Ғарб Россияни ёлғон хабар ва статистикани яширишда айбламоқда

1029
Ғарбнинг Financial Times ва The New York Times нашрлари ўз материалларида Россияни коронавирусдан расмий ўлим статистикасини пасайтирганликда айблашди.

Ўз навбатида Россия ҳукумати ушбу мақолалардаги фактлар ҳақиқатга тўғри келмаслигини маълум қилиб, раддия талаб қилишди.

Россия ТИВ расмий вакили Мария Захарова буни режалаштирилган Россияга қарши уюштирилган ахборот ҳужуми деб атади.

Коронавирус мавзусида ўз манфаати учун фойдаланиш билан нафақат Ғарб матбуоти, ҳатто Америка расмийлари ҳам шуғулланишмоқда. Улар бир неча марта асоссиз айблов ёғдирганди.

Эҳтимол, АҚШ шу йўл билан коронавирусга қарши курашда ўзининг кучсизлигини оқламоқда.

Эслатиб ўтамиз, АҚШда коронавирус билан боғлиқ 1,4 миллионта ҳолат қайд этилган ва 80 мингдан зиёд ўлим ҳолати кузатилган.

1029
Мавзу:
COVID-19 умумжаҳон пандемияси (1175)

Дунёда Тоғли Қорабоғ можаросига қандай муносабат билдирилди ва ким "оловга ёғ қуймоқда"?

355
(Янгиланган 19:40 30.09.2020)
Тоғли Қорабоғда отишма давом этаётган вақтда дунё ҳамжамияти Озарбайжон ва Арманистон ўртасида тинчлик музокаралари олиб борилишини талаб қилмоқда. Тан олинмаган республикадаги вазиятнинг кескинлашувини БМТ, Европа Иттифоқи ва, албатта, Россия кузатмоқда.

Россия президенти матбуот котибининг сўзларига кўра, Москва "кейинги қадамларни қўйиш учун" вазиятни баҳоламоқда. Айни пайтда, Туркия Озарбайжонни қўллаб-қувватлашини очиқ эълон қилмоқда, Дмитрий Песков “оловга ёғ қуймасликка” чақирди.

Мунозарали ҳудуд атрофидаги воқеаларга халқаро муносабат - видеомизда.

355

Озарбайжон ва Арманистон ўқ отишни тўхтатиш ҳақида келишувга эриша оладими?

490
(Янгиланган 18:43 29.09.2020)
Тоғли Қорабоғда вазият янги куч билан кескинлашди. 27 сентябрда тан олинмаган республикада қуролли тўқнашувлар бошланди. Қарама-қарши кучлар - Озарбайжон ва Арманистон бир-бирини провокацияда айбламоқда.

Иккала мамлакат душман ҳужуми ва мажбурий қаршилик операциясини эълон қилади. Тўқнашувлар ҳарбийлар ва тинч аҳоли орасида қурбонларга олиб келмоқда.

1994 йилдан бери Қорабоғда бундай кескин вазият бўлмаганди - очиқ тўқнашувлар сусайганди. Аммо қарама-қаршилик давом этди. Тоғли Қорабоғ ҳуқуқий жиҳатдан Озарбайжон еридир, гарчи 1991 йилда, референдум натижасида республика ўз мустақиллигини эълон қилди. Тоғли Қорабоғнинг мустақиллиги ҳануз дунёда тан олинмаган. Тарихан эса Тоғли Қорабоғда асосан арманлар яшайди.

Ҳозирги баҳсли ҳудуддаги вазият ҳақида батафсил видеомизда.

490
Ракетные установки Азербайджана ударили по Нагорному Карабаху

Қорабоғдаги зиддийлашув ва дронни қўллашдаги "сурия" тажрибаси

191
Тоғли Қорабоғдаги ҳарбий ҳаракатлар можаро томонларининг технологик жиҳатдан сезиларли тараққий этганини намоён қилмоқда, деб ёзади ҳарбий шарҳловчи Александр Хроленко

Озарбайжон ва Арманистон қўшинлари разведка ва зарба учувчисиз учиш қурилмалари (УУҚ)дан - "сурия тажрибаси"ни ҳисобга олган ҳолда фаол фойдаланишмоқда. Бу табиийки жонли куч ва техникада йўқотишлар сони ортишини келтириб чиқармоқда.

Яқин ўтмишда рўй берган худди шу сингари жанговар ҳаракатлардан фарқли ўлароқ, Қорабоғдаги ҳозирги оғир аслаҳалар қўлланилаётган зиддият жанг майдонида олинган видео билан кечаётганига гувоҳ бўлмоқдамиз. Бу кадрларда Озарбайжон ва Арманистоннинг ҳавода мунтазам кузатилаётган разведка ва зарба дронларини кўриш мумкин.

