ИИВ академияси оркестри машҳур Despacito қўшиғи мусиқасини ижро этди видео

297
YouTubeда 6,7 миллиард мартадан зиёд кўрилган хит қўшиқ мусиқаси Ўзбекистон ИИВ академияси оркестри томонидан жонли ижро этилди.

ИИВ академияси оркестри ходимлари Луис Фонсининг дунёга машҳур ва хит бўлиб кетган Despacito қўшиғи мусиқасини янгича талқинда ижро этишди.

ИИВ академияси оркестри созандалари барча фуқароларни уйда қолишга чорлаб, яхши кайфият тилаган.

Маълумот учун: 2017 йилда дунё юзини кўрган пуэрторикалик Луис Фонсининг Despacito қўшиғи YouTube’да 6,7 миллиард мартадан зиёд кўрилган. Қўшиқ YouTube тарихидаги энг оммабоп клип сифатида Гиннесс рекордлари китобига киритилган. Шунингдек, лайк сони бўйича етакчи ҳисобланади.

297

Миллий гвардия ходимлари “Хайр, мактабим” қўшиғини жуда таъсирли ижро этишди видео

22
Бугун мактаб ўқувчилари, айниқса, мактаб қалдирғочлари деб аталувчи битирувчилар учун ўзгача кун. Бугун битирувчилар қалбини ларзага солиб, “Хайр, мактабим” қўшиғи янграйдиган кун.

Бу йил коронавирус пандемияси сабабли мактабларда катта шодиёна билан нишонланадиган “Сўнгги қўнғироқ” тадбирлари ойлайн ўтказилди. Миллий гвардия ходимлари бу йилги мактаб битирувчиларини хушнуд этиш ва табриклашга ошиқишди.

Улар ҳам севимли, ҳам қайғули саналмиш “Хайр, мактабим” қўшиғини янгича талқинда битирувчиларга арғумон этишди. Ушбу қўшиқ ҳар бир битирувчининг кўзларини ёшга тўлдиради, десак, асло муболаға бўлмас.

Миллий гвардия ходимлари томонидан ижро этилган қўшиқни тинглаб, улар истеъдодига баҳо беринг!

22

Коронавируснинг ҳиди борми? Эронда итлар коронавирусни аниқлашга ўргатилмоқда

70
(Янгиланган 14:23 25.05.2020)
Махсус ўргатилган итлар бир соат ичида 250-300 кишини текшириб, 65% аниқлик билан коронавирус ташҳиси қўйиши мумкин . 

Теҳрондаги итларни машқ қилдириш маркази ходимлари инсоннинг тўрт оёқли дўстлари COVID-19ни аниқлашда ёрдам бера олиш имкониятини ўрганишмоқда. Тажрибада турли зотдаги итлар иштирок этмоқда.

Тадқиқотчилар айтишига қараганда, инсон коронавирусга чалинганда унинг тана ҳиди ўзгаради. Одамлар буни сезмасада, итлар яхши ҳис қилади. Кинологлар айни вақтда итлар ёрдамида 65% ҳолатларда аниқ ташҳис қўйиш мумкинлигина тасдиқлашмоқда. 

Ундан ташқари итлар ҳозирги вақтда самарали COVID-19 тест тизими бўлиши мумкин. Бир соат ичида битта ит 250-300 кишини "текшириб чиқиш" имконига эга.  

Эрон кинологлари тажрибаси ҳақида батафсил видеолавҳамизда томоша қилинг. 

70
Технопарк Digital City в Андижане

Ўзбекистоннинг барча ҳудудида Ёшлар технопарклари ташкил этилади

2
Ҳудудларда ёшларнинг интеллектуал, илмий, ижодий салоҳиятини ошириш технопарклар фаолиятининг асосий вазифаларидан бири этиб белгиланди.

ТОШКЕНТ, 25 май — Sputnik. Ўзбекистоннинг ҳар бир ҳудудида Ёшлар технопарклари ташкил этилади. Тегишли Ҳукумат қарори 22 май куни қабул қилинди.

Қарорга мувофиқ,  республиканинг ҳар бир ҳудудида босқичма-босқич Ёшлар технопарклари ташкил этилади.

Ҳудудларда ёшларнинг интеллектуал, илмий, ижодий салоҳиятини ошириш технопарклар фаолиятининг асосий вазифаларидан бири этиб белгиланди.

Шавкат Мирзиёев посетил Технологический парк программных продуктов и информационных технологий в Мирзо-Улугбекском районе Ташкента
Пресс-служба президента Узбекистана

Технопарклар Инновацион ривожланиш вазирлиги муассислигидаги ҳамда масъулияти чекланган жамият шаклидаги юридик шахс ҳисобланади.

Технопарклар фаолияти вазирлик ҳузуридаги Ёшлар академияси томонидан мувофиқлаштирилади.

Технопарклар бино ва иншоотларини қуриш, қайта таъмирлаш ва уларнинг моддий-техника базасини мустаҳкамлаш, шунингдек, замонавий асбоб-ускуналар билан жиҳозлаш харажатлари Инновацион ривожланиш ва новаторлик ғояларини қўллаб-қувватлаш жамғармаси ҳисобидан амалга оширилади.

Қарор билан 2020-2023 йилларда республика ҳудудларида Ёшлар технопаркларини босқичма-босқич ташкил этиш режа-жадвали тасдиқланди.

2