Захарова Россияга босим ўтказишга доир даъватлар ҳақида: бу энди касаллик, фобия

431
Россия ТИВ расмий вакили Мария Захарова АҚШ Конгрессининг Россияга санкция босимини кучайтириш даъвати акс этган янги қонунчилик ташаббусини танқид қилди ва Америка расмийларининг Москвага нисбатан хатти-ҳаракатларини фобия ва касаллик дея атади

Захаровага кўра, Россиядан томонидан бўлаётган хавф-хатар ҳақидаги афсоналарни яратиш АҚШ учун фойдали бўлиб, Вашингтон шу орқали америка жамияти эътиборини улкан ички муаммолардан чалғитиб келмоқда.

"АҚШ аллақачон ўз шахсий муаммоларига, шу жумладан, сиёсий муаммоларга ҳам эътибор бермай қўйган, у ҳар сафар Россияни аллақандай муаммо ёки кулфатларда айбдор қилишга уринади. Бу энди касаллик, фобия. Умид қиламизки, бу сингари ҳаракатлар тез орада урфдан чиқади ва Москва ҳамда Вашингтон ўртасидаги иккиёқлама муносабатларни заҳарлашдан тўхтайди, бу муносабатларни аллақачон конструктив оқимга қайтариш вақти келган", - деди Захарова.

Тўлиқ видеода томоша қилишингиз мумкин.

431

Тошкентда яна оппоқ қор ёғди - видео

136
(Янгиланган 16:41 22.01.2021)
Тошкентга қиш қайтиб келди - кўчалар, уйлар, дарахтлар бутун атроф оқ ранг билан қопланди. Оқ рангли машиналар ҳам гўёки қиш манзарасини тўлдириб тургандек. 

Тошкентда бугун қор ёғмоқда. Кўчалар, уйлар, дарахтлар ва бутун атроф оқ ранг билан қопланди. Ҳаракат секинлашиб қолган йўллардаги кўп сонли оқ рангли машиналар ҳам гўёки қиш манзарасини тўлдириб тургандек. 

Коммунал хўжалик хизматлари автомобил йўллари  ва йўлакларни тозалаш билан шуғулланмоқда.

Тошкентдаги қиш эртаги ҳақида батафсил видеолавҳамизда томоша қилинг. 

136

Тошкентдаги маҳаллаларга пул ажратиш ва дарахт экиш масалалари ҳақида - видео

58
Шу ҳафта Тошкент шаҳар ҳокими Жаҳонгир Ортиқхўжаев пойтахтдаги мавжуд муаммоларни бартараф этиш учун ҳар бир маҳалла фуқаролари йиғинига 50 миллион сўмдан маблағ ажратиш ва пойтахтда 30 миллиард сўмлик дарахт экиш таклифларини билдирганди.

Куни кеча ушбу масалалар юзасидан матбуот анжуманида депутатлар ўз фикрларини билдиришди.

58
узбекский региональный аэропорт

Эрон авиакомпанияси Самарқанд ва Бухорога парвозларни йўлга қўймоқчи

54
Транспорт вазирлигида Эроннинг “Zagros Airlines” авиакомпанияси вакиллари билан учрашув бўлиб ўтди.

ТОШКЕНТ, 22 янв — Sputnik. Zagros Airlines Самарқанд ва Бухорога авиақатновларни йўлга қўймоқчи.

Бугун Транспорт вазирлигида Эроннинг “Zagros Airlines” авиакомпанияси вакиллари билан учрашув бўлиб ўтди.

Транспорт вазири ўринбосари Жасурбек Чориев ва “Zagros Airlines” авиакомпаниясининг Ўзбекистондаги бош вакили Мортеза Шейхассани билан бўлиб ўтган мулоқотда икки давлат ўртасида мунтазам ҳаво қатновларини қайта тиклаш масаласи муҳокама қилинди.

Шунингдек, авиакомпания вакиллари йўналишлар географиясини кенгайтириш, транзит салоҳиятини ривожлантириш ва парвозлар сонини ошириш бўйича қатор таклифларни билдирди. Хусусан, “Zagros Airlines” авиакомпанияси Эроннинг турли шаҳарларидан Самарқанд ва Бухорога авиарейслар қўйиш истагида эканлигини маълум қилди. 

54