Умумий ғалаба рамзи: Ржев яқинида совет солдати хотирасига ёдгорлик очилди видео

239
Россия ва Беларусь президентлари сешанба куни Ржев яқинида мемориал очилишига бағишланган тадбирда иштирок этдилар. Ёдгорлик ветеранлар ташаббуси билан халқ маблағларига барпо этилди.

Ўз чиқишида Путин: совет халқининг нацизмга қарши кўрсатган қаҳрамонлиги ёлғонлар ва сохталаштиришлар билан йўқ қилиб юборилишига йўл қўймаслигини айтди.

"Ржев мемориали — умумий ғалабамизнинг яна бир рамзидир, қаҳрамон-аскар, халоскор-аскар, ғолиб-аскар, Европани ва бутун дунёни нацизмдан қутқарган аскарнинг буюк ва фидокорона қаҳрамонлиги олдида чуқур таъзим бажо келтирилиши рамзидир. Вақт бу қаҳрамонликка ўз ҳукмини ўтказа олмайди, у ҳеч қачон унутилиши керак эмас, мумкин эмас, айниқса, бу жасорат ёлғон ва сохталаштиришлар билан чапланиши керак эмас. Биз бунга йўқ қўймаймиз", - деди Россия етакчиси.

Беларусь президенти Александр Лукашенко, ўз навбатида, токи одамлар ёдгорликларни барпо этиб, улар ёнига келар экан, уруш бўлмаслигини таъкидлади.

"Бугун биз орасида Совет Иттифоқининг барча халқлари вакиллари бўлган жангчилар хотирасига қўйилган ёдгорликни очмоқдамиз. Биз бу билан ўғиллик бурчини, муқаддас хотира бурчини адо этяпмиз. Токи ёдгорликларни яратар эканмиз, уларни кўришга келар эканмиз, биз уруш қилмаймиз, бу даҳшатли фожиадан нари бўламиз. Бундай муқаддас жойларга олиб борадиган йўлни эсдан чиқарган кунимиз, биз, албатта, яна жанг қиламиз. Бу ёруғ айём кунлари амалга ошираётган ҳаракатларимиз маъноси ҳам шунда", - деди Лукашенко.

Совет солдатига қўйилган мемориал қандай кўринишга эга, нега у айнан Твер вилоятининг Ржев туманидаги Хорошево қишлоғида жой олгани ва нега маросимдан сўнг Путин ва Лукашенко қорақарағайларни экишгани ҳақида - видеода томоша қилинг.

239

Қайси давлатлар Россия вакцинасини сотиб олмоқчи

373
(Янгиланган 19:01 22.09.2020)
Пандемия қачон тугайди? Эҳтимол, бу савол барчани ташвишлантирмоқда. Россия “Спутник V” вакцинаси коронавирус билан боғлиқ воқеага нуқта қўйишга ёрдам беради.

Қайси яқин хориж давлатлар Россия вакцинасини сотиб олмоқчи ва вакцина қаерда ишлаб чиқарилган - бу ҳақда батафсил видеомизда.

373
Мавзу:
COVID-19 умумжаҳон пандемияси

НАТО ҳарбийлари Грузияда нима қилди?

332
(Янгиланган 14:48 22.09.2020)
Грузияда "Муносиб шерик-2020" халқаро ҳарбий машқлари якунланди. Маневрларда қатнашиш учун Грузиянинг ўзидан ва АҚШ, Польша, Франция, Буюк Британиядан 3 мингга яқин ҳарбий хизматчи етиб келди.

Америка элчиси таъкидлашича, мамлакатлар қўшма кучларнинг жанговар тайёргарлигини ошириш ва Қора денгиз минтақасида хавфсиз муҳитни сақлашни истамоқда.

Аммо баландпарвоз баёнот ортида нима яширинган? Нега НАТО ҳарбийлари маневрларни машқ қилиш учун айнан Грузияни танладилар? Машқлар ҳақида Россияда қандай фикрда?

332

COVID, қурол ва тинчлик. Путиннинг БМТдаги чиқиши

303
(Янгиланган 22:22 22.09.2020)
Иккинчи жаҳон уруши якунларининг ўзбошимчалик билан шарҳлаш сингари сиёсий уринишлар калтабинликдир ва урушдан кейинги дунё тартиботи асосларига путур етказади, дея таъкидлади Путин ўз чиқишида.

ТОШКЕНТ, 22 сен - Sputnik. Россия президенти Владимир Путин БМТ Бош ассамблеясида нутқ сўзлади ва ташкилот низомининг аҳамияти ҳақида эслатиб ўтди.

БМТ ўз вазифасини муносиб бажармоқда, деди Путин

Путин 2020 йилда дунё Иккинчи жаҳон уруши якуни ва БМТ ташкил топганининг 75 йиллигини нишонлаётганини эслатиб ўтди.

