ТОШКЕНТ, 22 мар – Sputnik. Барак Обама Кубага бўлган ташрифи давомида ноқулай вазиятга тушиб қолди, РИА новости хабари асосида.
АҚШ ва Куба раҳбарлари ўтказган матбуот анжуманидан кейин Обама Кастронинг елкасига “акаларча” шапиллатмоқчи бўлди. Раул Кастро ўгирилмасдан туриб Обаманинг қўлини чаққонлик билан тутиб олди ва боши устида баланд кўтариб силкитди. Воқеа ўнлаб журналистлар ва камералар олдида содир бўлди.
Эслатиб ўтамиз, кеча Барак Обама Кубага расмий ташриф билан келган эди. Бу охирги 90 йил давомида АҚШ раҳбарларининг Кубага бўлган биринчи ташрифи. АҚШ президентининг сўзларига қараганда бу ташриф икки мамлакат орасидаги совуқ урушнинг буткул якунланганининг рамзидир.
