Қирғизистонда ҳам ёшлар тўйни онлайн ўтказди видео

585
Сўнгги пайтларда коронавирус туфайли тўйни онлайн ўтказиш урфга кирмоқда. Аввалига бундай тўй Қозоғистонда кузатилган эди, энди навбат Қирғизистонга етди.

Қирғизистонлик ёшлар коронавирус белгиланган тўйни бекор қилишга баҳона эмас деб ўйлашди. Юлия ва Искандар яқинлари ва дўстларининг ҳаётини хавф остига қўймаслик учун Skype орқали ўз тўйларини ўтказишди ва тўйга 35 кишини таклиф қилишга қарор қилишди.

Ёш келин-куёвларнинг айтишича, улар никоҳдан ўтиш аризасини қиш ойида топширишган ва тўйни март ойининг охирига белгилашган.

Дунёда кузатилаётган коронавирус пандемияси хавфи туфайли улар ҳаётларининг унутилмас онларини яқин қариндошлари ва дўстларини Skype ижтимоий тармоғида тўплаб нишонлашди.

“Режага биноан буларнинг барчаси бир соат ичида тугаши керак эди, лекин “базм” чўзилиб кетди. Тостлар биз мўлжаллагандан ҳам узунроқ ва самимий бўлди. Шу боис оқшом бироз чўзилди. Турмуш ўртоғим билан ҳатто илк рақсимизни ижро этишга муваффақ бўлдик. Бу тостлар, табриклар ва меҳрибон яқинлар даврасидаги одатдаги тўй бўлди”, - дея Sputnik Қирғизистон нашрига ёшлар ўз тўйлари ҳақида сўзлаб беришди.

Уларнинг сўзларига кўра, тўй нафақат қизиқарли, балки камхарж бўлиб ўтган.

Ўзбекистонда тўйлар масаласи қандай?

Кеча АОКА ҳузуридаги штабда Адлия вазирининг матбуот котиби Севара Ўринбоева коронавирус инфекцияси тарқалишига қарши кучайтирилган тартиб жорий этилиши муносабати билан 2020 йилнинг 25 мартидан бошлаб Адлия вазирлиги тизимидаги ФҲДЁ бўлимларида фуқароларни қабул қилиш ходимларнинг навбатчилиги асосида кечиктириб бўлмайдиган ҳолатлардагина (туғилиш ва ўлим ҳақидаги далолатнома ёзувларини қайд қилиш) ташкил қилинган дарча орқали амалга оширилишини маълум қилган эди.

Аввалроқ Тошкентда белгиланган қатъий карантин чораларини бузиб тўй маросимини бошлаган фуқаролар устидан жиноят иши қўзғатилгани хабар қилинган эди.

585
Мавзу:
COVID-19 умумжаҳон пандемияси (869)

АҚШ яна бир муҳим шартномадан чиқмоқда - бу дунёга қандай хавф солади

959
(Янгиланган 22:28 25.05.2020)
АҚШ 1987 йилда имзоланган очиқ осмон шартномасидан чиқишини маълум қилди. Бу ҳақда президент Дональд Трамп эълон қилди.

Москвада Вашингтон бу айбловларни рад этди ва Россия томони ўз навбатида шартномадан чиқиб кетиш нияти йўқлигини билдирди.

Видеомизда Дональд Трамп халқаро хавфсизлик соҳасидаги яна бир муҳим келишувни қандай қилиб ўлдиргани ҳақида маълумот берамиз.

959

Миллий гвардия ходимлари “Хайр, мактабим” қўшиғини жуда таъсирли ижро этишди видео

751
(Янгиланган 23:05 25.05.2020)
Бугун мактаб ўқувчилари, айниқса, мактаб қалдирғочлари деб аталувчи битирувчилар учун ўзгача кун. Бугун битирувчилар қалбини ларзага солиб, “Хайр, мактабим” қўшиғи янграйдиган кун.

Бу йил коронавирус пандемияси сабабли мактабларда катта шодиёна билан нишонланадиган “Сўнгги қўнғироқ” тадбирлари онлайн ўтказилди. Миллий гвардия ходимлари бу йилги мактаб битирувчиларини хушнуд этиш ва табриклашга ошиқишди.

Улар ҳам севимли, ҳам қайғули саналмиш “Хайр, мактабим” қўшиғини янгича талқинда битирувчиларга арғумон этишди. Ушбу қўшиқ ҳар бир битирувчининг кўзларини ёшга тўлдиради, десак, асло муболаға бўлмас.

Миллий гвардия ходимлари томонидан ижро этилган қўшиқни тинглаб, улар истеъдодига баҳо беринг!

751
Открытие памятника князю Владимиру на Боровицкой площади

Москва МДҲ давлатлари етакчиларига Ғалаба парадига таклифномаларни янгилайди

15
(Янгиланган 17:33 27.05.2020)
Ҳозирги вақтга қадар Қозоғистон, Молдова ва Абхазия президентлари Владимир Путиннинг Парадга таклифномасини қабул қилганлиги маълум

ТОШКЕНТ, 27 май - Sputnik. Москвада 24 июнь куни бўлиб ўтадиган Ғалаба парадига таклифномалар МДҲ давлатлари етакчилари учун янгиланади, деб хабар қилди журналистларга РФ президенти матбуот-котиби Дмитрий Песков.

"Ҳозирча МДҲ давлатлари раҳбарларига Ғалаба Парадига таклифномалар янгиланади, деган критерий тарафдоримиз", - деб айтган Песков чет эл етакчиларидан кимлар 24 июнь куни бўлиб ўтадиган Парадга таклиф этилган, деган саволга жавоб берар экан.

Украина МДҲдан чиқдими, деган саволга жавобан Кремль вакили: "Агар бу сиз учун тушунарсиз бўлса, бизга қандай тушунарли бўлиши мумкин?", - дея айтган.

Ҳозирги вақтга қадар Қозоғистон, Молдова ва Абхазия президентлари Владимир Путиннинг Парадга таклифномасини қабул қилганлиги маълум.

15