Назакет Мамедова – политолог

Туркий тилли мамлакатлар Евроосиёга қўшилгани маъқул озарбайжонлик сиёсатшунос

895
(Янгиланган 19:39 18.10.2019)
Атлантизм ҳозирда чуқур инқироз гирдобида. Бундай вазиятда Евроосиё лойиҳаси қайта тикланиши учун барча имкониятларга эга.

ТОШКЕНТ, 18 окт — Sputnik. Ўзбекистон ушбу йил Туркий тилли давлатлар ҳамкорлиги кенгашига аъзо бўлди. Ташкилотнинг асосий мақсади – ушбу мамлакатлар ўртасида ҳартомонлама шерикликни ривож топтириш.

Ўзбекистон Туркий Кенгашга нега аъзо бўлди?

“Туркий мамлакатлар умумий илдизларга, тил, маданият ва тарихий ўтмишга эга. Бу эса гуманитар алоқаларни ривожлантириш учун қўшимча имконият ҳамдир. Интеграция аломатларини аллақачон кузатиб турибмиз ва бу жараён муваффақиятли кечаётганлигини ҳам қайд этиш керак”, - деди сиёсатшунос Назакет Мамедова Sputnik билан суҳбати давомида.

Унинг сўзларига қараганда, Ғарбнинг ўзида ҳам атлантизм чуқур инқирозни бошдан кечираётгани тан олинмоқда.

Қолаверса, ҳеч кимга сир эмас, Европанинг ичида ихтилоф шаклланиб бўлган ва бундай вазиятда Евроосиё лойиҳаси қайта тикланиши учун барча шароитлар мавжуд, дея қўшимча қилди Мамедова. Туркий тилли мамлакатлар бунинг учун зарур имкониятларга, тарихий негиз ва барча асосларга эга. “Ўйлашимча, Евроосиё иттифоқи доирасида бирлашиш Озарбайжон ва бошқа туркий тилли мамлакатлар учун ҳозирда энг мақбул вариантдир”, - сўзига якун ясади мутахассис.

Глазьев: ЕОИИ Ўзбекистондан конкрет ташаббусларни кутиб қолади

Бир неча вақт илгари, Ўзбекистон ташқи ишлар вазири Абдулазиз Комилов республиканинг Туркий кенгаш аъзолари билан ўзаро алоқаси тамоман мантиқий ва манфаатли стратегияга асосланишини қайд этганди. У тарих, анъаналар, маданият, тил кабилардаги умумийлик ҳамда савдо-иқтисодий ва транспорт ҳамда таълим соҳаларида янада самарали ҳамкорликни ўз ичига олган прагматик манфаатнинг мавжудлигини бундай бирдамликка асослар қаторида келтириб ўтган эди.

Назакет Мамедова: евразийство – более приемлемый вариант для тюркоязычных стран
895
Тактико-специальные учения в Сырдарье

Ўзбекистонда минтақа шароитида махсус операцияларни амалга ошириш тажрибадан ўтказилди

314
(Янгиланган 13:54 08.11.2019)
Оммавий тартибсизликларни олдини олиш ва жамоат тартибини сақлаш юзасидан махсус тактик ўқув машғулотлари куни-кеча Сирдарё вилоятида бўлиб ўтди.

ТОШКЕНТ, 8 нояб - Sputnik. Куни-кеча Сирдарё вилоятининг Гулистон шаҳрида вилоят ички ишлар бошқармасининг махсус жанговар бўлинмалари, фавқулодда вазиятлар бошқармаси ва Ўзбекистон Миллий гвардияси ходимлари ҳамкорлигида қўмондонлик-штаб ва махсус-тактик ўқув машғулотлари ўтказилди. Бу ҳақда республика Ички ишлар вазирлиги хабар қилди.

Махсус-тактик машғулот
Махсус тактик ўқув машғулотлари. Сирдарё вилояти. 2019

Унда асосан “Оммавий тартибсизликларни олдини олиш ва жамоат тартибини сақлаш” ҳамда “Портлаш хавфи бўлган предметларни зарарсизлантириш” вазифларига урғу берилди.

Ўзбекистонда Хитой ракетаси муваффақиятли синовдан ўтказилди

Машғулот давомида ички ишлар бошқарув органлари ва шахсий таркибининг ўзаро ҳамкорлигини ташкил қилиш, тўпланган тажрибаларни мустаҳкамлаш, махсус тезкор режаларда назарда тутилган вазифаларни бажариш, минтақа шароитида махсус операциялар ўтказиш тажрибасини ошириш, бундай операциялар ўтказиш бўйича асосий билимларини такомиллаштириш, раҳбарларни мураккаб шароитларда зудлик билан тўғри қарор қабул қилиш кўникмаларини хосил қилиш устида иш олиб борилди.

