Международный аэропорт Симферополь

Вируслар келиб кетаверади, саёҳатлар қолади Ростуризм

143
(Янгиланган 16:58 12.03.2020)
Ростуризм, коронавирус туфайли сайёҳлар оқимини мамлакат ичидаги томошагоҳ жойларга йўналтиришга умид қилмоқда.

ТОШКЕНТ, 12 мар - Sputnik. Россия туризм соҳаси коронавирус билан боғлиқ салбий вазиятни имкон қадар камроқ зарар билан якунлайди, дейди Ростуризм федерал агентлиги раҳбари Зарина Догузова.

Догузова айтишига қараганда, шу кунларда туризм, иқтисоднинг барча соҳалари каби, олдин юз бермаган вазиятга дуч келган.  

“Ушбу вазиятдан биринчи навбатда туризм соҳаси зарар кўриши турган гап. Бу биз учун ҳам чақириқдир. Биз туроператорларни қўллаб-қувватлашга тайёрмиз. Бугун барчамиз биргаликда ҳаракат қилишимиз керак. Мен дунё ва Россия коронавирус устидан ғалаба қозонишига ишонаман. Вируслар – келиб кетаверади, туризм ва саёҳат қолади. Мен одамлар бутун яна дунё бўйлаб эркин саёҳат қилишни бошлашини интизорлик билан кутмоқдаман”, - дейди Догузова.

Ростуризм раҳбарининг сўзларига кўра, Россияда 1 январдан электрон виза ишга тушган. У бутун дунёдан туристларни ортиқча расмиятчиликларсиз жалб қилиш имконини беради. Коронавирус Россия туроператорлари маҳаллий сайёҳларга учун ўз мамлакатини қайтадан очиб бериш имконини  яратади, дейди Догузова.

143
Во всех исторических объектах Самарканда установлены дезинфицирующие тунели.

Сўров якунлари: россиялик туристлар Ўзбекистонга бўлган парвозлар билан қизиқмоқда

195
Россиялик сайёҳларнинг учдан бир қисми келажакда хорижга саёҳат қилиш учун пул ажратиб қўйган. Уларнинг аксариятини МДҲ шаҳарларига, жумладан, Тошкент ва Самарқандга бўлган парвозлар қизиқтирмоқда.

ТОШКЕНТ, 6 июл — Sputnik. Россиялик сайёҳларнинг учдан бир қисми келажакда хорижга саёҳат қилиш учун пул ажратиб қўйган. Бу ҳақда РИА Новости OneTwoTrip онлайн-сервис тадқиқотига таянган ҳолда хабар қилмоқда.

Компания ходимлари ижтимоий тармоқда сўров ўтказишган, унда 1706 киши иштирок этган. Россияликлардан келажакда халқаро парвозлар тикланиши билан улар чет элда дам олишга тайёргарлик кўраётгани ёки йўқлиги ҳақида сўралган.

Сўровда иштирок этганларнинг 31 фоизи улар албатта бормоқчи бўлган мамлакат, шаҳар ва диққатга сазовор жойлар рўйхатини тузган. 33 фоизи бошқа мамлакатларга саёҳат учун пул ажратиб қўйган. Респондентларнинг 48 фоизи чипталар нархини диққат билан кузатишини айтган.

OneTwoTrip маълумотларига кўра, уларнинг энг кўп мижозлари Москвдан Тошкент ва Самарқанд (Ўзбекистон), Душанбе ва Хўжанд (Тожикистон), Ўш ва Бишкек (Қирғизистон), Ереван (Арманистон), Боку (Озарбайжон), Истанбул (Туркия) ва Минск (Беларусь)га бўлган парвозлар билан қизиқишган.

195
Отдых на Чарваке

"Ўзбекистон Швейцарияси" маҳаллий сайёҳлар учун чўнтакбоп бўлади

1181
(Янгиланган 13:47 04.07.2020)
Маҳаллий ҳукумат нафақат туристларнинг қулай ҳордиқ чиқариши, балки улар саломатлиги хавфсизлигини таъминлаш борасида ҳам қайғурган. Бу учун нафақат ҳуқуқни муҳофаза қилиш органлари вакиллари, балки туристик полиция хизматларидан ҳам фойдаланилмоқда.

