Андрей Худык

Беларусь Орол фожиаси оқибатларини енгишда кўмаклашади

217
(Янгиланган 19:51 29.10.2019)
Беларусь табиий ресурслар ва атроф-муҳитни муҳофазалаш вазири Андрей Худык Нукусдаги форумда сўзга чиқар экан, Орол фожеаси оқибатларини енгишда Ўзбекистон билан ҳамкорлик қилиш йўллари хусусида тўхталди.

Форум қатнашчиси Беларусь вазирининг қайд этишича, қуриб кетаётган орол аҳволи унга ниҳоятда кучли таъсир кўрсатибгина қолмай, икки хил кайфиятни ҳам ҳис эттирди.

“Бир томондан экологик офат миқиёси кишини ҳам ҳайратда қолдиради ва ҳамда унга қўрқинч ҳиссини улашмай қолмайди. Бошқа томондан эса умид ҳисси бор. Зеро, бу мавзуда Ўзбекистон раҳбариятининг сиёсий иродаси яққол намоён бўлиб турибди. Яъни давлат раҳбари мазкур фожиа оқибатларини юмшатиш ва минтақада тўлақонли ҳаётни қайта тиклаш йўлида барча нарсага тайёр эканлиги шундоқ кўриниб турибди”, - дейди Худык Sputnik Ўзбекистон мухбири билан интервьюсида.

Суҳбатдош айтишича, бу муаммо Беларусь учун ниҳоятда яқин, чунки ўз тарихи давомида республика оғир экологик фожиаларга дуч келган. Мамлакат бу борада бой тажрибага ва бошқалар билан баҳам кўра оладиган илмий ишланмаларга эга эканлиги ҳам таъкидлаб ўтилди.

“Бизнинг сув ҳавзаларимиз кўп, шундай бўлса-да, ер ости сувлари сатҳи тушганини қайд этяпмиз. Бу каби муаммоларнинг сабабларини биламиз, албатта, ва ҳозирда уларга қарши муваффақиятли курашяпмиз ҳам. Ушбу маънода, ўзбек ҳамкасбларимизга ишланмаларимизни тақдим этишга тайёрмиз”, - дея якун ясади Беларусь вазири.

Орол бўйи муаммоларига бағишланган конференцияда Ўзбекистон, Беларусь ва Қозоғистондан етакчи мутахассис-экспертлар ҳамда БМТ ва ЕИ вакиллари иштирок этди.

Беларусь поможет Узбекистану в ликвидации последствий высыхания Арала — министр
217
Тактико-специальные учения в Сырдарье

Ўзбекистонда минтақа шароитида махсус операцияларни амалга ошириш тажрибадан ўтказилди

314
(Янгиланган 13:54 08.11.2019)
Оммавий тартибсизликларни олдини олиш ва жамоат тартибини сақлаш юзасидан махсус тактик ўқув машғулотлари куни-кеча Сирдарё вилоятида бўлиб ўтди.

ТОШКЕНТ, 8 нояб - Sputnik. Куни-кеча Сирдарё вилоятининг Гулистон шаҳрида вилоят ички ишлар бошқармасининг махсус жанговар бўлинмалари, фавқулодда вазиятлар бошқармаси ва Ўзбекистон Миллий гвардияси ходимлари ҳамкорлигида қўмондонлик-штаб ва махсус-тактик ўқув машғулотлари ўтказилди. Бу ҳақда республика Ички ишлар вазирлиги хабар қилди.

Махсус-тактик машғулот
Махсус тактик ўқув машғулотлари. Сирдарё вилояти. 2019

Унда асосан “Оммавий тартибсизликларни олдини олиш ва жамоат тартибини сақлаш” ҳамда “Портлаш хавфи бўлган предметларни зарарсизлантириш” вазифларига урғу берилди.

Ўзбекистонда Хитой ракетаси муваффақиятли синовдан ўтказилди

Машғулот давомида ички ишлар бошқарув органлари ва шахсий таркибининг ўзаро ҳамкорлигини ташкил қилиш, тўпланган тажрибаларни мустаҳкамлаш, махсус тезкор режаларда назарда тутилган вазифаларни бажариш, минтақа шароитида махсус операциялар ўтказиш тажрибасини ошириш, бундай операциялар ўтказиш бўйича асосий билимларини такомиллаштириш, раҳбарларни мураккаб шароитларда зудлик билан тўғри қарор қабул қилиш кўникмаларини хосил қилиш устида иш олиб борилди.

314
Дмитрий Липсон

Рак тарқалишини қандай енгиш мумкин: СССР тажрибаси

502
(Янгиланган 11:07 25.10.2019)
Саратон касаллиги билан қандай самарали курашиш мумкин? Россия Федерал тиббиёт биология агентлигининг оториноларингология илмий-клиник маркази госпитализация ва тиббий хизматлар бўлими бошлиғи Дмитрий Липсон бу ҳақда.

