Россияда мигрантлар учун патент тўлови бекор қилинди батафсил видеода

1303
(Янгиланган 12:34 19.04.2020)
Коронавирус пандемияси туфайли Россиядаги мигрантларга бироз енгиллик берилди. 15 мартдан 15 июнга қадар патент тўлови тўхтатиб қўйилди.

Россия президенти Владимир Путин коронавирус пандемияси даврида Россиядаги чет элликлар ёки фуқаролиги бўлмаган шахслар, хусусан, меҳнат мигрантларига истисно ва имтиёзлар берувчи янги қарорни имзолади.

Фармон билан 15 мартдан 15 июнгача барча ҳужжатларнинг амал қилиши муддати тўхтатиб қўйилади.

“Россия мигрантлари федерацияси” раҳбари ушбу қарорни оддий тилда тушунтириб берди.

“Агар 15 куни (март – таҳр.) сизнинг амал қилувчи регистрация ёки патентингиз бўлса, ундан кейинги кун бу 16 июнь. Ҳисоблашда улар “кесиб ташланади” (ушбу давр оралиғи – таҳр.), - дея тушунтиради Вадим Коженов.

Ушбу даврда патентни тўлаш керак эмас, регистрацияни узайтириш керак эмас, ҳеч нарсаси, жумладан, визани узайтириш керак эмас, дейди эксперт.

“Сиз 15 март кунига қонуний бўлган бўлишингиз жуда муҳим. Агар 15 март ҳолатига кўра ҳужжатларингиз жойида бўлган бўлса, сиз учун ҳеч қандай жарима, санкция ва муаммо бўлмайди”, - дея таъкидлади Вадим Коженов.

1303

Британияда антиқа жосуслик буюмлари сотувга қўйилди

202
(Янгиланган 17:41 23.11.2020)
Коллекционер Иккинчи жаҳон уруши даврида фойдаланилган қизиқарли буюмларни сотувга қўйди. У уларни 40 йил давомида тўплаган.

Тўпламга минителескоплар, чекиш трубкасидаги компас, гугурт қутисига яширилган камера ва бошқа буюмлар киритилган.

Уларнинг барчасидан жосуслик мақсадида - яширинча фойдаланилган. Энди буюмлар ким ошди савдосига қўйилди: бошланғич нархи - 1000 фунт.

Жосуслик буюмлари қандай кўринишда бўлганини видеомизда томоша қилишингиз мумкин.

202

Нокаут: Ўзбекистон ва Қирғизистон ММА жангчилари ўртасидаги жанг - видео

636
(Янгиланган 14:33 23.11.2020)
Москвада 15 ноябрь куни навбатдаги “Чемпионлар жанги 16” мусобақаси ўтказилди. Унда 70 кггача вазн тоифасида қирғизистонлик Кудурет Толипов ва ўзбекистонлик Баҳодир Бахрамов куч синашди.

Раунднинг 16 сониясида қирғизистонлик жангчи рақибини нокаутга учратди. "Колизей ММА" ташкилоти ижтимоий тармоқлардаги аккаунтида жанг видеоси жойлаштирилди.

636
Милиция

Хоразмда аёл кишини ечинтириб, видеога олганларнинг шахси аниқланди

924
Хоразм шевасида сўзлаётган бир гуруҳ аёллар томонидан бошқа бир аёл кишини қизлик иффати йўқлигини рўкач қилиб ечинтириб уяли телефони орқали олган видеотасвир тарқалди.

ТОШКЕНТ, 23 ноя — Sputnik. Хоразмда аёл кишини ечинтириб, видеога олганларга нисбатан жиноят иши қўзғатилди, деб хабар қилди вилоят ИИБ ахборот хизмати.

Хабарда айтилишича, 22 ноябрь куни ижтимоий тармоқларда Хоразм шевасида сўзлаётган бир гуруҳ аёллар томонидан бошқа бир аёл кишини қизлик иффати йўқлигини рўкач қилиб ечинтириб уяли телефони орқали олган видеотасвир тарқалди.

Ушбу видеолавҳадаги ҳолат қачон, қаерда содир бўлганлиги ва жараён иштирокчиларининг шахсига аниқлик киритиш мақсадида Хоразм вилояти ИИБ масъул ходимлари томонидан терговолди текширув ҳаракатлари олиб борилди.

Олиб борилган суруштирув жараёнида мазкур ҳолат жорий йил 7 октябрь куни Урганч шаҳрида содир бўлганлиги маълум бўлди.

Жараён иштирокчиларининг шахси тўлиқ аниқланган бўлиб, тергов манфаатлари ва жабрланувчининг шахсий ҳаёт дахлсизлигини таъминлаш мақсадида иштирокчиларнинг исм-шарифлари ошкор этилмайди.

Мазкур ҳолат юзасидан ички ишлар органлари томонидан жиноят иши қўзғатилиб, тергов ҳаракатлари олиб борилмоқда.

924