Узбекские авиалинии приняли в эксплуатацию еще один самолет Boeing 787-8 Dreamliner

Ўзбекистон 1 мартдан бешта давлат билан визасиз режимни жорий этади

1121
(Янгиланган 19:41 10.02.2021)
2021 йил 1 мартдан бошлаб Ташқи ишлар вазирлигининг масъул шахслари ички туризм оқимини ташкил қилиш ва хорижий сайёҳларни жалб қилиш бўйича прогноз кўрсаткичларининг бажарилишини таъминлаган тақдирда, уларга Қўмита таклифига мувофиқ мукофот тўланади

ТОШКЕНТ, 10 фев - Sputnik. 2021 йил 1 мартдан бошлаб бешта давлат билан визасиз режимни жорий этади. Бу президент томонидан имзоланган "Ўзбекистон Республикасида ички ва зиёрат туризмини янада ривожлантириш чора-тадбирлари тўғрисида"ги фармонда кўзда тутилган.

"Ўзбекистон Республикаси ҳудудига кирган кундан эътиборан 10 кунлик муддатга ўз ёки учинчи мамлакатга учиш авиачиптасини тақдим қилган Баҳрайн Қироллиги, Қатар Давлати, Қувайт Давлати, Уммон Султонлиги ва Хитой Халқ Республикаси, шу жумладан Хитой Халқ Республикасининг Гонконг ва Макао махсус маъмурий ҳудудлари фуқаролари учун визасиз режим белгилансин", - дейилади ҳужжат матнида.

Шунингдек, Транспорт-логистика масалаларини тезкор кўриб чиқиш бўйича идоралараро комиссия қуйидаги ваколатлар берилмоқда:

  • хорижий ва маҳаллий авиакомпанияларнинг туризм ва инвестиция йўналишларида авиапарвозларни ташкил этиш ҳамда фаолиятини амалга ошириш чоғида юзага келадиган низоларни музокаралар ўтказиш йўли билан тезкорлик билан ҳал этиш;
  • авиапарвозларга рухсат олиш тизимини соддалаштириш, лоукостерларни жалб этиш, парвозлар географиясини "боғлаш" принципи орқали кенгайтиришга тўсқинлик қилувчи муаммоли масалаларни тезкор кўриб чиқиш ва уларни ҳал этиш;
  • "Очиқ осмон" режими жорий этилган барча аэропортларга янги авиа йўналишлар очиш бўйича хорижий компанияларни жалб этиш,
  • уларнинг лойиҳаларини ўз вақтида ва самарали амалга оширишга тўсқинлик қилувчи омилларни аниқлаш, уларни бартараф этиш;
  • аэропортларда қуруқликда хизмат кўрсатиш (ground handling) соҳасини такомиллаштириш, белгиланган нархларни қайта кўриб чиқиш ва мақбуллаштириш орқали инвестицияларни жалб қилиш;
  • ҳудудлараро йўналишли автотранспорт қатновларини кенгайтириш, янги қатновларни ташкил этиш, шунингдек, ушбу соҳадаги мавжуд муаммоларни тезкор ҳал қилиш чораларини кўриш;
  • темир йўл транспорти, шу жумладан темир йўл вагонлари ва контейнерлар орқали ташиш тизимига тадбиркорлик субъектларини жалб қилиш тартибини такомиллаштириш, бу йўналишдаги муаммоларни тезкорлик билан ҳал қилиш.

Белгиланишича, 2021 йил 1 мартдан бошлаб Ташқи ишлар вазирлигининг масъул шахслари, Қорақалпоғистон Республикаси Вазирлар Кенгаши раиси, вилоят, шаҳар ва туманлар ҳокимлари ички туризм оқимини ташкил қилиш ва хорижий сайёҳларни жалб қилиш бўйича прогноз кўрсаткичларининг бажарилишини таъминлаган тақдирда, уларга Қўмита таклифига мувофиқ мукофот тўланади, прогноз кўрсаткичлари бажарилиши таъминланмаган тақдирда эса, белгиланган тартибда интизомий жазо чоралари қўлланилади.

Вазирлар Маҳкамасига бир ой муддатда ички туризм оқимини ташкил қилиш ва хорижий сайёҳларни жалб қилишга оид 2021 йил бўйича асосий прогноз кўрсаткичларини ҳамда ички ва зиёрат туризмини ривожлантириш бўйича қўшимча чора-тадбирларни тасдиқлаш юклатилган.

Ҳар ой якуни бўйича тасдиқланган прогноз кўрсаткичлари юзасидан амалга оширилган ишлар бўйича Ўзбекистон Республикаси Президентига ахборот киритиб борилиши белгиланган.

