Қозоғистон президенти Нурсултон Назарбоев. Архив сурат

Назарбоев элчилардан “қўшниларни сиқувга олмасликни” сўради

202
(Янгиланган 16:04 05.03.2016)
Нурсултон Назарбоевнинг фикрича, дипломатлар давлатлар билан илиқ муносабатларни сақлаб қолишлари шарт. Шу қаторда, турли қийинчиликлар баҳонасида “қўшниларни иқтисодий ва сиёсий томондан сиқувга олмаслик керак”, деб таъкидлади Қозоғистон президенти.

ТОШКЕНТ, 5 мар — Sputnik. Дунё бўйича юзага келган мураккаб вазият туфайли, дипломатлар учун  “катта ер майдонлари” очилмоқда, деб таъкидлади Қозоғистон президенти Нурсултон Назарбоев.


"Бизнинг, наинки бизнинг, балки, бошқа давлатлар —  йирик қўшниларимиз ҳам, мисол учун Россия: саноат, экспорт заҳиралари соҳасида оғир дамларни бошдан кечирмоқда… иқтисод қулаши, санкциялар таъсири бизга ҳам сезилди…, Хитой иқтисодиётида кузатилаётган пасайишлар ҳам ўз таъсирини сездирди”, — деди Назарбоев Қозоғистонда аккредитациядан ўтган чет эл дипломатлари билан бўлиб ўтган учрашувда.

Назарбоевнинг сўзларига қараганда, нефт ва газнинг ҳозирги “шишириб кўрсатилаётган” нархларига  кўникиб, шундай шароитларда яшашнинг иложини топиш лозим. "Тўғри, бу осон эмас – инсон яхши нарсага тез кўникади. Лекин бугун ҳамма нарсага кўникишга ўрганиш лозим”, — қўшимча қилди у.

"Сиёсатчилар, дипломатлар учун ҳозир жуда мураккаб давр. Шундай бўлса-да, давлатлар билан яхши муносабатларни сақлаб қолиш керак, қийинчиликларни баҳона қилиб, қўшниларни иқтисодий ва сиёсий томондан сиқувга олиш ярамайди. Аксинча, мана шундай қийинчиликлардан биргаликда чиқиб кетиш йўлини топиш бизу-сизнинг вазифамиз, деб ўйлайман. Сиз элчилар қаршисида кенг майдон очилди. Шундай мураккаб даврда давлатлар ўртасида яқинлик ва ўзаро ишонч муносабатларини юзага келтириш, фақат сизнинг маҳоратингизга боғлиқ", — деб хотима қилди Назарбоев.

202
Вид города Эр-Рияд - столицы Саудовской Аравии

ОАВ: америкалик дипломатлар Саудия Арабистонини тарк этади

309
Нашрнинг ёзишича, яқин кунларда яна бир қанча америкалик дипломатлар Саудия Арабистонини тарк этиши кутилмоқда.

ТОШКЕНТ, 5 июл — Sputnik. Ўнлаб америкалик дипломатлар Саудия Арабистонида коронавирус билан касалланиш тобора кўпаяётгани ортидан подшоҳликни ўз оилалари билан бирга тарк этишмоқда. Бу ҳақда The Wall Street Journal нашри ўз манбасига таянган ҳолда хабар қилмоқда.

Таъкидланишича, АҚШ Давлат департаменти ўтган ҳафта бир неча ходимга мамлакатни тарк этишга рухсат берган. Яқин кунларда яна бир қанча дипломатлар Саудия Арабистонини тарк этиши кутилмоқда.

АҚШ вакилларининг сўзларига кўра, АҚШ элчихонасининг камида 30 ходимида коронавирус аниқланган. Улардан кўпчилиги АҚШ фуқаролари эмас. Улар март ойидан буён уйдан ишлаб келаётганларига қарамасдан вирус юқтириб олишган.

Нашрнинг ёзишича, июнь ойида элчихона ҳайдовчиси коронавирусдан вафот этган. Кейинчалик дипломат оиласи аъзоларидан бири касалхонага қабул қилинмаган. Элчихона аралашишига тўғри келган.

