Екатеринбурглик миллиардер Александр Симановский ўзи ўқиган мактабни ҳақиқий шоҳ қасрига айлантирди.
Янги ўқув йилида Екатеринбургдаги 106 мактабга келган ўқитувчилар ва болалар ҳайратда қолишди десак муболаға бўлмайди: полда мармар тош, деворларда олтин суви юритилган безаклар, шипда улкан ва қимматбаҳо қандиллар. Хуллас мактаб эмас Париждаги Лувр саройи ёки Санкт-Петербургдаги Эрмитажнинг филиали.
"Ўз ишини севган киши уни саъатга айлантиради", - деб ёзилган мактаб деворларида.
Симановскийнинг ўзи айтишига қарганда у мактабда ўқиб юрган вақтларида айнан шундай бино ҳақида орзу қилган. Интернетда айрим блогерлар буни “лўлилар саройи” деб атаган бўлсада, маҳаллий ҳукумат, ўқитувчилар ва ўқувчиларнинг ота-оналари миллиардерга миннатдорлик билдиришмоқда.