Шимолий Корея етакчиси Ким Чен Ин. Архив сурат

ОАВ: 8 ёшга тўлган Ким Чен Инга таъзим қилган генераллар ҳозир ҳам унинг ёнида

1248
(Янгиланган 15:47 28.05.2016)
Шимолий Корея етакчиси Ким Чен Иннинг холаси Шимолий Кореядаги ҳаёти ҳақида илк маротаба The Washington Post нашрига интервью берди.

ТОШКЕНТ, 28 май — Sputnik. Шимолий Корея етакчиси Ким Чен Иннинг 1998 йилдан бери АҚШда яшовчи холаси ва ниҳоят узоқ йиллардан сўнг журналистларга интервью берди, деб хабар қилмоқда РИА Новости нашри.

Ко Ен Сук — Шимолий Корея етакчисининг холаси. Бугунги кунда 60 ёшни қарши олган Ен Сук 1998 йилда турмуш ўртоғи — Ли Ган ҳамда уч нафар фарзанди билан Шимолий Кореяни тарк этган ва нашр хабарига кўра, "ЦРУ"нинг узун қўлларига тушган. Ко Ен Сук турмуш ўртоғи хусусий тадбиркорликни йўлга қўйган, фарзандларнинг ҳаммаси олий маълумотли. Аммо Шимолий Кореяни тарк этганига 18 йил бўлган бўлса-да, бу оила Америка Марказий разведка бошқармаси учун "қимматли маълумотлар манбаи"лигича қолмоқда.

Ко Ен Сукнинг тасдиқлашича, Ким Чен Ин ростдан ҳам 1984 йилда туғилган. Чунки унинг ўғли ҳам шу йил туғилган бўлиб, улар болаликда бирга ўйнашган.

"Биз яхши бир уйда яшардик, оиламиз бинойидек эди. Мен Ким Чен Ин ва унинг акаси Ким Чен Чхолюга худди онасидек эдим. Ким Чен Инга дўстларини уйга бошлаб келишни ва меҳмон қилишни тавсия этардим. Уни яхши ҳаётда яшашини истардим. Улар ширинликлар ер ва “Лего” ўйнашарди», — деб иқтибос келтиради Ко Ен Сук интервьюсидан нашр.

Аёлнинг қўшимча қилишича, у болалар билан бирга Париждаги Диснейлендга борган. Бундан ташқари, Шимолий Корея етакчиси Альпларда чанғи учган, Франциянинг Ривьерасида дам олган, итальян ресторанларида овқатланган. Ким Чен Ин ёшлигида техникага жуда қизиққан ва ҳамиша "нима учун кемалар сузади, самолётлар учади" деган саволга жавоб олишга уринган. Бундан ташқари мактабда таҳсил олган вақтларида баскетбол ўйига кўнгил қўйган ва кейинчалик афсонавий Майкл Жорданга мухлислик қилган. Ёз ойларини Ким Чен Ин она шаҳрида ўтказган, деб ёзилади мақолада.

КНДР запустила ракеты малой дальности
© REUTERS / KCNA
КНДР запустила ракеты малой дальности

"Ким Чен Ин безори эмасди, аммо у жуда қизиққон эди, унга сабр етишмасди. Онаси унинг ўйинга ҳаддан берилиб, ўқишга етарли вақт ажратмаётганини айтиб, койиган вақтларида, у гап қайтармасди, балки бошқача усуллар билан ўз норозилигини билдирар эди, мисол учун  очлик эълон қиларди", — дея хотирлайди Ко Ен Сук.

Аёлнинг таъбирига қараганда, Ким Чен Инни "ёшлигидан шундай тарбиялашганки, у бир кун келиб ҳукмдорга айланишини билган", деб таъкидланади нашрда. Шимолий Кореянинг бўлғуси раҳбари саккиз ёшга тўлганида, унинг туғилган кунига олий қўмондонлик бошқаруви вакиллари келишган. Ким Чен Инга "ҳақиқий генераллар унга генерал формасини совға қилишган ва таъзим бажо келтиришган, ўша вақтлардан буён ўша генераллар Ким Чен Инга содиқ", деб ёзади нашр Ко Ен Сукнинг ҳикоясига асосланган ҳолда.

1248

Пандемия шароитида мигрантлар орасида жиноятчилик кўпаймади

116
(Янгиланган 18:03 25.05.2020)
Москва ИИБ статистик маълумотларига кўра, пандемия вақтида хорижий фуқаролар иштирокида содир этилган жиноятлар сони кўпаймади, аксинча камаймоқда.