"БМТ низоми халқаро ҳуқуқнинг бош манбаи бўлиб қолмоқда, ўтган йиллар эса Ташкилот "тинчликни сақлаш, халқлар ва минтақаларнинг барқарор ривожланиши ҳамда маҳаллий инқирозларни енгиб ўтишда ёрдам ёрдам бериш сингари ўзининг бош миссиясини муносиб амалга ошираётганини кўрсатди", - деди Путин.

Россия етакчиси БМТ бугунги кун реалликларига мослашиши зарурлигини қўшимча қилди.

Пандемия вақтида инсонпарварлик танқислиги

Пандемия вақтида давлатлараро даражада инсонпарварлик танқислиги ҳолатлари учради, БМТ ўз обрўйини ишлатиши керак, деб ҳисоблайди РФ етакчиси Владимир Путин.

"Кўплаб мамлакатлар ҳеч қандай манфаатсиз ва очиқчасига бир-бирига ердам беришди ва ёрдам бериб келишмоқда. Аммо, шундай ҳолатлар бўлдики, давлатлараро, расмий даражаларда инсонпарварлик, хоҳланг, яхшилик, деб айтинг, танқислиги ўзини кўрсатди. Фикримизча, БМТ обрўйи кўпёқлама ва иккиёқлама муносаббатларда инсонпарварлик, одамгарчилик ролини мустаҳкамлаш ва оширишга хизмат қила олар эди.Бу жамоатчилик ва ёшлар алмашинуви, маданий алоқалар, ижтимоий ва таълим дастурлари, спорт, илмий технологиялар, атроф-муҳит ва одамлар саломатлигини муҳоқаза қилиш соҳаларидаги кооперациялардир", - деди Путин.

Тарихни сохталаштиришга уриниш ҳақида

Иккинчи жаҳон уруши якунларининг ўзбошимчалик билан талқин қилиш сингари сиёсий уринишлар калтабинликдир ва урушдан кейинги дунё тартиботи асосларига путур етказади, дея таъкидлади Путин ўз чиқишида.

"Тарих сабоқларини унутиш калтабинлик ва ўта масъулиятсизликдир, худди Иккинчи жаҳон уруши сабаби, бориши ва якунларини ўзбошимчалик билан, фактларга эмас, балки уйдирмаларга таянган ҳолда сиёсийлаштириб талқин қилишга уриниш сингари. Иттифоқдошлар анжумани ва Нюрнберг трибунали қарорларини бошқачалаштириш - бу шунчаки тубанлик ва нацизмга қарши курашганлар хотираси олдида жиноят. Бу урушдан кейинги дунё тартиботи асосларига тўғридан-тўғри ва қақшаткич зарба бериш билан тенг", - деди Путин.

Бу айниқса, глобал барқарорлик жиддий синовларга дуч келаётган бир шароитда жуда хавфли, дея қўшимча қилди РФ президенти.

Яшил йўлаклар ҳақида

Россия Федерациясининг савдо, шу жумладан, озиқ-овқат маҳсулотлари учун мўлжалланган ва савдо урушлари ва санкциялардан холи "яшил йўлаклар" ҳақидаги таклифи айниқса шу ниҳоятда долзарбдир, деб хабар қилди Владимир Путин.

"Россиянинг савдо урушлари ва санкцияларидан холи бўлган, биринчи навбатда пандемияга қарши курашишда зарур бўлган муҳим товарлар, озиқ-овқат, дори-дармон воситалари, шахсий ҳимоя воситалари учун зарур бўлган "яшил йўлаклар" дея номланувчи таклифига эътибор қаратишларингизни истардим. Ва умуман олганда, жаҳон савдосини тўсиқлар, таъқиқлар, чекловлар, ноқонуний санкциялардан тозалаш, озод қилиш глобал ўсишни тиклаш ва ишсизликни камайтириш учун яхши ёрдам бўлиши мумкин эди ", деди Путин БМТ Бош ассамблеясининг 75-сессиясидаги сўзлаган нутқи давомида.

Киберхавфсизлик муаммоси

Путин рақамли технологияларнинг экстремист ва террорчилар қўлига тушиши мумкинлиги, шу боис, киберхавфсизлик муаммоси эътиборга моликлиги хусусида огоҳлантирди.

"Ҳар қандай бошқа инновациялар сингари рақамли технологиялар бошқариб бўлмас тарқалиш хусусиятига эга. Худди оддий қурол сингари у нафақат минтақавий можаролар зонаси, балки ўзига тўқ фаровон мамлакатларда турли хил радикал ва экстремистлар қўлига тушиши ва бу орқали улкан хатарларни юзага келтириши мумкин", - деди Путин.

Путинга кўра, шу муносабат билан киберхавфсизлик масалалари, энг олд рақамли технологияларни қўллаш мавзулари БМТ майдонида энг жиддий мулоқот олиб боришга лойиқ. Янги даврда одамлар ҳуқуқлари ва шахсий ҳаётга бўлган ҳуқуқлари қай даражада ҳимояланган бўлади, бу борада одамларни эшитиш, улар хавфсираётган нарсаларни тушуниш муҳим", - деди Путин.

303