1121
Туристы в Узбекистане

Ўзбекистонда моддий аҳволи оғир аёлларга бепул саёҳат уюштирилмоқда

155
Айни кунда республиканинг барча ҳудудларида ижтимоий, ҳуқуқий ва психологик қўллаб-қувватлашга муҳтож, билим ва касб ўрганишга эҳтиёжи ва иштиёқи бор бўлган ишсиз хотин-қизлар муаммоларини ҳал этиш бўйича тизимли чора-тадбирлар амалга оширилмоқда

ТОШКЕНТ, 3 мар - Sputnik. Касаба уюшмалари Федерацияси "Аёллар дафтари"га кирган хотин-қизлар учун бепул саёҳатлар ташкил этмоқда. Бу ҳақда Sputnik Ўзбекистон мухбирига Ўзбекистон касаба уюшмалари Федерацияси Матбуот хизмати раҳбари Муҳаббат Ўрмонбекова хабар қилди.

Хусусан, Касаба уюшмалари Федерацияси томонидан республиканинг турли ҳудудларида яшовчи, "Аёллар дафтари"га кирган аёллар учун Хоразм вилоятидаги тарихий обидалар бўйлаб бепул саёҳатлар ташкил этилмоқда.

Эслатиб ўтамиз, Касаба уюшмалари Федерацияси раиси мутасаддилигида Маҳалла ва оилани қўллаб-қувватлаш вазирлиги ҳамда тегишли масъул ташкилотлар раҳбарлари таркибида "Аёллар муаммоларини тизимли равишда ҳал этиш, уларни ижтимоий қўллаб-қувватлаш бўйича республика комиссияси" фаолияти йўлга қўйилиб, "Аёллар дафтари"ни шакллантириш ишлари амалга оширилмоқда.

Айни кунда республиканинг барча ҳудудларида мазкур дафтарга киритилган ижтимоий, ҳуқуқий ва психологик қўллаб-қувватлашга муҳтож, билим ва касб ўрганишга эҳтиёжи ва иштиёқи бор бўлган ишсиз хотин-қизлар муаммоларини ҳал этиш бўйича тизимли чора-тадбирлар амалга оширилмоқда.

Хусусан, "Аёллар дафтари"га 30 ёшдан ошган 9 тоифадаги, яъни ижтимоий ҳимояга муҳтож бўлган ишсиз, боқувчисини йўқотган эҳтиёжманд, ижтимоий ёрдамга муҳтож I ва II гуруҳ ногиронлиги бўлган, уй-жойини таъмирлашга муҳтож I гуруҳ ногиронлиги бўлган, нотурар жойларда истиқомат қилаётган, қарамоғида бир ва ундан ортиқ I ёки II гуруҳ ногиронлиги бўлган фарзандлари мавжуд ёлғиз аёллар, шунингдек, тиббий ҳимоя, ҳуқуқий ёрдам ва психологик маслаҳатга муҳтож эҳтиёжманд аёллар аниқланиб, уларга жойида амалий ёрдам кўрсатилмоқда.

Республика даражасида ҳал этиладиган муаммолар бўйича эса "Йўл хариталари" тузилиб, кўплаб масалаларга ечим топилмоқда.

155
На территории крепости Ичан-Кала в Хиве

Мамлакат бўйлаб саёҳат учун чегирмалар ва туристик йиғим миқдори тасдиқланди

128
Ҳукумат қарори билан ички саёҳатларга 50 фоизгача субсидиялар бериш тартиби ва жойлаштириш воситаларидан ундириладиган маҳаллий туристик йиғим миқдори тасдиқланди.

ТОШКЕНТ, 1 мар — Sputnik. Вазирлар Маҳкамаси ўз қарори билан Ўзбекистон фуқаролари ва Ўзбекистонда доимий яшовчи фуқаролиги бўлмаган шахслардан жойлаштириш воситасидан ундириладиган туристик (меҳмонхона) йиғим миқдорини тасдиқлади. Бу базавий ҳисоблаш миқдорининг 0,4 фоизи ёки 980 сўмни ташкил этади. Бу ҳақда Туризмни ривожлантириш давлат қўмитаси хабар қилмоқда.

Йиғим президентнинг февралда имзолаган фармони билан жорий этилган ва 1 мартдан яшаган ҳар бир кун учун тўланади. Йиғимдан тушган маблағлар ички туризмни тарғиб қилиш ва рағбатлантириш, туризм мавсуми паст бўлган даврда жойлаштириш воситаларининг бандлигини таъминлашга қаратилган чора-тадбирларни молиялаштиришга йўналтирилади. Бунга қадар туристик йиғим фақат чет элликлардан ундирилган.

