Девушка спит. Иллюстративное фото

Ишдаги уйқучанлик ва камҳаракатлиликка қарши курашиш керакми?

653
(Янгиланган 19:32 21.10.2019)
Белгиланган вақтдан ортиқча ўтириб ишлаш, тушликдан кейинги ухлаш истаги кабилар билан курашиш керакми?

ТОШКЕНТ, 21 окт - Sputnik. Иш фаолияти кишиларнинг турмуш тарзи, кайфияти ва соғлиғига таъсир кўрсатади. Масалан, узоқ соатлаб ўтириб ишлаш гиподинамия, яъни камҳаракатлиликка олиб келиб, моддалалар алмашинуви билан боғлиқ касалликларини вужудга келтиради. Мунтазам равишда белгиланган вақтидан ортиқча ишлаш эса юрак-томир касалликларини келтириб чиқариш хавфини янада оширади.

Россияда олиб борилган тадқиқотларга кўра, ҳар иккинчи ишчи ходим куни бўйи ўтирган ҳолатда вақт ўтказади. Россияликнинг ўртача иш ҳафтаси 49 соатга тенг.

Шундай бўлса-да, сўровда иштирок этганларнинг 79%и у ё бу даражада ўз ишидан қаноатланганлигини маълум қилган.

Россияликлар уларнинг кайфияти, умумий ҳолатига ижобий таъсир кўрсатиши мумкин бўлган шароитларни санаб ўтди. Сўровда қатнашганларнинг –

19%и ишлаётган ташкилотлари томонидан диспансеризациядан ўтишга имконият яратилиши;

14%и жисмоний машқ бажариш;

12%и иш вақтида танаффус қилиш, ишдан бир оз чалғиш кабиларни қайд этган.

Бу орада Калифорния университети (АҚШ) тадқиқотларига кўра, барчага маълум ва машҳур тушликдан кейинги мизғиб олиш истагини қондириш кишининг меҳнат лаёқатини ошириб, қолган кун давомида уйқучанлигини олдини олишга кўмаклашади. Янги ўтказилган тадқиқот (беш йил давомида олиб борилган), кундузги уйқунинг инсон соғлиғига ижобий таъсир кўрсатишини тасдиқлади.

Секин юришнинг кутилмаган хавфли тарафи аниқланди

Тушликдан кейин вақти-вақти билан дам олганларда уйғоқ турганларга нисбатан юрак-томир касалликлари 48% га камайганлиги аниқланди. Бунда тунги уйқунинг ҳам тўлақонли бўлиши муҳим эканлиги айтиб ўтилади.

653
Тактико-специальные учения в Сырдарье

Ўзбекистонда минтақа шароитида махсус операцияларни амалга ошириш тажрибадан ўтказилди

314
(Янгиланган 13:54 08.11.2019)
Оммавий тартибсизликларни олдини олиш ва жамоат тартибини сақлаш юзасидан махсус тактик ўқув машғулотлари куни-кеча Сирдарё вилоятида бўлиб ўтди.

ТОШКЕНТ, 8 нояб - Sputnik. Куни-кеча Сирдарё вилоятининг Гулистон шаҳрида вилоят ички ишлар бошқармасининг махсус жанговар бўлинмалари, фавқулодда вазиятлар бошқармаси ва Ўзбекистон Миллий гвардияси ходимлари ҳамкорлигида қўмондонлик-штаб ва махсус-тактик ўқув машғулотлари ўтказилди. Бу ҳақда республика Ички ишлар вазирлиги хабар қилди.

Махсус-тактик машғулот
Махсус тактик ўқув машғулотлари. Сирдарё вилояти. 2019

Унда асосан “Оммавий тартибсизликларни олдини олиш ва жамоат тартибини сақлаш” ҳамда “Портлаш хавфи бўлган предметларни зарарсизлантириш” вазифларига урғу берилди.

Ўзбекистонда Хитой ракетаси муваффақиятли синовдан ўтказилди

Машғулот давомида ички ишлар бошқарув органлари ва шахсий таркибининг ўзаро ҳамкорлигини ташкил қилиш, тўпланган тажрибаларни мустаҳкамлаш, махсус тезкор режаларда назарда тутилган вазифаларни бажариш, минтақа шароитида махсус операциялар ўтказиш тажрибасини ошириш, бундай операциялар ўтказиш бўйича асосий билимларини такомиллаштириш, раҳбарларни мураккаб шароитларда зудлик билан тўғри қарор қабул қилиш кўникмаларини хосил қилиш устида иш олиб борилди.

314
 Андрей Худык

Беларусь Орол фожиаси оқибатларини енгишда кўмаклашади

217
(Янгиланган 19:51 29.10.2019)
Беларусь табиий ресурслар ва атроф-муҳитни муҳофазалаш вазири Андрей Худык Нукусдаги форумда сўзга чиқар экан, Орол фожеаси оқибатларини енгишда Ўзбекистон билан ҳамкорлик қилиш йўллари хусусида тўхталди.

