтказилади, деб хабар берди Sputnik Ўзбекистонга Туризмни ривожлантириш давлат қўмитаси Қашқадарё вилояти ҳудудий бошқармаси бош мутахассиси Асрор Аллаяров.

Халқаро тадбир жорий йилнинг 5-10 сентябрь кунлари "Фестиваллар шаҳри" – Шаҳрисабзда ўтказилиши режалаштирилган.

Ўзбекистон бош вазирининг 30 июндаги II Халқаро мақом санъати анжуманига тайёргарлик кўриш ва ўтказиш бўйича Ташкилий қўмита мажлиси ўтказилиб, йиғилиш баёни тасдиқланди.

Унда ушбу нуфузли анжуманнинг иккинчи маротаба ўтказилишига тайёргарлик кўриш, хорижий иштирокчиларни янада кўпроқ жалб этиш ва уларга мақом санъати тўғрисида кўпроқ маълумот бериш, анжуман географиясини янада кенгайтириш зарурлиги, иштирокчиларни ўзбек бой маданий мероси, санъати, урф-одатлари билан яқиндан таништириш масалалари муҳокама қилинди.

Айни пайтда Шаҳрисабзда ушбу нуфузли анжуманни юқори савияда ташкил этиш учун тайёргарлик ишлари бошлаб юборилган.

Анжуманни юқори савияда ўтказиш бўйича ташкилий гуруҳ шакллантирилиб, тегишли ташкилотларга бажарилиши лозим бўлган вазифалар белгилаб берилган.

Эслатиб ўтамиз I халқаро мақом санъати анжумани 2018 йилнинг 6-10 сентябрь кунлари Шаҳрисабз шаҳрининг тарихий марказида ўтказилган бўлиб, унда жаҳоннинг 75 мамлакатидан яккахон хонандалар, фольклор жамоалари, дипломатик корпус вакиллари иштирок этганди.
,

72
Гастрономический туризм Республики Узбекистан

Самарқандда гастрономик кўча пайдо бўлади

230
(Янгиланган 19:53 22.06.2020)
Яқин орада Самарқанд марказида Европа ва бошқа мамлакатлар таомларини татиб кўриш мумкин бўлган кўча пайдо бўлади.

ТОШКЕНТ, 22 июн – Sputnik. Самарқанддаги Орзу Махмудова кўчасида биринчи гастрономик кўча пайдо бўлади. У ерда қаҳвахоналар, ресторанлар, новвойхона ва гастрономик бутиклар ташкил қилинади, деди Самарқанд шаҳар ҳокими ўринбосари Ботир Нуруллаев Sputnik мухбирига.

“Орзу Махмудов, собиқ Зоя Космодемьянская кўчаси тўлиқ ободонлаштирилади. Биз бу кўчани гастрономик кўчага айлантириш ниятидамиз. Бу ерда маҳаллий аҳоли ва меҳмонлар европача ва турли миллат таомларини татиб кўриши мумкин бўлади. Лойиҳанинг мақсади – шаҳарда технологиялар ва такрорланмас атмосферани ўз ичига қамраб нафақат туристлар балким маҳалий аҳоли учун ҳам хизмат қиладиган жамоатчилик жойи ташкил қилишдир”, - деди ҳоким ўринбосари.

Кўча бўйлаб чироқлар ўрнатилган, янги меъморий бинолар қурилган. Айни дамда у ерда тротуар плиткаси ўрнатилмоқда.

Ундан ташқари Самарқандда сайёҳлар учун танишув боғи ҳам ташкил қилиш режалаштирилмоқда. У ерда Алишер Навоий, Ислом Каримов, Пушкин ва бошқа кўчалар пайдо бўлади. Университет бульвари ҳудуди ҳам туристик зонага айланатирилади.

230

Ўзбекистонда коронавирус: 2 июль асосий хабарлари

10
(Янгиланган 20:43 02.07.2020)
Бугуннинг ўзида 119 нафар бемор тузалиб, реабилитацияга кузатилди. Республика бўйлаб жами соғайганлар сони 5847 нафарга етди.

ТОШКЕНТ, 2 июл — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 325 кишида коронавирус аниқланди, Ўзбекистонда коронавирус инфекцияси қайд этилганлар сони 8996 нафарни ташкил қилмоқда.