ТОШКЕНТ, 25 май - Sputnik. Москвада пандемия пайтида мигрантлар орасида жиноий вазият ёмонлашгани йўқ, деди РИА Новости-га берган интервьюсида пойтахт ҳокимининг иқтисодий сиёсат ва мулк-ер муносабатлари бўйича ўринбосари Владимир Ефимов.

"Биз ШИИБ берган статистикани диққат билан кузатмоқдамиз ва чет эл фуқаролари иштирокидаги жиноятлар сони камайганини кўряпмиз", - деди у.

Ефимовнинг сўзларига кўра, ҳукумат шунингдек, РФ қурилиш компаниялари билан барча ишчиларни пандемияда пайтида зарур шарт-шароитлар билан таъминлашга келишиб олди.

"Биз ушбу келишувнинг амалга оширилишини диққат билан кузатмоқдамиз. Агар уй-жой коммунал ҳужалигини олсак, у мартда ҳам, апрел ойида ҳам ишлади ва ҳозир ҳам ҳеч қандай чекловларсиз ишлашда давом этмоқда", - деди ҳоким ўринбосари.

Шунингдек, у бугунги кунда Москвада мигрантлар учун амалда 430 мингга яқин патент мавжудлигини таъкидлади.

Аввалроқ, уларнинг муддати автоматик равишда 3 ойга узайтирилган эди, аммо ҳозирда Россия пойтахтида янги патентлар ҳеч кимга берилмаяпти, илгари берилган патентлар учун тўловлар эса вақтинча тўхтатилди.

Эслатиб ўтамиз, аввалроқ Россия Федерацияси Хавфсизлик кенгаши котиби ўринбосари Александр Гребенкин ҳам бутун Россия бўйича пандемияда мигрантлар орасида жиноятчилик ўсиши кузатилмаганини таъкидлаган эди.

Бироқ, у мигрантларга жиноий ҳаракатларга аралашиб қолишига ва чеклов чоралари тугагандан сўнг ташриф буюрувчиларга Россия ҳудудида ноқонуний ҳолатда қолиб кетишига йўл қўймаслик муҳимлигини таъкидлади.

116
Аллигатор Сатурн

Москвада “Гитлер” тимсоҳи вафот этди

277
(Янгиланган 16:27 25.05.2020)
Москва ҳайвонот боғида аллигатор Сатурн вафот этди, унинг ёши 84 да эди. У Москвага 1946 йилда олиб келинганди.

ТОШКЕНТ, 25 май — Sputnik. Москва ҳайвонот боғида аллигатор Сатурн вафот этди, унинг ёши 84 да эди, афсонага кўра, у Адольф Гитлер коллекциясида бўлган. Бу ҳақда муассасанинг Facebook’даги саҳифасида хабар берилди.

"Кеча эрталаб Миссисипи аллигаторимиз Сатурн вафот этди. У 84 ёшда эди. Ёввойи табиатда ушбу тур вакилларининг умр кўриш давомийлиги 30-50 ёшни ташкил этади. Сатурн узоқ ва воқеаларга бой ҳаёт кечирди. У 1936 йилда АҚШда туғилди. Деярли дарҳол у Берлин ҳайвонот боғига олиб кетилди,  1943 йил 23 ноябрда бўлган бомбардимон қилингандан кейин у ердан қочиб кетди", - дейилади хабарда.

Материалда ёзилишича, инглиз аскарлари тимсоҳни 1946 йилда топиб олишди ва Совет Иттифоқига бериб юборишган.

"1946 йил июл ойида Сатурн Москвага олиб келинди. Дарҳол у Берлиндаги ҳайвонот боғида эмас, балки Гитлер коллекциясида бўлганлиги ҳақидаги афсона пайдо бўлди. Аммо у назарий жиҳатдан кимгадир тегишли бўлса ҳам, ҳайвонларнинг - уруш ва сиёсатга алоқаси йўқ, уларни инсон гуноҳларида айблаш бемаънилик", - дейилади хабарда.

Сатурн Москва ҳайвонот боғида 74 йил яшади. Тимсоҳнинг жасади Дарвин музейида сақланади.

277

АҚШ яна бир муҳим шартномадан чиқмоқда - бу дунёга қандай хавф солади

0
(Янгиланган 22:28 25.05.2020)
АҚШ 1987 йилда имзоланган очиқ осмон шартномасидан чиқишини маълум қилди. Бу ҳақда президент Дональд Трамп эълон қилди.

Москвада Вашингтон бу айбловларни рад этди ва Россия томони ўз навбатида шартномадан чиқиб кетиш нияти йўқлигини билдирди.

Видеомизда Дональд Трамп халқаро хавфсизлик соҳасидаги яна бир муҳим келишувни қандай қилиб ўлдиргани ҳақида маълумот берамиз.

0