Форум қатнашчиси Беларусь вазирининг қайд этишича, қуриб кетаётган орол аҳволи унга ниҳоятда кучли таъсир кўрсатибгина қолмай, икки хил кайфиятни ҳам ҳис эттирди.

“Бир томондан экологик офат миқиёси кишини ҳам ҳайратда қолдиради ва ҳамда унга қўрқинч ҳиссини улашмай қолмайди. Бошқа томондан эса умид ҳисси бор. Зеро, бу мавзуда Ўзбекистон раҳбариятининг сиёсий иродаси яққол намоён бўлиб турибди. Яъни давлат раҳбари мазкур фожиа оқибатларини юмшатиш ва минтақада тўлақонли ҳаётни қайта тиклаш йўлида барча нарсага тайёр эканлиги шундоқ кўриниб турибди”, - дейди Худык Sputnik Ўзбекистон мухбири билан интервьюсида.

Суҳбатдош айтишича, бу муаммо Беларусь учун ниҳоятда яқин, чунки ўз тарихи давомида республика оғир экологик фожиаларга дуч келган. Мамлакат бу борада бой тажрибага ва бошқалар билан баҳам кўра оладиган илмий ишланмаларга эга эканлиги ҳам таъкидлаб ўтилди.

“Бизнинг сув ҳавзаларимиз кўп, шундай бўлса-да, ер ости сувлари сатҳи тушганини қайд этяпмиз. Бу каби муаммоларнинг сабабларини биламиз, албатта, ва ҳозирда уларга қарши муваффақиятли курашяпмиз ҳам. Ушбу маънода, ўзбек ҳамкасбларимизга ишланмаларимизни тақдим этишга тайёрмиз”, - дея якун ясади Беларусь вазири.

Орол бўйи муаммоларига бағишланган конференцияда Ўзбекистон, Беларусь ва Қозоғистондан етакчи мутахассис-экспертлар ҳамда БМТ ва ЕИ вакиллари иштирок этди.

Беларусь поможет Узбекистану в ликвидации последствий высыхания Арала — министр
217

"Руслар буни уддалади": жаҳон тоталитар державаси барпо этилди

596
"Россия сегодня" Халқаро ахборот агентлиги Америка Қўшма Штатлари бизни яқин тўрт йил ичида нима учун жазолайди, деган саволга жавоб топди

Виктор Мараховский
Бу - гарчи тўғридан-тўғри бўлмаса-да, аммо жуда тушунарли жавоб. Агентлик мутахассислари олти ой давомида ўнлаб америка ОАВларида чоп этилган мақолалар бўйича ("Саккизоёқ 3" коди билан) тадқиқотлар ўтказдилар, унда бизнинг давлатимиз номи ҳам келтирилган.

Хулоса: Америка медиа-соҳасида (демакки америка сиёсатида ҳам) бизнинг сиз билан мавжудлигимиз контексти энди анча ойдинлашди (ва шунинг учун Америка сиёсати учун) аниқ. Шунингдек, унда бизга қандай роль ажратилгани ҳам.

Демакки, бизга бўладиган, Россияга нисбатан кутилаётган тахминий муносабатлар ҳам тушунарлидек.

Яхши хабар: америка ОАВлари бизни эслашади, яхши кўришади, ва ҳатто 2016 йилгидан, яъни "руслар борасидаги жазава" ўз чўққисида бўлган вақтдагиданда кўпроқ эсга олишар экан (эсга олишлар чорак кўрсаткичга ортган).

Нохушроқ хабар: ўтган йилги обзордан тахминан бир йил ўтиб ҳеч вақо ўзгарган эмас.

Жорий йилнинг 1 августидан 15 ноябрига қадар Россия ҳақида чоп этилган 1227 мақола орасида — нольтаси позитив ёзилган. Нейтрал, дея баҳолаш мумкин бўлган мақолалар ("йўқ, руслар Трамп ғалабаси ҳақидаги заҳарли хештегни ишга туширмади", "йўқ, руслар сайлов натижаларига таъсир кўрсатишмади"; "руслар сайловларга аралашувини инкор этишмоқда" каби), - 46 та, ёки умумий ҳажмдан тўрт фоизни ташкил этади.

Қолган 96 фоизи — бу ҳаттоки такрорий эмас, балки мақсадли аудиторияга бир хил мантрани аҳмоқона тарзда сингдиришдан иборат: руслар сайловларга аралашишмоқда, руслар ижтимоий тармоқларда сизнинг онгингизни бузмоқда, руслар Трамп учун, руслар фейкларни тарқатишмоқда.

