Рейхстагга ҳужум қилган ўзбекистонлик зобит ўғил тилидан ҳикоя

601
Sputnik Ўзбекистон таҳририяти фашистлар Германияси устидан қозонилган Ғалабанинг 75 йиллигига бағишланган "Фронт йўқламаси" лойиҳасини давом эттирмоқда. Уруш қаҳрамонлари авлодлари аждодларининг жасоратини эсга олишади.

Ўзбекистон таълим, фан ва маданият ходимлари касаба уюшмаси ходими Рустам Исоқов отасининг қаҳрамона жасоратлари тўғрисида хотиралари билан ўртоқлашди.

Унинг отаси Каримжон Исаков Рейхстагга ҳужум ва унинг устига Ғалаба байроғини кўтаришда иштирок этган.

"Менинг отам урушдан тирик қайтгани учун ўзимни омадли деб ҳисоблайман. Мен қаҳрамон-шаҳарларга қилган сафарларимизни ва Буюк Ғалабага эришганлар билан суҳбатларни ҳеч қачон унутмайман", - деди у.

У ҳарбий шон-шараф ҳафталигида ҳар доим маршал Чуйков, генераллар Телегин, Шатилов (Рейхстагга ҳужум қилган бўлинма командири), Лисицин, шунингдек Рейхстагнинг ҳужуми қаҳрамонлари - Михаил Егоров ва Мелитон Кантария билан учрашувлар бўлиб ўтганини айтиб берди.

Фронтда кўрсатган қаҳрамонлиги ва жасорати учун Каримжон Исоқов Қаҳрамон унвони билан тақдирланган.

"Отам ҳужум гуруҳи таркибида бўлган. Аскарлар ҳужумга ўтишди, улар кучли автоматлар зарбасига дуч келгани учун ён босишди. Кейин довул каби оловга эътибор бермай, у ўрнидан туриб: "Олға, Сталин учун!", - деди-да жангчиларни ўз ортидан олиб чиқиб биринчи бўлиб траншеягача етиб борди", - дейди ўғли.

Каримжон Исоқов гуруҳи бешта пулемёт нуқтасини эгаллаб олди, бу билан батальоннинг асосий кучларининг ҳаракатига йўл очиб берди.

Бу Исаковнинг фронтда қилган ягона қаҳрамонлик жасорати эмас.

Ғалаба арафасида у ҳужуми билан душман траншеясини босиб олди, бу эса бир неча пиёдалар взводларининг йўқотишсиз ҳаракатланишига имкон берди. Шунингдек, у бошқа совет аскарлари билан бирга Куненсдорф аҳоли яшаш пунктини қуршаб олиб, душманларнинг чекиниш йўлини кесиб ташлади.

Немисларнинг мудофааси ва Берлинга ҳужуми учун Сталиннинг буйруғи билан Исоқовга миннатдорчилик билдирилди.

"Фронт йўқламаси" лойиҳаси

"Фронт йўқламаси" – Sputnik матбуот-хизматларининг Ҳамдўстлик давлатлари учун анъанавий лойиҳаси.

Унинг мақсади - оилавий воқеаларни буюк ҳарбий тарихнинг бисотига айлантириш, ҳамма учун бир бўлган Ғалабанинг бебаҳо машаққати ва дунёни фашизмдан озод қидиб бизга яшаш учун барча имкониятларни тақдим этган халқларнинг жасоратини эслатиш.

Бу йил ушбу тадбир учинчи маротаба ўтказилади, аммо Covid-19 пандемияси туфайли ўзгартиришлар киритилди.

Турли матбуот марказларини боғлайдиган видео кўприклар бўлмайди. Ушбу мамлакатларнинг таниқли фуқаролари ва давлат арбоблари иштирокида Улуғ Ватан уруши қатнашчилари ҳақида оилавий воқеаларни ҳикоя қилувчи видеолар намойиш этилади.

601

Коронавируснинг ҳиди борми? Эронда итлар коронавирусни аниқлашга ўргатилмоқда

37
(Янгиланган 14:23 25.05.2020)
Махсус ўргатилган итлар бир соат ичида 250-300 кишини текшириб, 65% аниқлик билан коронавирус ташҳиси қўйиши мумкин . 

Теҳрондаги итларни машқ қилдириш маркази ходимлари инсоннинг тўрт оёқли дўстлари COVID-19ни аниқлашда ёрдам бера олиш имкониятини ўрганишмоқда. Тажрибада турли зотдаги итлар иштирок этмоқда.

Тадқиқотчилар айтишига қараганда, инсон коронавирусга чалинганда унинг тана ҳиди ўзгаради. Одамлар буни сезмасада, итлар яхши ҳис қилади. Кинологлар айни вақтда итлар ёрдамида 65% ҳолатларда аниқ ташҳис қўйиш мумкинлигина тасдиқлашмоқда. 