Бир қатор америкалик дипломатлар ҳам Саудия Арабистонидаги коронавирус билан боғлиқ вазиятдан хавотир билдирган ва подшоҳлик ҳукумати янги касалланиш ҳолатлари сонини камайтириб кўрсатиши мумкин деб ҳисобламоқда.

Охирги маълумотларга кўра, Саудия Арабистони дунёда аниқланган коронавирус ҳолати бўйича 13-ўринда қайд этилган. Подшоҳликда 205 мингдан зиёд коронавирус ҳолати аниқланган. 143 мингдан зиёд киши касалликни енгган. 1858 киши вирус қурбонига айланган.

309
Теглар:
Саудия Арабистони, АҚШ, коронавирус
Мавзу:
COVID-19 умумжаҳон пандемияси
Во всех рынках при входе установлены дезинфекционные туннели для посетителей

Коронавирус Марказий Осиёда: Қирғизистон қурбонлар сони бўйича Тожикистонни ортда қолдирди

679
(Янгиланган 18:54 05.07.2020)
Ўзбекистонда ҳафта давомида 12 та ўлим кузатилди, Қозоғистон 14 кунлик қатъий карантин чораларини жорий этди, Қирғизистон ҳолат ва қурбонлар сони бўйича Тожикистонни ортда қолдирди.

ТОШКЕНТ, 5 июл — Sputnik. Сўнгги тақдим этилган маълумотларга кўра, Марказий Осиё давлатларида жами 58 218 та коронавирус билан боғлиқ ҳолат қайд этилган.

Қозоғистон

Қозоғистон ҳукумати республикада эпидемиологик вазият ёмонлашгани туфайли 5 июлдан 14 кунлик қўшимча карантин чеклов чораларини жорий этиш тўғрисида қарор қабул қилди. Мамлакат минтақада ҳолат ва ўлим бўйича ҳамон етакчилик қилмоқда. Қозоғистонда ўтган кун давомида 1452 та янги ҳолат тасдиқланган. Касалланганларнинг умумий сони 47 171 (жумладан, касаллик аломатларисиз ўтаётган беморлар) нафарга етган. Шулардан 15 556 нафари тузалиб кетган. Жами 188 та ўлим ҳолати кузатилган. 29 июндан қайд этилган ўлим ҳолатлари янгиланмаган.

Ўзбекистон

4 июль куни мамлакатда 312 та янги ҳолат аниқланган. Шундан 162 таси карантин муассасаларида, 142 таси аҳоли орасида (шундан 105 таси Тошкент шаҳрида, 36 таси Тошкент вилоятида, 1 таси Бухоро вилоятида), 8 таси халқаро юк ташувчи автомашина ҳайдовчиларида орасида аниқланган. Бир кунда 174 бемор тузалди ва уйларига кузатилди.

2020 йил 5 июль соат 10:00 ҳолатига кўра, Ўзбекистонда коронавирус инфекцияси қайд этилганлар сони 9829 (+121) нафарни ташкил этмоқда.

Республика бўйлаб 6425 нафар (66 фоиз) бемор бутунлай даволаниб чиққан. Мамлакатда эпидемия бошлангандан буён 32 та ўлим ҳолати кузатилган. Ҳафта давомида 12 янги ўлим қайд этилди.

Ўзбекистонда ҳам 1 июлдан карантин чоралари кучайтирилди. Барча ҳудудларида йирик буюм бозорлари ҳамда буюм савдоси билан шуғулланадиган йирик савдо мажмуалари ҳафтанинг шанба ва якшанба кунлари санитария-дезинфекция ишларини амалга ошириш учун ёпилади. “Қизил” ва “сариқ” ҳудудларда соат 07:00 дан 23:00 га қадар жамоат жойларида уч кишидан ортиқ тўпланиш ҳамда 23:00 дан 07:00 га қадар кўчаларда, кўп қаватли уйлар ва ҳовлилар олдида бўлиш тақиқланди. “Қизил” ва “сариқ” ҳудудларда ҳафтанинг шанба ва якшанба кунларида жамоат транспорти ҳаракати камайтирилди.