Янги касалланиш ҳолатлари: 77 нафари Тошкент шаҳрида (шундан 30 нафари коронавирусга чалинганлар билан мулоқотда бўлиб, карантинга олинган фуқаролар орасида, 47 нафари аҳоли орасида), 4 нафари Тошкент вилоятида (барчаси аҳоли орасида), 8 нафари Сирдарё вилоятида (шундан 6 нафари коронавирусга чалинганлар билан мулоқотда бўлиб, карантинга олинган фуқаролар орасида, 2 нафари аҳоли орасида), 3 нафари Қашқадарё вилоятида (барчаси карантинга олинган фуқаролар орасида) аниқланган.

Даволаниш кўрсаткичи

Бугуннинг ўзида 119 нафар бемор тузалиб, реабилитацияга кузатилди. Республика  бўйлаб жами соғайганлар сони 5847 нафарга етди.

Айни пайтда 3122 нафар беморга белгиланган стандартлар бўйича даво чоралари кўрилмоқда. 18 нафар оғир, 7 нафар ўта оғир аҳволда.

РНК тест

Ўзбекистонда коронавирус РНКсини аниқлайдиган тест ишлаб чиқилди.

COVID-19 РНКсини ажратишга мўлжалланган диагностик тўплам ЎзР ФА Ўсимлик моддалари кимёси институти ходимлари томонидан ишлаб чиқилган. Таъкидланишича, унинг клиник синовлари Соғлиқни сақлаш вазирлиги лабораторияларида, шу жумладан, Санитария-эпидемиологик осойишталик агентлигининг махсус лабораториясида ўтказилган ва ижобий натижаларни кўрсатди.

Чегарада қолган фуқаролар

ТИВ Қозоғистон чегарасида тўпланган ўзбекистонликлар ҳақида баёнот берди. Қозоғистон чегарасида тўпланган ўзбекистонликлар масаласи Ўзбекистоннинг Москва ва Нур-Султон шаҳарларидаги элчихоналари, Қозон ва Ақтау шаҳарларидаги бош консулхоналари томонидан назоратга олинган.

Ўзбекистон Ташқи ишлар вазирлиги Оператив штаби ахборотига кўра, Россия-Қозоғистон чегараси “Маштаково” ва “Сагарчин” назорат-ўтказиш пунктлари яқинида Ўзбекистон фуқаролари тўплангани кузатилмоқда.

"Мазкур масала мамлакатимизнинг Москва ва Нур-Султон шаҳарларидаги элчихоналари, Қозон ва Ақтау шаҳарларидаги бош консулхоналари томонидан назоратга олинган, Россия ва Қозоғистоннинг ваколатли органлари билан музокаралар олиб борилмоқда", - дейилади хабарда.

ТИВ Оператив штаби ушбу вазият тўғрисида маълумотни Республика махсус комиссиясига киритди.

Шошилинч чоралар

“Жаҳон банки иштирокида “Ўзбекистонда коронавирус COVID-19 инфекциясига қарши шошилинч чоралар кўриш” лойиҳасини амалга ошириш чора-тадбирлари тўғрисида” президент қарори қабул қилинди. Қарор билан “Ўзбекистонда коронавирус COVID-19 инфекциясига қарши шошилинч чоралар кўриш” лойиҳаси параметрлари тасдиқланди.

Лойиҳанинг мақсади Ўзбекистонда коронавирус инфекциясига қарши шошилинч чоралар кўриш учун соғлиқни сақлаш тизимини мустаҳкамлаш, карантин тадбирлари амал қилиши даврида кам таъминланган оилалар ва ишсизларга вақтинчалик нафақалар бериш тизимини кенгайтиришдан иборат.

Лойиҳанинг умумий қиймати 106 757,1 минг долларни ташкил этади.

Дунё саломатлиги

Сўнгги маълумотларга кўра, инфекцияни юқтириб олган кишиларнинг сони 10,7 миллиондан ошди, 516 минг киши вафот этди. Энг кўп ҳолатлар АҚШда (2,6 млн), Бразилияда (1,4 млн), Россияда (653 минг).

10
Мавзу:
COVID-19 умумжаҳон пандемияси