Рейхстаг устида ғалаба байроғи. Архив сурат

СССРнинг нацизм устидан қозонган ғалабасидан АҚШ ва Европаликларнинг хабари йўқ

1193
(Янгиланган 12:48 05.05.2016)
АҚШнинг аҳолисининг 79%, Франциянинг 58%, Германиянинг 50% аҳолиси нацизм устидан ғалабани АҚШ қозонган деб ҳисоблайди.

ТОШКЕНТ, 5 май, Sputnik матбуот хизмати. АҚШ ва Европа ҳудудида Sputnik.Мнения томонидан ўтказилган сўровда, аҳолининг фақат 15% Иккинчи Жаҳон урушида нацизм устидан қозонилган ғалабада асосий ролни СССР ўйнади деб жавоб берган. АҚШнинг аҳолисининг 79%, Франциянинг 58%, Германиянинг 50% аҳолиси нацизм устидан ғалабани АҚШ қозонган деб ҳисоблайди.  Буюк Британияда, аҳолининг 59 % нацизм устидан ғалабага айнан ўз мамлакати эришган деб ҳисоблайди. Британияликларнинг фақат 11% Иккинчи жаҳон урушида АҚШ, 15% эса СССР энг катта ҳисса қўшган деб ҳисоблайди.Маълумотлар Франциянинг Ifop ва Британиянинг Populus компанияси томонидан,  Sputnik ахборот агентлиги учун ўтказилди.

Иккинчи жаҳонурушида СССР роли
© Sputnik
Иккинчи жаҳонурушида СССР роли

Германияда, нацизм устидан ғалаба қозонган мамлакат айнан СССР эканлигини 24% аҳоли билади. Қизиғи шундаки, шарқий ва ғарбий Германия аҳолисининг фикри бир-биридан кескин фарқ қилади. Ғарбий Германияда аҳолининг 16% СССРни ғолиб деб ҳисоблайди, шарқий Германия (собиқ ГДР) ва Берлинда– 35%. СССРнинг нацизм устидан ғалабасини АҚШда фақат — 7%, Францияда – 12 % аҳоли билади.

Европаликларнинг СССР ҳақидаги фикри охирги 70 йил ичида кескин ўзгарган. Франциянинг кўп йиллардан бери фаолият юритаётган Ifop компанияси маълумотига кўра 1944 йилда Париж аҳолисининг 61% нацизм устидан эришилган ғалабада асосий ролни СССР ўйнаган деб ҳисоблар эди, 2004  йилга келиб бундайлар сони 20% га тушиб кетди.

Қизил Армия Европанинг 50%дар ортиқ ҳудудини фашизмдан озод қилди ва бошқа иттифоқчиларга қараганда бир неча баробар кўпроқ қурбон берди. Қизил Армия умумий ҳисобда 16 мамлакат ва 120 млн кишини озод қилди ва яна 6 мамлакатни озод қилишда иттифоқчилар билан биргаликда қатнашди.

Сўров АҚШ ва Буюк Британияда Populus компанияси томонидан 2016 йилнинг 15 апрелдан 21 апрелигача ўтказилган. Франция ва Германияда Ifop компанияси томонидан 2016 йилнинг 14-18 апрелида ўтказилди. Сўралганлар сони 3036 кишини ташкил қилди. Сўралганларнинг ёши, жинси, ва турар жойи ҳам аниқланган. Ҳар бир мамлакат доирасида хатолик эҳтимоли +/- 3 %ни ташкил қилади, ишончлилик эҳтимоли 95 %.

Sputnik.Мнения лойиҳаси ҳақида

Sputnik.Мнения  — жамоат фикрини ўрганишга қаратилган халқаро лойиҳа бўлиб, у ўз фаолиятини 2015 йилнинг январида бошлаган. Лойиҳа ҳамкорлари таниқли Populus, Ifop ва Forsa ишланишлар компанияларидир. Sputnik.Мнения доимий равишда Европа ва АҚШда энг долзарб ижтимоий ва сиёсий масалалар бўйича жамоат фикрини ўрганиш билан шуғуллананди.

Sputnik (sputniknews.com) – ўнлаб мамлакатларда мултимедиа ахборот хаблари бўлган радио ва ахборот агентлигидир. Sputnik 30дан ортиқ тилларда ахборотлар тарқатади, радио эшиттиришлар олиб боради ва ижтимоий тармоқларда фаолият юритади. Янгиликлар кеча-кундуз инглис, араб, испан ва хитой тилларида чиқиб туради.