ТОШКЕНТ, 24 окт – Sputnik. Шу кунларда Тошкентда Ўзбекистон-Россия тиббиёт форуми бўлиб ўтмоқда. Тадбирда соҳанинг турли тармоқ мутахассислари иштирок этиб, дори-дармон ва асбоб-ускуналарни ишлаб чиқаришга ихтисослашган компаниялар ўзаро тажриба алмашишди ҳамда қўшма лойиҳаларни амалга ошириш имкониятларини ўрганишди.

Россия делегацияси таркибида онколог-экспертлар ҳам иштирок этмоқда.

Sputnik билан суҳбати чоғида Дмитрий Липсон саратон билан курашишда асосий муаммо бу касалликнинг жуда кеч аниқланиши эканлигини таъкидлаб ўтди.

Аксарият ҳолларда, беморларнинг ўзи айбдор бўлиб қолмоқда. Зеро, улар врач кўригидан ўтишни охирига қадар орқага суриш билан овворалар.

“Саратонни тамомила йўқ қилиш мумкин эмас. Аммо унга қарши кураш онкологиягача бўлган даврда ва касалликнинг дастлабки босқичида айниқса самарали бўла олади. Бу реал ҳолат. Хирургия ва фармацевтика технологиялари, диагностика усулларини такомиллаштириш, шифокорлар ихтисослигини ошириш, уларда “онкологик ҳушёрлик”ни тарбиялаш кабилар ҳам талаб этилади. Ҳар қандай вазиятда ҳам “эрта аниқланган - самаралироқ даъволанади” тамойили қўлланилиши керак", - дейди Липсон.

Онколог аллақачон унутилган мониторинг ва диагностика инструментларини самарали деб атаб, Собиқ иттифоқ давридаги ҳар йилги оммавий профкўриклар тажрибасига алоҳида эътиборини қаратди. Ушбу тажриба беморларни доимий кузатув остига олиб, нормадан жиддий четга оғишларни аниқлашда самарадор бўла олади ва ҳамда уларни ўз вақтида даволашга имкон яратади.

“Бу каби кенгмиқиёсли текширувлар ва профкўрикларни қайта тиклаш жуда яхши натижаларга сабабчи бўларди. Россияда ҳозирда онкологик касалликларга қарши даволанишнинг олтийиллик дастури ишга туширилган. Умид қиламанки, Ўзбекистонда ҳам бундай тажриба йўлга қўйилади”, - деди мутахассис.

Германиялик онколог саратондан сақланишнинг энг яхши услубини айтди

Шу ўринда, унинг таъкидлашича, бу борада мажбурий чораларни татбиқ этиш муаммони еча олмайди. Аҳоли билан тегишли маърифат ишларини олиб бориш талаб қилинади.

“Ҳар ким ўзи учун шуни очиқ-ойдин ифодалаб олиши керак: илк аломатлар пайдо бўлгандаёқ ёки шунчаки профилактика учун ҳам шифокорга бориб текширилса, касаллик аниқланган тақдирда, уни даволай олишади, йўқса, ҳеч ким ёрдам бера олмайди. Очиғи, бу ички маданият масаласи ҳамдир, яъни "яшашни хоҳлайманми-йўқми" тоифасидан”, - хулоса қилди Дмитрий Липсон.

502
Национальная валюта Узбекистана — сум

Пенсия таъминотига доир қонун лойиҳаси тайёрланди

481
Молия вазирлиги “Фуқароларнинг давлат пенсия таъминоти тўғрисида”ги Ўзбекистон Республикаси Қонунига ўзгартишлар киритишга доир ҳужжат тайёрлади.

ТОШКЕНТ, 2 дек — Sputnik. Молия вазирлиги “Фуқароларнинг давлат пенсия таъминоти тўғрисида”ги Ўзбекистон Республикаси Қонунига ўзгартишлар киритиш ҳақида Ўзбекистон Республикаси Қонуни лойиҳасини тайёрлаб, умумий муҳокамага қўйди.

Лойиҳанинг асосий мақсади - “Ногиронлиги бўлган шахсларнинг ҳуқуқлари тўғрисида” 2020 йил 15 октябрдаги қонунига асосан, “Фуқароларнинг давлат пенсия таъминоти тўғрисида”ги қонунида белгиланган “ногирон” деган атамани “ногиронлиги бўлган шахс” атамасига алмаштириш.

- меҳнат қобилиятини йўқотган ногиронлиги бўлган шахсга меҳнат қобилияти тикланганлиги ёки узрсиз сабабларга кўра қайта кўрикдан ўтишга келмаганлиги оқибатида пенсияси тўхтатиб қўйилиб, беш йилдан муддатдан сўнг шахсни такроран ногиронлиги бўлган шахс деб эътироф этилганида, амалда бўлган қонунчилик талабларидан келиб чиқиб ногиронлик пенсиясини тайинлаш.

- пенсионернинг вафоти муносабати билан унинг вафот этган ойдаги пенсия пулини оила аъзоларига тўлиқ миқдорда тўлаш.

Таъкидланишича, қонун лойиҳасининг қабул қилиниши Давлат бюджетидан ҳамда Молия вазирлиги ҳузуридаги бюджетдан ташқари Пенсия жамғармасидан йилига 4,4 млрд сўм қўшимча маблағ талаб этилади.

481