Қирғизистон

Қирғизистонда сўнгги кунларда коронавирус юқтириб олиш ҳолати кескин кўпайган. Энди мамлакат коронавирус қурбонлари сони бўйича Тожикистонни ортда қолдириб, минтақада иккинчи ўринга кўтарилган.

Касалланганларнинг умумий сони 7377 нафарни ташкил этмоқда. Шулардан 2802 нафари (37,9 фоизи) COVID-19ни енгган. Жами 88 та ўлим ҳолати кузатилган.

Касаллик кундан кунга авж олаётгани боис Бишкек мэрияси ҳозирда маълум сабабларга кўра ишламаётган тиббиёт ходимларидан кўмак беришни сўраган.  

Тожикистон

Тожикистонда минтақада энг охирида (30 апрель куни) коронавирус аниқланган эди. Сўнгги маълумотларга кўра, аниқланаётган кунлик ҳолатлар 50-55 тани ташкил этади. Қайд этиш жоизки, бу минтақадаги бошқа мамлакатларда касаллик авж олаётган вақтда бир неча бараварга камроқ.

Ўтган кун давомида 51 кишида коронавирус аниқланган бўлса, 47 киши дарддан фориғ бўлган.

Коронавирус билан касалланганларнинг умумий сони 6159 нафарга етган. Шулардан 4809 нафари (78,1 фоизи) тузалиб кетишга муваффақ бўлган. Қурбонлар сони эса 52 кишини ташкил этмоқда. Ҳафта давомида қурбонлар сони ўзгармаган.

Туркманистонда эса ҳозирга қадар коронавирус расман қайд этилмаган ва у минтақадаги инфекциядан холи мамлакат бўлиб турибди.

Бутун дунё бўйлаб 11 миллиондан зиёд киши коронавирус юқтириб олган. 6 миллиондан ортиқ киши шифо топган. Қурбонлар сони 530 мингдан ошган.

679
Теглар:
карантин, Туркманистон, Тожикистон, Қирғизистон, Қозоғистон, Ўзбекистон, Марказий Осиё, коронавирус
Двое задержаны при приготовлении наркотическо средства

Қабристон ёнида гиёҳванд моддасини тайёрлаган икки йигит қўлга тушди

255
Икки йигит Юқори Чирчиқ туманидаги қабристон ёнида наша ўсимлигига ўхшаш гиёҳвандлик моддасини қозонда қовураётган вақтда ушланди.

ТОШКЕНТ, 5 июл — Sputnik. Тошкент вилоятида гиёҳванд моддасини тайёрлаган икки йигит қўлга тушди.

ИИВ ҳузуридаги Тергов департаменти хабарига кўра, 27 июнь куни Юқори Чирчиқ тумани ИИБ ходимлари “Қора дори-2020” тадбирини ўтказган. Унда 22 ёшли Б.Ш. ва С.И.лар Юқори Чирчиқ тумани Балиқчи маҳалласидаги қабристон ёнида жойлашган дала майдонида наша ўсимлигига ўхшаш гиёҳвандлик моддасини қозонда қовураётгани аниқланган.

Судга оид кимёвий экспертизаси хулосасига кўра, олинган  модда гиёҳвандлик воситаси. У вазни 1506 грамм бўлган марихуана. 

Тергов ҳаракатлари давомида Б.Ш. ва С.И.лар ушбу  гиёҳвандлик воситасини ўзлари бир ҳафта давомида истеъмол қилишлари учун тайёрлаётганликлари аниқланган.

Жиноят кодексининг 276-моддаси 2-қисми “а” банди билан жиноят иши қўзғатилган.

Тергов ҳаракатлари олиб борилмоқда.

255
Теглар:
гиёҳванд моддалар, Тошкент вилояти