Шунингдек, ҳукумат қарори билан Ўзбекистон бўйлаб саёҳат учун харажатларнинг бир қисмини қоплаш тартиби белгиланган.

Янги йўлга қўйилаётган авиақатновларга чипталар 25 фоиз арзон сотилиб, ушбу чипта туроператорлар орқали харид қилинса яна 15 фоиз ва умумий 40 фоиз чегирма тақдим этилади. Шунингдек, туроператорлар орқали харид қилинган темирйўл чипталарига 15 фоиз, меҳмонхона хизматларига 10 фоиз қўшимча чегирмалар берилиши белгилаб берилди.

“Фарғона водийсидан қадимий Хива шаҳрига саёҳат” турпакетини 5 кишидан иборат бир оила 6,6 млн сўмга (авиа ва меҳмонхона хизмати)  харид қилганда туроператорлар томонидан давлат субсидияси ҳисобига фуқароларимизга 2 млн сўм чегирмалар берилиб, 4,6 млн сўмни ташкил этади. Бунда, субсидияланадиган авиа ва темир йўл йўналишлари, шунингдек, авиачипта ҳамда жойлаштириш воситаларининг меҳмонхона хизматлари нархларининг субсидияладиган энг юқори (чекланган) даражаси (суммаси) Махсус комиссия томонидан белгиланади.

2020 йилда туризм соҳасида жорий этилган солиқ имтиёзлари 2021 йил охирига қадар узайтирилган.

128
Российская вакцина Sputnik V в аэропорту

"Спутник V" дунёдаги машҳур вакциналар рейтингида иккинчи ўринни эгаллади

33
"Спутник V" коронавирусга қарши оммабоп вакциналар рейтингида иккинчи ўринни эгаллади: жаҳон пойгасида қайси мамлакат Россияни ортда қолдирди?

ТОШКЕНТ, 6 мар — Sputnik. Россиянинг коронавирусга қарши "Спутник V" вакцинаси дунё бўйича ушбу инфекцияга қарши қўлланилишда машҳур бўлган иккинчи препарат номини олди. Бу ҳақда вакцина ишлаб чиқарувчилари ўзларининг Twitter’ида маълум қилдилар.

"Спутник V" - коронавирусга қарши қўлланилишда машҳур бўлган иккинчи вакцина. Регуляторлар овози шуни кўрсатмоқда. Ишончингиз учун раҳмат!" - дея қайд этишган мутахассислар.

Тақдим этилган рейтинг саккизта позицияни ўз ичига олган. Битта колонкада препарат номи кўрсатилган, иккинчисида - вакцинани қўллаш учун тасдиқлаган мамлакатлар сони.

Шу тариқа, "Спутник V" американинг Pfizer вакцинасини ортда қолдирган ҳолда рейтингда иккинчи қаторни эгаллаган.

Россияда ишлаб чиқарилган препаратни 45та мамлакат фойдаланиш учун маъқуллаган бўлса, АҚШ маҳсулотини - 43та мамлакат маъқуллаган.

Рейтингда етакчи позицияни инглиз-швед препарати AstraZeneca эгаллаган. Препарат 49та мамлакатда қўлланилиш учун рухсат олган.

Қаторда бешинчи ўрин американинг Moderna препарати, сўнгра хитойнинг Sinopharm, Sinovac ва CanSino препаратлари эгаллаган. Рейтингдаги охирги қатор Johnson&Johnson компанияси томонидан бозорга яқинда чиқарилган вакцина эгаллаган, бу препаратни тўртта давлат маъқуллаган.

Эслатиб ўтамиз, Оксфорд универститети маълумотларига кўра, AstraZeneca препарати самарадорлиги 70%ни ташкил қилади.

Гамалея маркази мутахассислари томонидан ишлаб чиқарилган "Спутник V" вакцинаси коронавирусга қарши рўйхатга олинган дунёдаги биринчи препарат бўлди. Вакцина ўзининг самарадорлиги ва хавфсизлигини кўплаб маротаба исботлаган, препарат салбий оқибатларни келтириб чиқармайди ва шу боис Россия вакцинасига бўлган ишонч кун сайин ортиб бормоқда.

33
Теглар:
коронавируснинг “британча” штамми аломатлари, Британияда коронавируснинг янги штамми, коронавирус пандемияси, Спутник, Спутник V, Спутник Лайт, вакцина
Мавзу:
COVID-19 умумжаҳон пандемияси