Ундан ташқари итлар ҳозирги вақтда самарали COVID-19 тест тизими бўлиши мумкин. Бир соат ичида битта ит 250-300 кишини "текшириб чиқиш" имконига эга.  

Эрон кинологлари тажрибаси ҳақида батафсил видеолавҳамизда томоша қилинг. 

37

Чехия маршал Конев ҳайкалини Россияга қайтариб беришдан бош тортди

812
(Янгиланган 20:52 21.05.2020)
Чехия маршал Конев хотирасига ўрнатилган ёдгорликни Россияга қайтариб беришдан бош тортди. Конев армияси 1945 йилда Чехия пойтахтини нацистлардан озод қилганди.

Чехия Мудофаа вазирлиги Совет маршали Иван Конев хотирасига қўйилган ҳайкални Россияга топширишдан расман бош тортди, унинг армияси 1945 йилда Прагани нацистлардан озод қилганди.

Россия мудофаа вазири Сергей Шойгу чехиялик ҳамкасбларидан жорий йил апрел ойида Прага шаҳар маъмурияти томонидан бузиб ташланган ушбу ёдгорликни қайтариб беришини сўради. Бироқ, Чехия мудофаа вазири Лубомир Метнар бу масала унинг идораси ваколатига кирмаслигини маълум қилди.

“Ёдгорлик Мудофаа вазирлигининг мулки эмас ва унинг ҳудудида жойлашган эмас. Шу билан бирга, ҳуқуқий нормаларга асосан, уни ҳарбий қабрлар тоифасига киритиш мумкин эмас. Ёдгорликни демонтаж қилиш тўғрисида қарор Прага-6 шаҳар маъмурияти томонидан қабул қилинди ва Мудофаа вазирлиги, қонунчиликка биноан, Прага-6 шаҳар қисмига эгалик қилиш ҳуқуқига эга эмас, шунинг учун унинг Россияга топшириш тўғрисида қарор қабул қилишга ҳақли эмас”, - деди Чехия мудофаа вазири Лубомир Метнар,

Маршал Иван Коневнинг армияси 1945 йил майда Прагани нацистлардан озод қилди. Совет қўмондонига миннатдорчилик сифатида 1980 йилда унинг шарафига ҳайкал Чехия пойтахти аҳолиси ҳисобидан қурилган.

Прага-6 туман ҳокимияти ҳайкални демонтаж қилишга қарор қилди.

Россия ташқи ишлар вазири Сергей Лавров уларнинг ҳаракатларини “ғазабни келтирадиган ва сурбетона”, дея баҳолади.

“Албатта, Маршал Конев ҳайкали борасида Чехиянинг бу мажбурияти қўпол равишда бузилди. Бундан ташқари, яқин вақтгача буни билганмиз, ёдгорлик Чехия Мудофаа вазирлиги реестрида бўлганини Чехия томони тасдиқлаган. Тўсатдан у бузиб ташланганида, улар бизга: "Биласизми, бу мана шу оқсоқолнинг мулки" деб айтишди. Мен буни номақбул деб биламан ва чехиялик ҳамкасблар келгуси маслаҳатлашувларда жуда жиддий тушунтириш беришга мажбур бўладилар”, - деди Россия ТИВ раҳбари Сергей Лавров.

Чехия президенти Милош Земан ҳам Прага шаҳар маъмуриятининг ҳаракатларини қоралади. У уларнинг ҳаракатларини "аҳамиятсиз сиёсатчилар томонидан қилинган аҳмоқлик" деб атади.

812
Врач Клинического медицинского центра подписывает пробирки с образцами биоматериалов

Тошкентдаги “Ипотека банк” ходимида коронавирус аниқланди

41
Ходим билан яқин алоқада бўлган 25 нафар ҳамкасби карантинга олинган. Қолган ходимлар эса яшаш манзиллари бўйича тиббий назоратга олинган.

ТОШКЕНТ, 25 май — Sputnik. 24 май куни Тошкендаги “Ипотека банк” бош бошқармаси ходимида коронавирус аниқланган. Бу ҳақда Соғлиқни сақлаш вазирлиги хабар қилмоқда.

Қайд этилишича, фуқаро яқин 20 кун ичида ўзи ва оила аъзолари меҳмонга бормаган, қўни-қўшниларникига ҳам чиқмаган. Унинг яшаш манзили бўйича мулоқотда бўлган барча оила аъзолари белгиланган тартибда карантинга олинди.

Банк хабарига кўра, ходим билан яқин алоқада бўлган 25 нафар ходимлар карантинга олинган.

Қолган ходимлар эса яшаш манзиллари бўйича тиббий назоратга олинди. Барча мулоқотда бўлганлардан лаборатория таҳлил учун намуналар олинган.

41