Бир ойда заводни йиғиш - саноат фронти генералининг қаҳрамонлиги

266
(Янгиланган 14:39 08.05.2020)
Sputnik Ўзбекистон таҳририяти фашистлар Германияси устидан қозонилган Ғалабанинг 75 йиллигига бағишланган "Фронт йўқламаси" лойиҳасини давом эттирмоқда. Уруш қаҳрамонлари авлодлари аждодларининг жасоратини эсга олишади.

Навбатдаги мақола қаҳрамони - геолог Хабиб Мухаммедович Абдуллаев. Унинг фронт ортидаги меҳнат фаолияти ҳақида унинг набираси Ҳабиб Пулатович Абдуллаев, "Навоий" Эркин иқтисодий зонаси директори, гапириб берди.

Урушдан олдин Абдуллаев Ўрта Осиё Политехника институтини бошқарган, 1941 йилда эса Ўзбекистон ССР Саноат Халқ Комиссарлари Кенгаши раисининг ўринбосари этиб тайинланди. У Иттифоқнинг ғарбий ҳудудларидан республикага эвакуация қилинган корхоналари ишини ташкил этишга раҳбарлик қилди.

"Урушнинг дастлабки ойларида Ўзбекистонга юзга яқин корхона кўчирилди. Жуда қийин бўлган - ишлаб чиқаришлар деярли нолдан қайта юргизилган. Биргина мисол: Москва авиацион заводи Тошкентга кўчирилиб атиги бир ой ичида ўрнатилди. Ҳатто замонавий стандартлар бўйича ҳам бу жуда ҳайратлантирадиган муддатлар", - деб эслайди қаҳрамон Ҳабиб Абдуллаевнинг набираси.

Урушдан кейин бобоси фанга қайтиб Ўзбекистоннинг олтин қазиб олиш ва уран саноатлари учун кўп иш қилди. 1959 йилда илмий ютуқлари учун Ленин мукофотига сазовор бўлди.

Ҳабиб Мухамедович Абдуллаев ғалабани фронт чизиғида қозонмаган бўлса ҳам, унинг ёрдами билан фронт зарур қуролларни, ўқ-дориларни ва кийим-кечакларни олди. Улуғ Ватан уруши йилларида Абдуллаев учта Қизил Юлдуз ордени ва бошқа мукофотлар билан тақдирланган.

"Фронт йўқламаси" лойиҳаси

"Фронт йўқламаси" лойиҳаси – Яқин хориж Sputnik матбуот-хизматларининг анъанавий лойиҳасидир.

Унинг мақсади - оилавий воқеаларни буюк ҳарбий тарихнинг бисотига айлантириш, ҳамма учун бир бўлган Ғалабанинг бебаҳо машаққати ва дунёни фашизмдан озод қидиб бизга яшаш учун барча имкониятларни тақдим этган халқларнинг жасоратини эслатиш.

Бу йил ушбу тадбир учинчи маротаба ўтказилади, аммо Covid-19 пандемияси туфайли ўзгартиришлар киритилди.

Турли матбуот марказларини боғлайдиган видео кўприклар бўлмайди. Ушбу мамлакатларнинг таниқли фуқаролари ва давлат арбоблари иштирокида Улуғ Ватан уруши қатнашчилари ҳақида оилавий воқеаларни ҳикоя қилувчи видеолар намойиш этилади.

266
Мавзу:
Ғалабанинг 75 йиллиги (49)

Коронавируснинг ҳиди борми? Эронда итлар коронавирусни аниқлашга ўргатилмоқда

31
(Янгиланган 14:23 25.05.2020)
Махсус ўргатилган итлар бир соат ичида 250-300 кишини текшириб, 65% аниқлик билан коронавирус ташҳиси қўйиши мумкин . 

Теҳрондаги итларни машқ қилдириш маркази ходимлари инсоннинг тўрт оёқли дўстлари COVID-19ни аниқлашда ёрдам бера олиш имкониятини ўрганишмоқда. Тажрибада турли зотдаги итлар иштирок этмоқда.

Тадқиқотчилар айтишига қараганда, инсон коронавирусга чалинганда унинг тана ҳиди ўзгаради. Одамлар буни сезмасада, итлар яхши ҳис қилади. Кинологлар айни вақтда итлар ёрдамида 65% ҳолатларда аниқ ташҳис қўйиш мумкинлигина тасдиқлашмоқда. 

Ундан ташқари итлар ҳозирги вақтда самарали COVID-19 тест тизими бўлиши мумкин. Бир соат ичида битта ит 250-300 кишини "текшириб чиқиш" имконига эга.  