314
 Андрей Худык

Беларусь Орол фожиаси оқибатларини енгишда кўмаклашади

217
(Янгиланган 19:51 29.10.2019)
Беларусь табиий ресурслар ва атроф-муҳитни муҳофазалаш вазири Андрей Худык Нукусдаги форумда сўзга чиқар экан, Орол фожеаси оқибатларини енгишда Ўзбекистон билан ҳамкорлик қилиш йўллари хусусида тўхталди.

Форум қатнашчиси Беларусь вазирининг қайд этишича, қуриб кетаётган орол аҳволи унга ниҳоятда кучли таъсир кўрсатибгина қолмай, икки хил кайфиятни ҳам ҳис эттирди.

“Бир томондан экологик офат миқиёси кишини ҳам ҳайратда қолдиради ва ҳамда унга қўрқинч ҳиссини улашмай қолмайди. Бошқа томондан эса умид ҳисси бор. Зеро, бу мавзуда Ўзбекистон раҳбариятининг сиёсий иродаси яққол намоён бўлиб турибди. Яъни давлат раҳбари мазкур фожиа оқибатларини юмшатиш ва минтақада тўлақонли ҳаётни қайта тиклаш йўлида барча нарсага тайёр эканлиги шундоқ кўриниб турибди”, - дейди Худык Sputnik Ўзбекистон мухбири билан интервьюсида.

Суҳбатдош айтишича, бу муаммо Беларусь учун ниҳоятда яқин, чунки ўз тарихи давомида республика оғир экологик фожиаларга дуч келган. Мамлакат бу борада бой тажрибага ва бошқалар билан баҳам кўра оладиган илмий ишланмаларга эга эканлиги ҳам таъкидлаб ўтилди.

“Бизнинг сув ҳавзаларимиз кўп, шундай бўлса-да, ер ости сувлари сатҳи тушганини қайд этяпмиз. Бу каби муаммоларнинг сабабларини биламиз, албатта, ва ҳозирда уларга қарши муваффақиятли курашяпмиз ҳам. Ушбу маънода, ўзбек ҳамкасбларимизга ишланмаларимизни тақдим этишга тайёрмиз”, - дея якун ясади Беларусь вазири.

Орол бўйи муаммоларига бағишланган конференцияда Ўзбекистон, Беларусь ва Қозоғистондан етакчи мутахассис-экспертлар ҳамда БМТ ва ЕИ вакиллари иштирок этди.

Беларусь поможет Узбекистану в ликвидации последствий высыхания Арала — министр
217
Национальная валюта Узбекистана — сум

Пенсия таъминотига доир қонун лойиҳаси тайёрланди

440
Молия вазирлиги “Фуқароларнинг давлат пенсия таъминоти тўғрисида”ги Ўзбекистон Республикаси Қонунига ўзгартишлар киритишга доир ҳужжат тайёрлади.

ТОШКЕНТ, 2 дек — Sputnik. Молия вазирлиги “Фуқароларнинг давлат пенсия таъминоти тўғрисида”ги Ўзбекистон Республикаси Қонунига ўзгартишлар киритиш ҳақида Ўзбекистон Республикаси Қонуни лойиҳасини тайёрлаб, умумий муҳокамага қўйди.

Лойиҳанинг асосий мақсади - “Ногиронлиги бўлган шахсларнинг ҳуқуқлари тўғрисида” 2020 йил 15 октябрдаги қонунига асосан, “Фуқароларнинг давлат пенсия таъминоти тўғрисида”ги қонунида белгиланган “ногирон” деган атамани “ногиронлиги бўлган шахс” атамасига алмаштириш.

- меҳнат қобилиятини йўқотган ногиронлиги бўлган шахсга меҳнат қобилияти тикланганлиги ёки узрсиз сабабларга кўра қайта кўрикдан ўтишга келмаганлиги оқибатида пенсияси тўхтатиб қўйилиб, беш йилдан муддатдан сўнг шахсни такроран ногиронлиги бўлган шахс деб эътироф этилганида, амалда бўлган қонунчилик талабларидан келиб чиқиб ногиронлик пенсиясини тайинлаш.

- пенсионернинг вафоти муносабати билан унинг вафот этган ойдаги пенсия пулини оила аъзоларига тўлиқ миқдорда тўлаш.

Таъкидланишича, қонун лойиҳасининг қабул қилиниши Давлат бюджетидан ҳамда Молия вазирлиги ҳузуридаги бюджетдан ташқари Пенсия жамғармасидан йилига 4,4 млрд сўм қўшимча маблағ талаб этилади.

440