Ядровий учлик: Россия сувости кема ва авиация иштирокида машқ ўтказди

619
(Янгиланган 16:29 11.12.2020)
Россиянинг “Карелия” сувости кемаси ва авиация иштирокида стратегик ҳужум кучларини бошқариш бўйича машқлар ўтказди.

Маневрлар давомида Россия стратегик ядро кучларининг умумий жанговар тайёргарлиги синовдан ўтказилди.

619

Путин ва Жапаровнинг биринчи учрашуви қандай ўтди видео  

131
(Янгиланган 09:58 25.02.2021)
Қирғизистон янги президенти Садир Жапаровнинг биринчи хорижий ташрифи - Россияга 24 феврал куни бўлиб ўтди. Жапаров Владимир Путин билан Кремль саройида учрашди.

Учрашув давомида Россия президенти Қирғизистон президентини лавозимга расман киришиши билан табриклади ва Россия ва Қирғизистон муносабатларининг юқори даражада эканидан мамнунлигини қайд этди.

Шунингдек, Путин Россия ва Қирғизистон муносабатлари иттифоқчилик даражасида эканини ҳамда иқтисодий ҳамкорлик бўйича Россия Қирзиғистоннинг биринчи рақамли ҳамкори эканини алоҳида қайд этиб ўтди.

Ундан ташқари Россия президенти коронавирусга қарши кураш борасида Қирғизистонда олиб борилаётган ишлар самарали эканини ва бу борада Россия билан ҳамкорликни янада чуқурлаштириш борасида билдирилаётган қўшимча таклифлар борасида Россия Қирғизистонни қўллаб-қувватлашга тайёр эканини билдирди.

Ўз навбатида Жапаров Путинга Кремл саройидаги қабул учун миннатдорлик билдирди ва Россия президентини Қирғизистонга таклиф қилди. 

Эслатиб ўтамиз, бу Қирзиғистон янги президентининг биринчи хорижий ташрифи эди. 

Россия ва Қирғизистон президентлари учрашуви ҳақида батафсил видеолавҳамизда томоша қилинг.

131

Тошкентда 30 даражали иссиқдан сўнг яна қор ёғди

378
Тошкент ва бошқа шаҳарлар аҳолиси эрталабдан ҳақиқий қиш манзарасига гувоҳ бўлишди. Республика ҳудудининг катта қисмида мевали дарахтларда куртаклар бўртиши ва очилиши бошланган бир пайтда гупиллаб қор ёғди.

Эрта тонгдан ёққан қор кўпчиликни шошириб қўйди. Ахир бир неча кун илгари мамлакат бўйлаб баҳор таровати ҳукмрон эди. Эрта гуллайдиган мевали дарахтлар гуллаши бошланган эди. Энди эса ёғаёган паға-паға қор дарахт гуллари билан аралашиб кетди.

Ўзгидромет мамлакатда 25-27 февралда кутилаётган совуқлар мевали дарахтларнинг ёзилган куртаклари ва гулларига зарар етказиши ҳақида огоҳлантирган.

Қишлоқ хўжалиги вазирлиги эса мевали боғ ва узумзорлар, эртаки картошка ва сабзавот экинларини сақлаб қолиш мақсадида қатор тадбирларни зудлик билан амалга оширишни тавсия қилди.

378

Қозоғистонда қишлоқ хўжалиги ерларини хорижликларга сотиш тақиқланади

29
(Янгиланган 12:20 25.02.2021)
Тоқаев ер масаласи қозоғистонликлар учун жуда муҳимлиги, ер улар учун давлатчилик рамзи эканини қайд этди.

ТОШКЕНТ, 25 фев — Sputnik. Қозоғистонда қишлоқ хўжалиги ерларини чет эллик жисмоний ва юридик шахсларга ижарага бериш ва сотиш тақиқланади. Мамлакат президенти Қасим-Жомарт Тоқаев тегишли қонун лойиҳасини тайёрлаш бўйича топшириқ берди.

Тоқаев Миллий жамоат ишонч кенгаши йиғилишида чиқиш қилаётиб, ер масаласи қозоғистонликлар учун жуда муҳимлиги, ер улар учун давлатчилик рамзи эканини қайд этди.

“Мен бир неча марта ер хорижликларга сотилмаслигини айтганман. Бу борадаги миш-мишларга чек қўйиш даркор. Биринчидан, мен қишлоқ хўжалиги ерларини хорижликларга ва хорижлик юридик шахсларга сотиш, ижара беришни қонун билан тақиқлаш бўйича топшириқ бераман. Бу хорижлик улуши бор юридик шахслага ҳам тааллуқли”, - деди Тоқаев. Унинг сўзларидан Sputnik Қозоғистон келтирган.

Давлат раҳбари бу масалага оид қонун лойиҳасини президент девони ишлаб қилиши шартлиги қўшимча қилди.

29
Теглар:
Қасим-Жомарт Тоқаев, Қозоғистон