Габриэлнинг Россия АҚШ сайловларига аралашмаслиги ҳақидаги сўзлари ортида нима турибди? Германияда Россия АҚШда ўтказилган 2016 йилги сайловларга аралашмагани ҳақида гапира бошлашди. Sputnik радиоси эфирида сиёсатшунос Юрий Почта немислар Қўшма Штатлар томонидан, шу жумладан ўз номларига ҳам қарши айтилаётган айбловларнинг асоссизлигини тан олишни бошлашгани ҳақида таъкидлади.

Ушбу сингдиришлар шу даражада умидсиз ва зерикарли эдики, бу ерда ҳатто ҳазм этиладиган нарсанинг ўзи йўқ эди: кабинетларда ёки масофадан иш билан банд бўлган, ўз ҳаётида ҳеч нарса билан ҳақиқатда қизиқмайдиган журналистлар ва муҳаррирлар ўтиришар, улар ҳафтасига беш марта (мисол учун CNN — 106 кунда 570 та мақола чоп этган) қуйидагилардан бизни хабардор этиш учун оғиз очишарди:

— Путин ўз броси Трампни бизнинг сайловларга аралашиш учун қўллаб-қувватлаш ҳақида орзу қилмоқда,
— Россия сайловларимизни синдиришга ҳаракат қилишда давом этмоқда,
— Россиялик троллар аудиторияга таъсир кўрсатмоқда,
— Ижтимоий тармоқлар рус хакерлари ва троллар фаолиятини лозим тарзда назорат қилмаяпти,
— Трамп учун овоз бериб, сен соядаги қора лорд Путиннинг кўрсатмаси бўйича овоз бермоқдасан.
Буларнинг барчасининг, табиийки Россияга нисбатан ҳеч қандай алоқаси бўлмаган ва бўлмайди ҳам. Бу АҚШ медиа-ҳаётининг ички бир элементи - онги суст омма ва узлуксиз сайловлар цикллари кечадиган мамлакат.

Бу шундай бир давлатки, бу ерда ички душманлар бўйлаб зарба берадиган медиапушкаларнинг асосий вазифаси оммага узлуксиз равишда - бир хилдаги суггестив мантраларни, яқин қолган сайловларда қатнашиб, лозим бўлган номзодга овоз беришга даъват қилувчи (бу, агар ёдингиздан кўтарилган бўлса, демократия деб аталади) гипнос-мантраларни етказишдан иборат.

Икки минг йигирма иккинчи йил ушбу тетик демократияга фақат битта янгилик олиб келди: ижтимоий платформалар-гигантлар Facebook ва Twitterда ўз назоратида бўлган медиа-майдонни демократлардан бўлган номзод Жо Байден фойдасига цензура қилди.

Яъни:

— Трампни "бузғунчи мафияга қарши курашувчи" сифатида улуғлайдиган коллектив онгларни бостириш (Qanon тақиқига қаранг) - бунда Трамп Путиннинг қўғирчоғи ва оқ ирқчилар ҳомийси сифатида иблисона бир қиёфада гавдалантирилди,

— Трамп ҳар сафар оғиз очганида "ижтимоий тармоқлар томонидан жалб қилинган мустақил экспертлар" томонидан унинг гаплари ёлғон сифатида баҳоланган тақдирда, уни мум тишлашга мажбурлаш (19 октябрдаги маълумотларни топишга муваффақ бўлдим: Трамп 65 марта "мум тишлатилган", аммо Трамп оғзини оммавий равишда ёпиш кўринишидаги ҳақиқий разолат ҳали олдинда эди),

— Байден ва унинг оиласи Украинада қандай ўйнаганлари мавзусига бағишланган энг мейнстрим матбуот суриштирувларини ҳам оғзини ёпиб ташлаш (бу ерда Twitter ва Facebook ўта натижадор бўлди — New York Postда ёритилган кичик-Байденнинг саргузаштлари ҳақида демократ-сайловчиларнинг каттагина қисми бехабар қолиб кетди).

Биз ахборот асри XXI асрнинг тоталитар державаси барпо этилиши саҳнасини кузатдик, ва у деярли кўз ўнгимизда тамом бўлди.

Медиа-майдонларга эгалик қилувчилар бир вақтнинг ўзида фантомларни реклама қилиб (масалан, худди ўша рус аралашуви, холбуки 5 ноябр куни АҚШ киберхавфсизлиги ва инфратузилма хавфсизлиги агентлиги бўйича раҳбари Кристофер Кребс айтганидек, умуман бўлмаган) , унга айтиладиган эътирозларни блоклашмоқда, демократларга берилган овозлар сеҳрли тарзда 14 миллион овозга кўпайиб, иккиланаётганлар овози йўқ қилинди ва худди ўша "ҳеч қандай алдашлар бўлмади, Трамп алдаяпти, трампистлар ҳам" ритмидаги гипнос-мантраларни илгари сурмоқда.

