Бўстонлиқда янги дам олиш маскани очилди

461
(Янгиланган 16:52 29.12.2020)
Ўзига хос услубда яратилган янги объект ҳудудида 10 та ўтов, 14 уйча, бассейн, турк саунаси, бильярд ва теннис зали ҳамда 100 ўринли кафе мавжуд.

ТОШКЕНТ, 29 дек — Sputnik. Тошкент вилояти, Бўстонлиқ тумани, Чимён МФЙда “Seven Tree” дам олиш маскани очилди. Бу ҳақда Туризмни ривожлантириш қўмитаси хабар қилди.

“Seven Tree” лойиҳасининг умумий қиймати 27 миллиард сўм бўлиб, унинг фаолияти йўлга қўйилиши натижасида 150 янги иш ўрни яратилди. Ушбу маскан қисқа муддатда барпо этилиб, Тошкент вилоятидаги йирик туристик мажмуалари қаторига киради ҳамда маҳаллий вa хорижий сайёҳлар оқимини оширишга хизмат қилади”, - деди Бўстонлиқ тумани ҳокими Жўрабек Аҳмедов. 
Территория курортной зоны в Бостанлыкском районе

Ўзига хос услубда яратилган янги объект ҳудудида 10 та ўтов, 14 уйча, бассейн, турк саунаси, бильярд ва теннис зали ҳамда 100 ўринли кафе мавжуд. 

461
Теглар:
Ўзбекистон янгиликлари, дам олиш маскани, туризм, Бўстонлиқ тумани
Вид на город Самарканд

Пандемия давридаги туризм: Абдуҳакимов 2021 йил бўйича режаларни маълум қилди

142
Таъкидланишича, 2021 йилда барча ишларни умумий рақамлар орқали эмас, аниқ режалар ва рейсма-рейс йўналиш бўйича батафсил ҳисоб-китоб асосида амалга оширилади. Хусусан, зиёрат туризмига кўпроқ эътибор қаратилади.

ТОШКЕНТ, 9 янв - Sputnik. Ўзбекистонга 2021 йилда 1 млн 700 минг нафар хорижий сайёҳ ташрифини таъминлаш бўйича режа қилинган, дея маълум қилган АОКАда ўтказилган брифингда Ўзбекистон бош вазири ўринбосари Азиз Абдуҳакимов.

Генеральный директор туроператора Дельфин Сергей Ромашкин
© Foto : Из личного архива Сергея Ромашкина

Абдуҳакимовнинг айтишича, ўтган 2020 йилда мамлакатга 1 млн 504 минг турист келган ва уларга 261 млн долларлик хизмат кўрсатилган.

"Коронавирус пандемияси туфайли юз берган глобал инқироз натижасида мамлакатимиз туризми энг жиддий зарар кўрган соҳалардан бири бўлди. 2020 йилда жами 1 млн 504 минг турист ташриф буюрди. Бунда 261 миллион АҚШ доллари миқдорида туризм хизматини кўрсатдик", - деган Азиз Абдуҳакимов.

Таъкидланишича, 2021 йилда барча ишларни умумий рақамлар орқали эмас, аниқ режалар ва рейсма-рейс йўналиш бўйича батафсил ҳисоб-китоб асосида амалга оширилади. Хусусан, зиёрат туризмига кўпроқ эътибор қаратилади.

2021 йилда Ўзбекистонга 1 млн 700 минг нафар хорижий сайёҳ ташрифини таъминлаш бўйича режа қилинган.

142
Теглар:
рейслар бекор қилиниши, авиарейслар қатнови, авиарейс, коронавирус пандемияси, туризм, Самарқанд вилояти, Самарқанд
Мавзолей Имам аль-Бухари

Мусулмон давлатлари учун “Ал-Бухорий” халқаро спутник телеканалини очиш таклиф қилинди

188
(Янгиланган 12:16 25.12.2020)
Халқаро ислом академияси “Академик туризм” ва “Imams’ tour” маърифий турларни ташкил этишни таклиф қилишди.

ТОШКЕНТ, 25 дек - Sputnik. Ўзбекистонда мусулмон давлатлари учун “Ал-Бухорий” халқаро спутник телеканалини очишни таклиф қилинди, деб хабар қилмоқда Туризмни ривожлантириш давлат қўмитаси. 

