Қора мушуклар қуршовидаги чойхўрлик: Японияда антиқа кафе очилди

264
Бундай муассаса дунёдаги ягоналиги айтилмоқда. Мижозлар бу ерга келиб чой ёки қаҳва ичишлари ва 11 та қора мушукни эркалашлари мумкин.

Қора мушуклар қуршовида чойхўрлик қилиш 10 долларга тушади. Мижозлар мушукларни силашлари, улар билан ўйнашлари ва уларга овқат беришлари мумкин.

Дунёнинг кўплаб мамлакатларида қора мушук бахтсизлик келтиради деган тушунча одамлар онгига сингиб кетган. Аммо Японияда одамлар бу ҳақда умуман бошқача фикрда.

Хитойлик балиқларга футбол ўйнашни ўргатди – ғаройиб ўйин кадрлари

Антиқа муассаса қандай ишлаши Sputnik видеосида.

264

Шомуродовнинг Италиядаги биринчи ва супер голи - видео

160
(Янгиланган 13:32 01.12.2020)
Футбол бўйича Италия А Сериясининг 9-туридан ўрин олган “Женоа” – “Парма” баҳсида ўзбекистонлик футболчи Элдор Шомуродов ўзининг илк голини уришга муваффақ бўлди.

Ушбу баҳсда Шомуродов асосий таркибда майдонга тушди ва 50-дақиқада А Сериядаги дебют голини урди. Шу тариқа Шомуродов Италия чемпионатида гол урган илк ўзбекистонлик футболчига айланди.

Аввалроқ Элдор Италия Кубоги 1/16 финали доирасида “Сампдория”га қарши ўйинда голли узатма амалга оширган эди.

160
Теглар:
футбол, Италия, Элдор Шомуродов

Россия вакцинаси самарали эканини тушунамиз Хаджибаев “Спутник V” ҳақида

206
(Янгиланган 15:17 30.11.2020)
Ўзбекистон соғлиқни сақлаш вазири Абдуҳаким Хаджибаев Россия билан “Спутник V” вакцинаси борасидаги музокаралар жараёни ҳақида сўзлаб берди ва унинг мамлакатда учинчи босқич синовлари бошланиши муддатини тахмин қилди.

Соғлиқни сақлаш вазири Абдуҳаким Хаджибаев Ўзбекистон Россия тўғридан-тўғри инвестициялар жамғармасига (РФПИ) республикага “Спутник V” вакцинасининг бир неча юз дозасини ажратиш таклифи билан мурожаат қилганини маълум қилди.

“Жавобини кутяпмиз (Россия томонининг – таҳр.). Агар у ижобий бўлса, жараён, албатта, олдига силжийди. Агар бу йил бўлмаса, унда умид қиламанки, 2021 йилнинг биринчи чорагида республикада клиник синовларининг учинчи босқичини бошлаш мумкин бўлади”, - деди вазир Sputnik мухбири билан суҳбатда.

Хаджибаев Ўзбекистон музокаралар учун очиқлигини таъкидлади.

“Биз Россия вакцинаси етарлича самаралигини тушунамиз. Айрим мамлакатлар аллақачон буюртма бераётганини биламиз. Менинг билишимча, Россиянинг ўзида ҳам ихтиёрий асосда эмлаш ишлари олиб борилмоқда”, - деди у.

Россия ва дунёдаги коронавирусга қарши биринчи “Спутник V” вакцинаси ўзининг 95 фоиз самарадорлигини кўрсатди. У 11 август куни рўйхатга олинди. Ҳозир вакцинанинг клиник синовларининг учинчи босқичи Беларусь, БАА, Венесуэла ва қатор давлатларда ўтказилмоқда. 50 дан зиёд давлатдан “Спутник V”нинг 1,2 миллиардан ортиқ дозасини харид қилишга буюртма келиб тушган.

206
Теглар:
Россия тўғридан-тўғри инвестициялар жамғармаси, Абдуҳаким Хаджибаев \\, Спутник V, вакцина, Россия
Флаги Евросоюза у здания штаб-квартиры Европейской комиссии в Брюсселе

Европа комиссияси Ўзбекистонга муддатидан олдин “GSP+” мақомини берди

11
(Янгиланган 16:18 01.12.2020)
Қарор тасдиқланиши билан Ўзбекистон ишлаб чиқарувчилари ЕИ мамлакатларига экспорт қилишлари мумкин бўлган товар позицияларининг сони 6200 гача ошади.

ТОШКЕНТ, 1 дек — Sputnik. Европа комиссияси Ўзбекистонга “GSP+” Преференциялар бош тизими бенефициари мақомини бериш тўғрисида муддатидан олдин қарор қабул қилди. Бу ҳақда Инвестициялар ва ташқи савдо вазирлиги хабар қилмоқда.

Тегишли ҳужжат ЕИ Комиссияси раиси Урсула фон дер Ляйен томонидан имзоланди.

Таъкидланишича, қарор Европа комиссияси мониторинг гуруҳларининг Ўзбекистон инсон ҳуқуқларини ҳимоя қилиш, меҳнат стандартларига риоя қилиш, атроф-муҳитни муҳофаза қилиш ва самарали бошқарув соҳасидаги 27 халқаро конвенция талабларини бажараётгани тўғрисидаги ҳисоботлари асосида қабул қилинди.

“Ўтказилган таҳлилларга асосланиб, Европа комиссияси Республикамиз “GSP+”да иштирок этиш мезонларига мувофиқ келиши тўғрисидаги хулосага келди ва уни ушбу тизимнинг бенефициарлари рўйхатига киритишни таклиф қилди”, - дейилган хабарда.

Мазкур қарор энди кўриб чиқиш ва тасдиқлаш учун Европа Кенгаши ва Европа парламентига ҳавола этилади. Қарор тасдиқлангандан сўнг Ўзбекистон ишлаб чиқарувчилари ва экспортчилари ўз маҳсулотларини Европа бозорига экспорт қилишда бир томонлама тариф имтиёзларидан фойдаланишни бошлашлари мумкин бўлади. Шунда, Ўзбекистон ишлаб чиқарувчилари ЕИ мамлакатларига экспорт қилишлари мумкин бўлган товар позицияларининг сони 6200 гача ошади.

Вазирлик мамлакатнинг “GSP+” бенефициари мақомини олиш экспортнинг барқарор ўсиши ва диверсификацияси учун мустаҳкам пойдевор яратиши, ЕВ  мамлакатлари билан ўзаро манфаатли савдо муносабатларининг тез суръатлар билан ривожланишига хизмат қилишини таъкидлаган.

Эслатиб ўтамиз, апрель ойида президент Шавкат Мирзиёев Европа Иттифоқи бозорлари учун “GSP+” мақомини олиш вазифасини қўйган эди. Ўзбекистон июнь ойида бенефициар мамлакат мақомини олиш учун расмий талабнома юборган эди.

11
Теглар:
экспорт, Европа Иттифоқи, Еврокомиссия, Ўзбекистон