Sputnik.Мнения нинг бошқа изланишлари билан қуйида танишинг.

1193
Мавзу:
9 май. Унутмаймиз, тоабад ёдимиздасиз! (10)

Курскда 17 ёшли қиз 30 нафар йигитни военкоматга олиб келди

733
(Янгиланган 13:20 23.10.2020)
Россия ҳарбийлари ёшларни ҳарбий хизматга жалб этишнинг антиқа услубини топишди. Илк тажрибада янги чора 100 % самарали эканини намойиш қилди.

ТОШКЕНТ, 23 окт — Sputnik. Россиянинг Курск шаҳрида 17 ёшли ўқувчи қиз 30 нафар йигитларни ҳарбий хизмат учун военкоматга олиб келишга ёрдам берди, деб хабар қилмоқда РИА Новости. 

Ўқувчи қиз уйма-уй юриб чақириқ ёшига етган йигитларга "повестка" топширишда ёрдам берган. Йигитлар эшик ортида турган қизни кўриб, иккиланмасдан эшикни очишганда уларнинг қўлига военкомат повесткаси тутқазилган.

"Мен ҳарбий хизматни ўтаб келган ёшларга ҳурмат билан қарайман. Буни шарафли мажбурият деб ҳисоблайман ва ушбу ишни амалга оширишда ёрдам бердим", - дейди у қиз боланинг ўзи.  

Хабарда айтилишига кўра, повестка олган йигитларнинг барчаси ўз вақтида ҳарбий муассасага етиб келган. 

Военкомат эса ушбу тажрибадан мамнун. Улар келажакда ҳам бундай амалиётдан фойдаланишлари мумкинлигини хабар қилишган. Ёрдамчи қизга эса - миннатдорлик қоғизи топширилган. 

733
Скелет древного животного

Ер тарихидаги энг даҳшатли фалокат тафсилотлари маълум бўлди

1003
(Янгиланган 14:43 22.10.2020)
Германия олимлари илк марта Ерда 252 миллион йил олдин содир бўлган глобал фалокат тафсилотларини тасвирлаб беришди.

ТОШКЕНТ, 22 окт — Sputnik. Германиядаги Океан тадқиқотлари маркази ва Гельгольц номидаги Геология фанларини ўрганиш маркази олимлари илк марта Ерда 252 миллион йил олдин содир бўлган глобал фалокат тафсилотларини тасвирлаб беришди. Бу ҳақда РИА Новости EurekaAlert’га асосан хабар қилди.

Ердаги фалокат натижасида денгиз ҳайвонларининг 95 фоизи ва қуруқликдаги ҳайвонларнинг 75 фоизи қирилиб кетган эди. Бунга ҳозирги Сибир ҳудудида Перм ва Триас даврлари чегарасида вулқон фаол ҳаракати сабаб бўлган деб тахмин қилинади, аммо бунга аниқ далиллар йўқ эди.

Тадқиқотда немис олимлари 252 миллион йил олдин Тетис океанининг шелф денгизлари тубидаги қазилма брахиоподларнинг қобиғидан фойдаландилар. Қобиқдаги бор элементининг изотопларини ўлчаш орқали улар турларнинг оммавий қирилиб кетишидан олдин ва кейин денгиз сувининг pH кўрсаткичларининг ўзгаришини аниқлашга муваффақ бўлишди. pH даражасига атмосферадаги карбонат ангидрид миқдори таъсир қилганлиги сабабли, ушбу маълумотни ҳам қайта тикланди.

Маълум бўлишича, магманинг кўламдор оқими жуда кўп миқдорда парник газини чиқарди. Унинг атмосферада тўпланиши бир неча минг йилларга чўзилиб, океаннинг кучли исиши ва кислоталилигини келтириб чиқарди. Бу денгиз калсификация қилувчи организмларнинг йўқ бўлиб кетишига олиб келди.

Парник эффекти қуруқликдаги ҳарорат ва кимёвий об-ҳавонинг ошишига олиб келди. Кўп миқдордаги озуқа моддалари океанга тушди, уларни ортиқча уруғлантирди ва кислородсиз ўлик зоналар ҳудуди кенгайди. Бир вақтнинг ўзида бир нечта омилларнинг таъсири ҳайвонларнинг турли гуруҳларини йўқ қилди.