Ушбу таклиф Туризмни ривожлантириш давлат қўмитаси ҳамда Халқаро Ислом академияси вакиллари иштирокида бўлиб ўтган учрашувда билдирилди. 

Азиз Абдуҳакимов “Ал-Бухорий” халқаро спутник телеканалини очиш ва унда мусулмон аҳолиси кўп бўлган мамлакатлар тилларида Ўзбекистоннинг зиёрат туризми салоҳиятини намойиш қилиб, тарғибот кампаниясини кучайтиришни таклиф этди, - дейилган хабарда.

Халқаро ислом академияси вакиллари эса, соҳада мавжуд имкониятлардан зиёрат туризмни ривожлантириш мақсадида фойдаланишни таклиф қилишди.

Хусусан, академия бинолари, конференция заллари ва талабалар турар жойларидан хорижий талаба ва тадқиқотчилар учун “Академик туризм” ва МДҲ давлатлари имомлари учун “Imams’ tour” маърифий турларни ташкил этишда самарали фойдаланиш таклиф қилинди.

Шунингдек Академия ҳудудида жойлашган муқаддас қадамжолар — Шайхонтоҳур, Тўлабек (Қалдирғочбек) ҳамда Юнусхон мақбараларида сайёҳларни кириб-чиқиш шароитларини янада қулайлаштириш каби таклифлар билдирилди. 

Тадбир якунига кўра, Туризмни ривожлантириш давлат қўмитаси ва Ўзбекистон халқаро ислом академияси ўртасида Англашув меморандуми имзоланди. Бундан ташқари, Ўзбекистон халқаро ислом академияси ҳамда “Ипак йўли” халқаро туризм университети ўртасида Англашув меморандуми 

Статистик маълумотларда қайд этилишига кўра, 2018-2019 йилларда визасиз режим жорий этилган Индонезиядан ташриф буюрувчи сайёҳлар оқими - 170 %, Малайзиядан - 158 %, Туркиядан – 154 %, БААдан келувчи мусулмон сайёҳлар сони 153 %га ошган. 

Ундан ташқари “Жаҳон мусулмон сайёҳлари индекси” (Global Muslim Travel Index) рейтингида Ўзбекистон 10 поғона (32-ўриндан 22-ўринга) юқорилаб, Ислом ҳамкорлик ташкилотига аъзо мамлакатлар орасида мусулмон сайёҳларни жалб қилаётган “энг жозибадор” ҳамда “хавфсизлик ва бағрикенглик даражаси юқори” бўлган 10 мамлакат қаторидан ўрин олган.

188
Руки в наручниках.

АҚШда "ИД"га ёрдам берган ўзбекистонлик 12,5 йилга қамалди

12
Коннектикутнинг Нью-Хейвенидан бўлган Азизжон Рахматов чет эл террористик ташкилотига моддий ёрдам кўрсатиш бўйича тил бириктирувда иштирок этганлигини тан олган

ТОШКЕНТ, 16 янв — Sputnik. Федерал Бруклин суди ўзбекистонликни "Ислом давлати" террористик уюшмасига кўмак кўрсатгани учун 12,5 йилга қамоқ жазосига маҳкум қилди, деб хабар бермоқда New York Post.

Коннектикутнинг Нью-Хейвенидан бўлган Азизжон Рахматов чет эл террористик ташкилотига моддий ёрдам кўрсатиш бўйича тил бириктирувда иштирок этганлигини тан олган.

Суд жараёни давомида 2015 йилда Рахматов ИД сафига янги қўшилган Ахрор Саидахметовга у ИШИД сафига қўшилиш учун Сурияга етиб олиши ва қурол сотиб олиши учун 400 АҚШ доллари бергани маълум бўлган.

Саидахметов, ўз навбатида ИДга содиқ экани, аммо агарда жиҳод учун Сурияга етиб бора олмаса, бор ҳалокатли уринишларини АҚШдаги полициячилар ва ФБР агентларига қаратишга қасамёд қилган.

Ёвуз ният билан у Жон Кеннеди номидаги аэропортдан Истанбулга (Туркияга) қараб учган. Аммо Сурия билан чегарадан ўтмоқчи бўлганида ҳукумат томонидан қўлга олинган. 2017 йилда у 15 йилга озодликдан маҳрум этилган.

Прокуратура баёнотига мувофиқ, иккала жиноятчи ҳам жазони ўтиб бўлганидан сўнг ватанга депортация қилинади.

12