Арманистон ҳарбий идораси маълумотларига кўра, озарбайжон қўшинлари 29 сентябрь куни арман ҳудуди Варденис шаҳрида жойлашган ҳарбий қисм бўйлаб туркияда ишлаб чиқарилган дрон ёрдамида авиазарба беришди. Сал олдин Озарбайжон Мудофаа вазирлиги Арманистон қуролли кучлари Қорабоғ билан чегаратуташув жойида аҳоли пунктлари Арманистон ҳарбий кучлари томонидан ўққа тутилгани ҳақида баёнот берган эди.

Позиция жанглари давом этмоқда, рақиблар бир-бирига алоҳида (нуқтали) зарба беришмоқда. Можаро ҳудудидан қочоқлар сезиларли оқимининг йўқлиги ҳам жанговар ҳаракатларнинг нисбатан босиқ характеридан далолат бермоқда.

Қайноқ осмон

Айни вақтда экспертлар ҳамжамияти фақатгина АР ва ОР ҳарбий идораларининг расмий маълумотига таянишлари мумкин. Қорабоғ кучлари гўёки 49та озарбайжон дронларини уриб туширган, ўз навбатида, арман армияси 18та УУҚдан жудо бўлган. Тахминимча, рақамлар ўта бўрттирилган.

Таққослаш учун, ўтган ўн йил мобайнида Тоғли Қорабоғда йигирмага яқин озарбайжон ва арман УУҚлари уриб туширилган эди. Аммо ҳар нега қарамай, минтақадаги дронлар уруши - бу ҳақиқат. Сурия тажрибаси эса шуни кўрсатмоқдаки, замонавий қуролли можароларда учувчисиз комплекслар аҳамияти мунтазам ортиб бормоқда.

Яқин келажакда жанговар ҳаракатлар стратегияси ва тактикаси кўп ҳолларда сунъий онгга эга бўлган разведка олиб бориш ва зарба бериш, юз ва ҳатто минглаб километрлардаги нишонларга "қўли етадиган" автоном учар аппаратлари томонидан белгиланади. Шу бугуннинг ўзида ҳам ЎЎҚлар томонидан жанговар ҳаракатлар зоналарида суткасига 24 соатлик назорат таъминланмоқда.

© Sputnik / Виталий Тимкив

Қорабоғ зиддиятида Боку асосан Исроилда ишлаб чиқарилган, 50 килогача юк кўтаришга қодир ва ҳаракат масофаси 250 км гача бўлган Aerostar, Hermes, Heron ва Harop дронларидан фойдаланмоқда. Бундай аппаратларни разведкада, ўт зарбасини тўғирлашда ҳамда рақибнинг жонли кучи ҳамда енгил зирҳланган техникасига қарши курашда бошқарилувчи жанговар захира сифатида қўллаш мумкин.

ЎЎҚ қимматбаҳо, ва Ҳаводан ҳужумга қарши мудофаа тизимлари воситалари учун етарлича сезилишга эга. Масалан, Hermes 20 миллион долларга яқин туради, аммо уни нишонга сари йўлда уриб туширишлари мумкин. Ҳаражатларни оптималлаштириш учун Озарбайжон исроилнинг Aeronautics Defense компанияси ишлаб чиқарадиган дрон-камикадзе "Орбитер-1К" Systemsнинг хилларидан бирига ўхшаш, ўз-ўзидан тўғирланадиган, кўринувчан ва инфрақизил диапазонларда кузатув оптик-электр тизимига эга, осмонни қўриқловчи "Зарба" жанговар захираларини лицензион ишлаб чиқарилишини йўлга қўйди.

Каттагина маблағга эга бўлмаган ҳолда, Ереван ўз мудофаа саноати имкониятларига таянмоқда. Арманистон "Крунк" типидаги енгил (20 килогача юк кўтариш ва ҳаракат масофаси 150 км бўлган) ҳамда тоғли жойлар учун арзон ва самарали бўлган ўта кичик "Базе" разведка ва зарба аппаратларини ишлаб чиқармоқда ва қўлламоқда. Арман армиясининг 95%дан ортиқ дронлари - маҳаллий ишлаб-чиқарувчилар маҳсулотидир.

Жанубий Кавказ барқарор дунё учун қайноқ нуқта ва юқори технологик қурол учун анча тор бўлиб қолмоқда. Бундай юқоритехнологик қурол борган сари кўпаймоқда. Аммо жанг майдонида томонларнинг бирининг тотал устуворлиги ҳозирча кузатилмаяпти.

191