Гидрат метаннинг эриши - фалокатнинг яна бир сабаби сифатида эҳтимолдан йироқ эди.

Тадқиқот гуруҳи раҳбари Хана Юрикова тушунтиришича, қадимги вулқон отилишини антропоген углерод чиқиши билан таққослаш керак эмас: барча қазиб олинадиган ёқилғилар ёқилиши атмосферада CO2нинг Перм ва Триас даврлари чегарасида бўлгани каби кўпайишига олиб келмайди.

"Шу билан бирга, ҳозирги кунда парник газининг тўпланиш суръати Ер тарихидаги энг катта биологик фалокат пайтида кузатилган кўрсаткичдан 14 баравар юқори эканлиги хавотирга сабаб бўлмоқда", - деб қўшимча қилди олим.

1003

Ўзбекистон энергетика соҳасига энг илғор тажрибалар жорий этилади - Алишер Султонов

153
Ўзбекистон энергетика соҳаси уч босқичда ислоҳ этилади. Соҳада рақамли технологияларни кенг жорий этиш, инсон капиталига ва "яшил" энергия ишлаб чиқаришга қаратилган чора-тадбирлар ҳам белгилаб олинмоқда, дея қайд этди Энергетика вазири Алишер Султонов

ТОШКЕНТ, 23 окт - Sputnik. Ўзбекистон энергетика секторида энг яхши, замонавий ва илғор тажрибаларни жорий этиш режалаштирилмоқда. Бу ҳақда мамлакат энергетика секторини янада ислоҳ қилишга бағишланган давра суҳбати давомида Энергетика вазири Алишер Султонов маълум қилди, деб хабар бермоқда Sputnik Ўзбекистон мухбири.

Султоновнинг айтишича, Ўзбекистон энергетика секторида муаммоларни аниқлаш ва ислоҳотларни режалаштириш жараёнида Халқаро молия институтлари экспертлари ва обрўли халқаро консалтинг ташкилотлари салмоқли ҳисса қўшиб келмоқдалар.

Хусусан, жорий йил бошидан Жаҳон банки, Осиё тараққиёт банки, Европа тикланиш ва тараққиёт банкининг бевосита кўмаги остида, халқаро экспертлар ва маслаҳатчилар ёрдами билан бизнес юритишнинг халқаро амалиётини жорий этган ҳолда электр энергияси ва нефть-газ тармоқларини янада ислоҳ қилиш бўйича тавсиялар, ва бу тавсияларни амалиётга жорий этиш бўйича аниқ ишлар режаси тайёрланган.

"Белгилаб олинган ислоҳотлардан пировард мақсадимиз - электр энергияси ва табиий газни истеъмолчиларга кафолатли етказиб бериш, энергетика сектори корхоналарининг иқтисодий барқарорлигини ва рақобатбардошлигини таъминлаш, альтернатив ёқилғи турларига ўтишни жорий этиш, электр энергияси ва табиий газ ишлаб чиқаришда ва истеъмолида энергия тежамкорлигини таъминлашдан иборат", - деди Алишер Султонов.

Вазир таъкидига кўра, белгилаб олинган ишларнинг ҳуқуқий асосини таъминлаш мақсадида, биринчи навбатда, норматив-ҳуқуқий ислоҳотлар, корхоналар молиявий барқарорлигини таъминлаш учун бир қатор молиявий ислоҳотлар, нархларнинг эркин шаклланишини ва истеъмолчилар ҳуқуқларини ҳимоя қилишни таъминловчи бозор ислоҳотлари, тармоқ корхоналарини бошқаришда бутунлай янги тизимни назарда тутувчи институционал ва бошқарув ислоҳотлари, давлат улуши юқори бўлган корхоналарда, энг аввало, ташкилот манфаатини назарда тутувчи қарорларнинг қабул қилиниши таъминловчи корпоратив ташкилий ва бошқарув ислоҳотлари амалга оширилиши назарда тутилмоқда.

Шу билан бир қаторда, соҳада рақамли технологияларни кенг жорий этиш, инсон капиталига ва «яшил» энергия ишлаб чиқаришга қаратилган чора-тадбирлар ҳам белгилаб олинмоқда.

 

153