Японияда кучли тошқин ва ер кўчкиси содир бўлди дрон ёрдамида олинган видео

1581
(Янгиланган 17:38 06.07.2020)
Кучли ёғингарликлар натижасида Япониянинг Кумамото ва Кагосима префектураларида тошқин ва ер кўчкиси содир бўлди.

Офат оқибатлари видеога олинди: уйлар, йўллар ва кўприклар бузилган.

Норасмий маълумотларга қараганда, табиий офат оқибатида камида 15 киши ҳалок бўлди, ўнга яқин киши бедарак йўқолди.

Ўзбекистоннинг Япониядаги элчихонаси кучли ёмғир ёғиши натижасида жабрланган ёки ҳалок бўлганлар орасида республика фуқаролари йўқлигини маълум қилди.

1581

Помпео “Толибон билан алоқа учун” Россияга дағдаға қилди. РФ исбот талаб қилмоқда

333
(Янгиланган 16:49 14.08.2020)
АҚШ Давлат котиби Майк Помпео агар Россия толибларга Афғонистондаги америкалик ҳарбийларнинг қотиллиги учун пул тўлаган бўлса, РФ учун бу "ўта қимматга" тушишини айтиб, таҳдид қилди.

Воқеа июн ойида The New York Times’да чоп этилган мақоладан бошланди. Америка газетаси муаллифлари таъкидлашича, Москва Америка ҳарбийларини ўлдириш учун Афғонистондаги террорчиларга пул тўламоқда. Мақолада ҳеч қандай аниқ далиллар келтирилмаган. Фақат асоссиз баёнотлар. Улар ҳам махсус хизматларнинг номаълум манбаларидан олинган маълумотларга асосланади.

Россия Ташқи ишлар вазирлиги The New York Times мақоласини сохта деб атади ва АҚШдан далил талаб қилди. Америкаликлар баландпарвоз гаплар ортида нимани яширишга ҳаракат қилмоқда ва Россияни террорчилар билан алоқа қилишда айблов Трампга ёрдам берадими? – булар ҳақда видеомизда билиб олишингиз мумкин.

333

Россия дунёда биринчи бўлиб COVID-19 га қарши вакцинани рўйхатга олди - видео

481
Россия президенти Владимир Путин дунёда биринчи коронавирусга қарши вакцина рўйхатга олинганини эълон қилди.

Вакцина Россия Мудофаа вазирлиги ва Гамалея номидаги Миллий эпидемиология ва микробиология тадқиқотлар маркази мутахассислари томонидан ишлаб чиқилди ва “Спутник V” деб номланди.

Вакцина кўнгиллиларда муваффақиятли синовдан ўтди. Синов иштирокчилари ўзларини яхши ҳис қилишаётганини айтишди ва эмлашдан кейин ҳеч қандай ножўя асоратларни сезишмаган. Тиббиёт ходимларининг сўзларига кўра, барча кўнгиллиларда COVID-19 га иммунитет ҳосил бўлган, вакцина эса ўзининг хавфсизлигини исботлаган.

Шунингдек, Россия вакцинасига дунёнинг кўплаб мамлакатлари қизиқиш билдирди, ҳозир уни бошқа давлатларда синовдан ўтказиш ва ишлаб чиқаришни йўлга қўйиш имконияти борасида музокаралар олиб борилмоқда.

Россияда Мудофаа вазирлиги ва Гамалея номидаги марказдан ташқари “Вектор” Новосибирск ДИМ ва Санкт-Петербург вакциналар ва зардоблар МИТ вакцина яратиш билан шуғулланмоқда. "Вектор"нинг учта вакцина

Россия вакцинаси 2 йилгача иммунитетни шакллантириши мумкин - Викулов

“Вектор”нинг учта вакцина прототипи бирламчи синовлардан ўтиб бўлди, энди илмий марказларда одамларда синовдан ўтказилмоқда.

481

"Йиғлатаман": Чак Норрис Лукашенкога пўписали видеомурожаат ёзди

96
Америкалик артист қисқа видео ёзган ва унда "Саша ноль фоиз" ва "Жаноб Таракан" сифатида машҳур аллақандай Сашага мурожаат қилган.

ТОШКЕНТ, 15 авг - Sputnik. Дунёга машҳур актёр Чак Норрис Беларус президенти Александр Лукашенконикига ташриф уюштирмоқчи. Жангари фильмлар юлдузи урушга шай, у сиёсатчини йиғлашга мажбур этмоқчи, деб хабар қилади NEWS.ru.

Америкалик артист қисқа видео ёзган ва унда "Саша ноль фоиз" ва "Жаноб Таракан" сифатида машҳур аллақандай Сашага мурожаат қилган.

"Биласанми, пиёз тўғраганимда, мен йиғламайман. Пиёз йиғлайди. Шу учун, агар ҳозир қилаётган ишларингни тўхтатмасанг, у ҳолда қароргоҳларингнинг бирига бораманда, сени йиғлашга мажбур этаман", - деган Норрис.

Жангари фильмлар юлдузи бошқа ҳеч қандай аниқлик киритмаган. Айтган жумлаларини ҳам ойдинлаштирмаган. Норриснинг расмий аккаунтларида ушбу видеоролик йўқ. Ролик биринчи бўлиб Беларус мухолифати билан боғлиқ бўлган ижтимоий тармоқларда тарқатила бошланган.

Беларусьдаги норозилик акциялари, 9 август президент сайловларида амалдаги давлат раҳбари Александр Лукашенко ғолиб бўлганидан кейин бошланган эди. МСК маълумотларига кўра, у 80,1% овоз олган. Якшанба кунидан буён Минск ва республиканинг бошқа шаҳарларида санкцияланмаган оммавий норозилик намойишлари давом этмоқда, аммо куч тузилмалари намойишларни куч билан бостирмоқда. Норозилик акциялари иштирокчиларини тарқатиш учун ҳуқуқни муҳофаза қилиш идоралари кўз ёш келтирувчи газ, шовқин гранатаси, резина ўқлардан фойдаланмоқда. Расмий маълумотларга кўра, митинглар давомида 6,5 мингдан ортиқ одам ҳибсга олинган.

Беларусь ИИВ тартибсизликлар давомида юзлаб одамлар жабрлангани ҳақида маълум қилган. Бир нафар одам ҳалок бўлган, ИИВ маълумотларига кўра, у милиция ходимларига қўлбола портловчи қурилмани отишга уринаётиб, ҳалок бўлган.

96