...Бу ерда нимани қайд этиш лозим?

Биз, албатта, АҚШ маъмуриятининг кейинги ҳаракатларига таъсир кўрсатишга қодир эмасмиз. Биринчидан, чунки Америкада "Россияпарастлар лоббиси" йўқ ва бўлмаган ҳам (айтганча, айниқса у ҳеч қачон республикачилар орасида бўлмаган: АҚШдаги "россияпараст" сиёсий арбоб аслида Демпартиядан президентликка маргинал номзод Тулси Габбард бўлган, у бизни жазолашга даъват қилмагани учун "рус активи" деган ном орттириб олганди).

Иккинчидан — ва энг асосийси — биз битта оддий нарсани ёдда сақлашимиз керак: мана ўн йилдирки АҚШ элитаси (сиёсий, медиа, ва бошқа исталган) Россия ҳақида ҳеч вақо билмайди. Американинг ҳеч бир сиёсатчиси бизнинг заҳарли мамлакатимизга келишмайди, уларнинг ҳеч бири Москва, Питер, Екатеринбург, Сибирь ва Камчаткани кўрмаган; уларнинг ҳеч бири руслар билан учрашмаган, албатта, БМТда тайёрлаб қўйилган навбатдаги ўзаро "батлл"ларда иштирок этадиган рус дипломатларидан ташқари; Россия ҳақидаги барча маълумотлар уларга, ҳар сафар Путин томонидан заҳарланадиган ва мўъжиза туфайли омон қоладиган трансмиллий сиёсий-лесбиянкалар ва ўта бадқовоқ мухолифатлардан иборат патологик кадрлар орқали етказиб турилади.

Аммо, буларнинг барчаси ҳам улар эътибори перифериясида: барча асосий душманлар уларнинг ўз миллати ичида мужассамлашган ва айнан уларни биринчи ўринда забт этишади.

Бундаги яхши хабар нимада дейсизми?

Юқорида санаб ўтилган сабабларга кўра бизнинг давлатимизга қарши кураш ва жазолашнинг аллақандай ноёб методлари қўлланилади, дея ўйламаслик лозим.

Исталган бир мамлакатга аниқ ва мақсадли ҳаракатларни қўллаш учун уни билиш талаб этилади. Қандайдир отишмада олий даражадаги боссни ўлдиришга ҳаракат қилганлар, билишадики: буни узоқ ўрганишсиз амалга ошириш мумкин эмас.

Хуллас: гап АҚШ Россиянинг оғрийдиган жойига зарба беришга унчалик қодир эмаслигида ҳам эмас (отиладиган нарсанинг барчаси кўп йиллар олдин отилиб бўлинган). Ҳаммаси бунданда ёмонроқ: улар ҳаттоки бизнинг мамлакатга зиён етказиш масаласида ҳақиқатан диққатни жамлашга қодир эмас.

Биттагина оддий сабабга кўра: айни вақтда у ерда ички оппонентларни ўз асосий рақиби сифатида кўрувчи медиа-сиёсий олигархия ғалаба қозонди.

Бу эса, ушбу фонда қуйидагиларга босим ўтказиш лозимлигини англатади:

— "янги тенглик" ни рад этадиган диний консерваторларга, яъни девиант озчиликларнинг сўзсиз имтиёзли позициясини;
— ўзининг бекаму-кўстлиги ва уларнинг оқланган ҳаёт тарзи ҳақидаги тасаввурлари учун оқ танли эркакларни;
— "яшил" энергетика фойдасига анъанавий энергетикага, —
олдиндан шуни айтиш жоизки, Россия таҳдиди ҳақидаги фантом маргинал сифатида қаралади. Ва шовқинли, аммо самарасиз методлар билан ғолиб чиқиши керак.

Аммо бу Россиянинг "Шимолий оқим - 2" каби макролойиҳаларига ҳеч нарса хавф солмаётганини англатмайди. Аммо, ушбу таҳдид кучаймоқда, деб таъкидлаш учун ҳам ҳеч қандай асос йўқ.

Бизни, табиийки, яхши кўришмайди (ҳатто, нафратланишади, деб айтиш мумкин — ахир ҳар не рўй берганда дунёдаги гегемонни ярим соат ичида йўқ қилишга қодир бўлган коинотдаги ягона давлатдан нимани ҳам кутиш мумкин).

Аммо давлатнинг тоталитар тузилмаси, у "раҳнамо" ёки "демократик" бошқарув шаклига эга бўлсин, нормал ҳолатдаги давлат тузилмасидан шуниси билан фарқ қиладики, у ҳамиша бош душманларни ўз ичида излайди ва топади.

Шундай экан, барчамиз сабрли бўлишимизга тўғри келади.

Ёки, попкорн, ёки бўлмаса семичка оволинг.

596