Шафақ шуъласи ва Ту-22М3 бомбардимончилари видео

795
Ёш зобитлар ўз кучларини самолёт бошқарувчиси ва самолёт командири ёрдамчилари сифатида синаб кўришди.

Россия Мудофаа вазирлиги Ту-22М3 бомбардимончиларининг Мурманск вилоятига парвози акс этган видеони YouTube каналига жойлаштирди.

Кадрларда самолётлар аэродромдан ҳавога кўтарилаётгани ва ғира-шира ёруғликда парвоз қилаётгани тасвирланган.

“Машғулотлар вақтида ёш зобитлар ўзларини самолёт бошқарувчиси ва самолёт командири ёрдамчилари сифатида синаб кўришди”, - дейилган идора хабарида.

Ту-22М3 бомбардимончилари бир неча қуролли можароларда, жумладан, Сурияда иштирок этган. Улар Х-32, Х-15П кемага қарши қанотли ракеталар ва бомбаларни ташишлари мумкин.

Бомбардимончилар парвозининг максимал тезлиги соатига 2,3 минг километр, узоққа уча олиш масофаси 6,8 минг километрни ташкил этади.

795

Британияда антиқа жосуслик буюмлари сотувга қўйилди

196
(Янгиланган 17:41 23.11.2020)
Коллекционер Иккинчи жаҳон уруши даврида фойдаланилган қизиқарли буюмларни сотувга қўйди. У уларни 40 йил давомида тўплаган.

Тўпламга минителескоплар, чекиш трубкасидаги компас, гугурт қутисига яширилган камера ва бошқа буюмлар киритилган.

Уларнинг барчасидан жосуслик мақсадида - яширинча фойдаланилган. Энди буюмлар ким ошди савдосига қўйилди: бошланғич нархи - 1000 фунт.

Жосуслик буюмлари қандай кўринишда бўлганини видеомизда томоша қилишингиз мумкин.

196

Нокаут: Ўзбекистон ва Қирғизистон ММА жангчилари ўртасидаги жанг - видео

631
(Янгиланган 14:33 23.11.2020)
Москвада 15 ноябрь куни навбатдаги “Чемпионлар жанги 16” мусобақаси ўтказилди. Унда 70 кггача вазн тоифасида қирғизистонлик Кудурет Толипов ва ўзбекистонлик Баҳодир Бахрамов куч синашди.

Раунднинг 16 сониясида қирғизистонлик жангчи рақибини нокаутга учратди. "Колизей ММА" ташкилоти ижтимоий тармоқлардаги аккаунтида жанг видеоси жойлаштирилди.

631
Милиция

Хоразмда аёл кишини ечинтириб, видеога олганларнинг шахси аниқланди

886
Хоразм шевасида сўзлаётган бир гуруҳ аёллар томонидан бошқа бир аёл кишини қизлик иффати йўқлигини рўкач қилиб ечинтириб уяли телефони орқали олган видеотасвир тарқалди.

ТОШКЕНТ, 23 ноя — Sputnik. Хоразмда аёл кишини ечинтириб, видеога олганларга нисбатан жиноят иши қўзғатилди, деб хабар қилди вилоят ИИБ ахборот хизмати.

Хабарда айтилишича, 22 ноябрь куни ижтимоий тармоқларда Хоразм шевасида сўзлаётган бир гуруҳ аёллар томонидан бошқа бир аёл кишини қизлик иффати йўқлигини рўкач қилиб ечинтириб уяли телефони орқали олган видеотасвир тарқалди.

Ушбу видеолавҳадаги ҳолат қачон, қаерда содир бўлганлиги ва жараён иштирокчиларининг шахсига аниқлик киритиш мақсадида Хоразм вилояти ИИБ масъул ходимлари томонидан терговолди текширув ҳаракатлари олиб борилди.

Олиб борилган суруштирув жараёнида мазкур ҳолат жорий йил 7 октябрь куни Урганч шаҳрида содир бўлганлиги маълум бўлди.

Жараён иштирокчиларининг шахси тўлиқ аниқланган бўлиб, тергов манфаатлари ва жабрланувчининг шахсий ҳаёт дахлсизлигини таъминлаш мақсадида иштирокчиларнинг исм-шарифлари ошкор этилмайди.

Мазкур ҳолат юзасидан ички ишлар органлари томонидан жиноят иши қўзғатилиб, тергов ҳаракатлари олиб борилмоқда.

886