Эрон кинологлари тажрибаси ҳақида батафсил видеолавҳамизда томоша қилинг. 

31

Чехия маршал Конев ҳайкалини Россияга қайтариб беришдан бош тортди

809
(Янгиланган 20:52 21.05.2020)
Чехия маршал Конев хотирасига ўрнатилган ёдгорликни Россияга қайтариб беришдан бош тортди. Конев армияси 1945 йилда Чехия пойтахтини нацистлардан озод қилганди.

Чехия Мудофаа вазирлиги Совет маршали Иван Конев хотирасига қўйилган ҳайкални Россияга топширишдан расман бош тортди, унинг армияси 1945 йилда Прагани нацистлардан озод қилганди.

Россия мудофаа вазири Сергей Шойгу чехиялик ҳамкасбларидан жорий йил апрел ойида Прага шаҳар маъмурияти томонидан бузиб ташланган ушбу ёдгорликни қайтариб беришини сўради. Бироқ, Чехия мудофаа вазири Лубомир Метнар бу масала унинг идораси ваколатига кирмаслигини маълум қилди.

“Ёдгорлик Мудофаа вазирлигининг мулки эмас ва унинг ҳудудида жойлашган эмас. Шу билан бирга, ҳуқуқий нормаларга асосан, уни ҳарбий қабрлар тоифасига киритиш мумкин эмас. Ёдгорликни демонтаж қилиш тўғрисида қарор Прага-6 шаҳар маъмурияти томонидан қабул қилинди ва Мудофаа вазирлиги, қонунчиликка биноан, Прага-6 шаҳар қисмига эгалик қилиш ҳуқуқига эга эмас, шунинг учун унинг Россияга топшириш тўғрисида қарор қабул қилишга ҳақли эмас”, - деди Чехия мудофаа вазири Лубомир Метнар,

Маршал Иван Коневнинг армияси 1945 йил майда Прагани нацистлардан озод қилди. Совет қўмондонига миннатдорчилик сифатида 1980 йилда унинг шарафига ҳайкал Чехия пойтахти аҳолиси ҳисобидан қурилган.

Прага-6 туман ҳокимияти ҳайкални демонтаж қилишга қарор қилди.

Россия ташқи ишлар вазири Сергей Лавров уларнинг ҳаракатларини “ғазабни келтирадиган ва сурбетона”, дея баҳолади.

“Албатта, Маршал Конев ҳайкали борасида Чехиянинг бу мажбурияти қўпол равишда бузилди. Бундан ташқари, яқин вақтгача буни билганмиз, ёдгорлик Чехия Мудофаа вазирлиги реестрида бўлганини Чехия томони тасдиқлаган. Тўсатдан у бузиб ташланганида, улар бизга: "Биласизми, бу мана шу оқсоқолнинг мулки" деб айтишди. Мен буни номақбул деб биламан ва чехиялик ҳамкасблар келгуси маслаҳатлашувларда жуда жиддий тушунтириш беришга мажбур бўладилар”, - деди Россия ТИВ раҳбари Сергей Лавров.

Чехия президенти Милош Земан ҳам Прага шаҳар маъмуриятининг ҳаракатларини қоралади. У уларнинг ҳаракатларини "аҳамиятсиз сиёсатчилар томонидан қилинган аҳмоқлик" деб атади.

809
Врач Клинического медицинского центра подписывает пробирки с образцами биоматериалов

Тошкентдаги “Ипотека банк” ходимида коронавирус аниқланди

22
Ходим билан яқин алоқада бўлган 25 нафар ҳамкасби карантинга олинган. Қолган ходимлар эса яшаш манзиллари бўйича тиббий назоратга олинган.

ТОШКЕНТ, 25 май — Sputnik. 24 май куни Тошкендаги “Ипотека банк” бош бошқармаси ходимида коронавирус аниқланган. Бу ҳақда Соғлиқни сақлаш вазирлиги хабар қилмоқда.

Қайд этилишича, фуқаро яқин 20 кун ичида ўзи ва оила аъзолари меҳмонга бормаган, қўни-қўшниларникига ҳам чиқмаган. Унинг яшаш манзили бўйича мулоқотда бўлган барча оила аъзолари белгиланган тартибда карантинга олинди.

Банк хабарига кўра, ходим билан яқин алоқада бўлган 25 нафар ходимлар карантинга олинган.

Қолган ходимлар эса яшаш манзиллари бўйича тиббий назоратга олинди. Барча мулоқотда бўлганлардан лаборатория таҳлил учун намуналар олинган.

22