Чемпионлар коронавирусга қарши: спортчилар ўзбекистонликларга мурожаат қилишди видео

687
(Янгиланган 10:30 23.03.2020)
Коронавирусга қарши курашиш ва унинг олдини олишга қаратилган тадбирлар вақтида бир қатор таниқли ўзбекистонлик спортчилар Ўзбекистон аҳолисига мурожаат қилди.

Барча белгиланган қоида ва чекловларга тартибли равишда амал қилинсагина, тегишли ташкилотлар талаблари қатъий бажарилсагина, бутун дунёда тарқалаётган ушбу вирусга қарши биргаликдаги, ҳамжиҳатликдаги курашиш самара беради.

Таниқли ўзбекистонлик спортчилар Ўзбекистон аҳолисини шунга чақирди. Улар орасида яқиндагина “Ўзбекистон ифтихори” фахрий унвони билан тақдирланган бир неча карра Олимпиада чемпиони Оксана Чусовитина, футбол бўйича Ўзбекистон миллий терма жамоаси сардори Одил Аҳмедов ҳамда аралаш жанг санъати (MMA) бўйича Ўзбекистон байроғини кўкларга кўтараётган Маҳмуд Муродов ҳам бор.

“Ўз вақтингизни уйда, яқинларингиз орасида ўтказишга ҳаракат қилинг. Агар маълум бир сабабга кўра, озиқ-овқат маҳсулотларини харид қилиш учун кўчага чиқсангиз, тиббий ҳимоя ниқобини тақиб олишни унутманг. Оила аъзоларингиз ва яқинларингизни асранг. Биз биргаликда ушбу касалликни енгамиз, муҳими бирга бўлсак бас”, – дейди Муродов ўз мурожаатида.

Одил Аҳмедова ҳам ватандошлардан ваҳимага берилмаслик сўраб, гигиена қоидаларига риоя қилиш зарурлигини таъкидлайди.

687

Олимпиада-80: Ўйинлар давомида Москва қандай ўзгарди - видео

95
(Янгиланган 17:12 05.08.2020)
Ҳозирда дўкон пештахталаридаги сақичлар, темир банкалардаги газли ичимликлар ва юмшоқ пишлоқ ортиқча қизиқишга сабаб бўлмай қолган. Олимпиада-80 пайтида эса бу совет фуқаролари учун мисли кўрилмаган нарсалар эди.

Бундай маҳсулотлар СССРда ҳеч қачон татиб кўрилмаган. Қўққисдан буларнинг барчаси пойтахт пештахталарида пайдо бўлди. Пайдо бўлди-да ... ва яна ғойиб бўлди. Ҳамма нарсанинг ози яхши.

Ёзги ўйинлар совет Москвасидаги ҳаёт тарзини қандай ўзгартирди? Партия раҳбарлари нима учун Совет Иттифоқида гамбургер ва фри-картошкасини тақиқлади? Ва қандай қилиб Москва ҳайдовчилари чет элликларга экскурсияларни инглиз тилини билмасдан уюштиришган?

Саёҳатчи блогер Миша Ронкаинен 1980 йилга тушиб қолди ва ўзини Олимпия ўйинлари пайтидаги Совет фуқароси деб ҳис қилди.

Sputnik махсус “Москва-80: Ретро-tube” мультимедиа лойиҳасининг якуний сонида ўша даврга саёҳат қилинг ва баҳра олинг!

95
Мавзу:
Олимпиада-80: ҳаммаси қандай бўлган эди?

Бейрутда вайронкор портлаш фожиа жойидан видео

944
(Янгиланган 12:55 05.08.2020)
Куни кеча Бейрут портида кучли портлаш содир бўлди. Қурбонлар сони 78 нафарга етди, тўрт мингдан зиёд инсон жароҳатланди. Бедарак йўқолганлар бор.

Ливан бош вазири Хассан Дияб портда олти йил давомида нотўғри сақланган 2750 тонна аммиак селитрасини портлаш сабаби сифатида келтирган. Фожиа туфайли Ливанда уч кунлик мотам эълон қилинган.

Мамлакат президенти Мишел Аун икки ҳафталик фавқулодда ҳолат эълон қилиш учун ҳукуматдан шошилинч йиғилиш ўтказишни сўраган.

944

Лукашенко Россия ва Украина бош прокурорларини таклиф қилиш ҳақида топшириқ берди

34
(Янгиланган 14:52 06.08.2020)
Беларусь президенти Александр Лукашенко Россия ва Украина бош прокурорларини таклиф қилиш ҳақида топшириқ берди.

ТОШКЕНТ, 6 авг — Sputnik. Беларусь президенти Александр Лукашенко Минск яқинида россияликлар қўлга олиниши ҳолати юзасидан мамлакатга Россия ва Украина бош прокурорларини таклиф қилиш тўғрисида топшириқ берди.

Куни кеча Лукашенко Украина президенти Владимир Зеленский билан бу ҳолатни телефон орқали муҳокама қилди. Киев қўлга олинганларни Украина жануби-шарқидаги ҳарбий ҳаракатларда иштирок этганликда гумон қилмоқда.

Беларусда россияликларни қўлга олиниши

Беларусь ҳукумати 29 июлда 33 нафар россиялик қўлга олинганини маълум қилди. Минск уларни хусусий ҳарбий компаниянинг  “жангарилари” деб ҳисобламоқда. Россияликлар Беларусда сайлов олдидан оммавий тартибсизликларни ташкиллаштиришга тайёргарлик кўришда гумон қилинмоқда.

Россия Ташқи ишлар вазирлиги Беларусь томонининг россияликлар ҳибсга олиш ҳолатини нотўғри талқин қилиши ҳеч қандай танқидга бардош бермаслигини таъкидлаб, кераксиз салбий ҳис-туйғулар кескинлигини оширишни тўхтатишга чақирди.

Бундан аввал Россия президенти матбуот котиби Дмитрий Песков Минскда қўлга олинганлар “катта эҳтимол билан” хусусий хавфсизлик компаниясининг ходимлари эканлиги, Минскда транзит тартибида бўлиб, рейсга кеч қолганликларини айтганди.

Песковнинг сўзларига кўра, Кремлда улар қонунга зид иш қилишгани ҳақида ҳеч қандай маълум йўқ. Унинг таъкидлашича, Россия Беларуснинг ички ишларига ҳеч қачон аралашмаган ва аралашмаяпти.

34