Трамп: Brexit мен ва Путин учун кони фойда

© REUTERS / Lucy NicholsonМиллиардер Дональд Трамп
Миллиардер Дональд Трамп - Sputnik Ўзбекистон
Oбуна бўлиш
АҚШ президентлигига номзод Дональд Трамп Британияда бўлиб ўтган референдум унинг ўзи ва Россия президенти учун қанчалик аҳамиятли эканлиги ҳақида гапирди.

ТОШКЕНТ, 24 июн — Sputnik. Дональд Трамп Европа Иттифоқига аъзоликдан чиқиш борасида Британияда ўтказилган референдум унинг ўзи ва Россия президенти Владимир Путин учун қай даражада аҳамият касб этиши ҳақида гапирди, деб хабар қилмоқда РИА Новости ахборот агентлиги.

Жумладан, RT телеканалига берган интервьюсида миллиардер қуйидагича таъкидлаган: "Мен ва Путиннинг “Брексит”дан энг кўп фойда олишига келсак, нима десам экан… Путин жаноблари “Брексит”дан наф кўриши мумкин, гарчи унчалик кўп бўлмаса ҳам. Ахир у киши ЕИга гина сақлаган”, — деб таъкидлаган Трамп.

Америкалик миллиардернинг фикрича, Владимир Путин, шунингдек, АҚШ президентини ҳам “унчалик ёқтирмайди” ва бу борада у ёлғиз эмас.

Британия Бош вазири Дэвид Кэмерон - Sputnik Ўзбекистон
Британияда ўтган референдумдан сўнг Кэмерон истеъфо берди
"Мен ҳақимда эса у киши анча илиқ фикрлар билдирган. Воқеа қандай ривож топишини вақт кўрсатади. Шахсан мен ҳаммаси яхши бўлади деб ўйлайман”, — қўшимча қилган Трамп.

Эслатиб ўтамиз, пайшанба куни Буюк Британияда мамлакатнинг ЕИдан чиқиши бўйича референдум ўтказилган эди. “Брексит” тарафдорлари ғалаба қозонди: Европа Иттифоқидан чиқиш учун мамлакатнинг 51,8 фоиз аҳолиси овоз берди.

 

Янгиликлар лентаси
0