ТОШКЕНТ, 4 июл - Sputnik. Тошкент вилоятида туристик сезон ўз фаол фазасига кирди ва бошқа вилоятлар аҳолисини қарши олишга тайёр, деб маълум қилди Sputnik Ўзбекистон мухбирига Тошкент вилояти ҳокимлиги туризм департаментининг туристик инфратузилмани мувофиқлаштириш бўйича бошқарма раҳбари Эркин Норбоев.

Норбоевнинг сўзларига кўра, ёзги дам олиш мавсумида маҳаллий аҳоли халқаро рейслар очилишини кутиб ўтирмасдан, "Ўзбекистон Швейцарияси" номини олган - сўлим Бўстонлиқ гўшасида дам олишлари мумкин.

Коронавирус пандемия туфайли туризм соҳаси катта инқирозларга юз тутганига қарамай, вилоят мутасаддилари бош вазир топшириғига асосан Бўстонлиқ туманидаги дам олиш гўшалари, тоғли ҳудудларда маҳаллий туристларнинг ҳордиқ чиқаришлари учун чўнтакбоп шарт-шароитларни яратмоқда.

Хусусан, Тошкент шаҳри ва вилоятлардан ташриф буюрадиган туристлар учун бу ерда енгил конструкцияли палатка-шаҳарчалар, кэмпинглар ва контейнерли қурилмалар бунёд этилмоқда.

"Улар кенг оммага мўлжалланган ва чўнтакбоп нархларда бўлади", - дея аниқлик киритди Норбоев.

Шунингдек, йўл олди инфратузилмаси бўйлаб ҳам қулай ва арзон турар-жойлар: меҳмонхоналар, хостеллар ва меҳмон-уйлар вужудга келтирилмоқда.

Маҳаллий ҳукумат нафақат туристларнинг қулай ҳордиқ чиқариши, балки улар саломатлиги хавфсизлигини таъминлаш борасида ҳам қайғурган. Туристлар хавфсизлиги учун барча шарт-шароитлар ҳозирланган. Бу учун нафақат туризм департаменти ходимлари, балки тегишли инструктаждан ўтган туристик полиция хизматларидан ҳам фойдаланилмоқда.

Эслатиб ўтамиз, 1 июнь санасидан Ўзбекистоннинг "яшил" ва "сариқ" ҳудудларида ички туризм қайта йўлга қўйилган эди. Туроператорлар, турагентликлар, маданият объектлари санитария-гигиена нормалари ва талабларига қатъий амал қилган ҳолда ўз фаолиятларини бошлашлашлари белгиланганди.

1181

Сурияда портлаш оқибатида 3 нафар Россия ҳарбийси жароҳатланди 

22
(Янгиланган 16:36 14.07.2020)
Сурияда патрул ҳаракатланиш йўналишида қўлбола бомба портлатилиши оқибатида Россия ва Туркия аскарлари жароҳатланди.

ТОШКЕНТ, 14 июл — Sputnik. Суриянинг Эриха аҳоли пункти яқинида, рус-турк патрулига ҳаракатланиш йўналишида қўлбола бомба портлатилди, деб хабар қилмоқда РИА Новости. 

"Портлаш оқибатида 3 нафар россиялик ҳарбийлар жароҳатланди, Туркия экипажи ҳам зарар кўрган", - дейилган хабарда.  

Айни дамда патрул назорати тўхтатилган, барча ярадорлар ва шикастланган техника эвакуация қилинди. Россиялик ҳарбийлар Хмеймим авиабазасига олиб келинган. Суриядага Россия кучлари қўмондонлиги Туркия ҳарбий раҳбарияти билан биргаликда ушбу портлашда Идлибда фаолият олиб бораётган жангариларнинг ушбу ҳодисага алоқадорлигини текширмоқда.

Бироз олдин Сурия ҳарбийлари Ракка вилоятида бир гуруҳ жангариларни қўлга олгани ҳақида хабар берилган эди. Маълум бўлишича жангарилар "Магавир ас-Саура" гуруҳига мансуб бўлиб уларнинг асосий вазифаси Россия ва Эрон қуролли кучлари ҳақида маълумот тўплаш бўлган, лекин йўлда улар миналаштирилган майдонга дуч келиб, гуруҳ бошлиғи ва йўл бошловчидан маҳрум бўлишган, кейин Сурия ҳарбийларига асирга тушишган. 

 

22