Россия Президенти Владимир Путин (чапда) ва Росреестр раҳбари Игорь Васильев. Архив сурат

Россияда оммавий кадрлар ўзгариши: Путин нима сабабдан 14 раҳбарни лавозимидан бўшатди?

835
(Янгиланган 10:20 30.07.2016)
28 июл куни Россия Федерацияси сўнгги йилларда энг йирик кадрлар алмашишини бошдан кечирди. Россия президенти Владимир Путин мамлакатда энг юқори лавозимларни эгаллаб турган 14 амалдорни истеъфога чиқарди.

ТОШКЕНТ, 29 июл — Sputnik. Куни кеча Россия Федерацияси раҳбари Владимир Владимирович Путин Федерал Божхона хизмати раҳбарини истеъфога чиқарди, шунингдек федерал округлардаги ўзининг 3 мухтор вакили ва 4 губернаторни алмаштирди. Бундан ташқари у Қрим яримороли ва Жанубий федерал округни бирлаштириб, Украинадаги Россия элчиси Михаил Зурабовни ўз вазифасидан озод қилди.

Кремл расмийлари оммавий кадрлар алмашинувини "одатий ротация", деб атаётган бўлсаларда, экспертлар бундай турбулентлик нима билан боғлиқ бўлиши мумкинлиги ҳақида ўз фикрларини билдирдилар.

Дипломатия

Сенатор Владимир Жабаровнинг фикрича, Россиянинг Украинадаги элчиси Михаил Зурабов "энг қийин вақтларда" бу лавозимни эгалаган. "Менинг билишимча, Зурабовнинг ўзи президентдан анчадан бери истеъфога чиқаришини илтимос қилиб келаётган эди", деб хабар қилган сенатор РИА Новости ахборот агентлигига.

Ҳозирда Россиянинг Украинадаги вақтинчалик элчиси этиб Сергей Топоров тайинланди.

Куч ишлатиш органлари

Сиёсий ахборот маркази бош директори Алексей Мухиннинг сўзларига кўра эса, Путиннинг кадрлар бобидаги сиёсати ана шундай оммавий ротацияларни назарда тутади. Эксперт бу каби ўзгаришлар биринчи маротаба рўй бермаганини эслатиб ўтди — ярим йил муқаддам кадрлар қисқариши Ички ишлар вазирлиги ходимларига нисбатан ҳам қўлланилган эди. "Бу ерда нима дейиш мумкин, табиийки, айрим қарорлар анча олдин қабул қилинган, айримлари эса яқинда", — деди эксперт.

Мухиннинг фикрича, ротациядан сўнг куч ишлатиш ходимларининг позицияси бирмунча кучайган. (Путин олиб ташланган раҳбарлар ўрнига собиқ махсус хизмат ходимларини тайинлаган, таҳр.)

"Аммо мен бу ўзгаришлар маълум бир муассасанинг кучайтирилиши учун амалга оширилган, деб айтмаган бўлар эдим. Сир эмаски, 2000-йиллар бошидан Владимир Путин ҳукумат органларидаги лавозимларга махсус хизмат вакилларини фаол тарзда жалб қилиб келмоқда. Унинг бундай қилишига сабаб — куч органлари ходимларида коррупцияга нисбатан иммунитет мавжуд. Масалан, агар инқирозни нейтраллаштириш учун хизмат қиладиган қарор қабул қилиш талаб этилганда, куч органлари ходимлари оддий фуқаролардан кўра бу вазифани яхшироқ бажарадилар", — дея таъкидлади Мухин.

Губернаторлар

Россия президенти Владимир Путин унга билдирилган ишончни оқламагани учун ҳозирда ҳибсда бўлган Киров вилояти губернатори Никита Белихни лавозимидан озод қилди. Губернатор 400 минг евро пора олганликда айбланмоқда.

Киров вилоятининг вақтинчалик губернатор лавозимини бажарувчиси этиб бунга қадар Росреестрни бошқарган Игорь Васильев тайинланган.

Киров вилоятининг собиқ губернатори адвокати сўзларига қараганда, Белих президент қарорини тушунишини, аммо худди аввалгидек ўзининг айбсизлигида қатъий туриши ва поймол қилинган обрў-эътиборини тиклаши учун охиригача курашишини маълум қилган.

Ярослаб вилояти губернатори Сергей Ястребовнинг ҳам ваколатлари муддатидан олдин тугатилди. Вақтинчалик губернатор этиб ушбу вилоятга Ички ишлар вазирлиги вазир ўринбосари Дмитрий Миронов тайинланди.

Федерал округлар

Қрим федерал округи расман бекор қилиниб, Жанубий федерал округ билан бирлаштирилди. Бирлаштирилган округга мухтор вакил этиб Владимир Устинов тайинланди.

Сенатор Сергей Цековнинг сўзларига кўра, Қрим федерал округи ўтиш даври учун ташкил қилинган. "Ўтган 2,5 йил Қрим ва Жанубий федерал округда бир хил характерга эга муаммолар мавжудлигини кўрсатди, шу боис турли бюрократик структураларни кўпайтиришдан наф ҳам, хоҳиш ҳам йўқ", — дея фикр билдирди сенатор.

835
Прохожие на одной из улиц в Москве

Олимлар нега одамлар "ўликларни эшитишлари"ни тушунтириб беришди

313
Буюк Британияда спиритизмга қизиқиш тобора ортиб бормоқда. Бу диний-фалсафий доктрина бўлиб, унга асосан, одамларнинг жони ўзга оламда яшашда давом этади ва вақти-вақти билан медиумлар ёки экстрасенслар ёрдамида тирик одамлар билан боғланади

ТОШКЕНТ, 19 янв — Sputnik. Британиялик олимлар тадқиқот ўтказиб, у асосда нега айрим одамлар "ўликларни эшитиш қобилиятига эга бўлишлари"ни тушунтириб бердилар. Тадқиқот натижалари Wellcome Trust журналида эълон қилинган.

Маълумки, руҳлар мавжудлиги илм-фан томонидан исботланмаган. Аммо, жуда кўпчилик, улар билан ўлган одамлар гаплашишлари ҳақида айтиб келадилар.

Буюк Британияда спиритизмга қизиқиш тобора ортиб бормоқда. Бу диний-фалсафий доктрина бўлиб, унга асосан, одамларнинг жони ўзга оламда яшашда давом этади ва вақти-вақти билан медиумлар ёки экстрасенслар ёрдамида тирик одамлар билан боғланади.

Бундай амалиётга ўргатадиган спиритуалистлар миллий уюшмасига 11 мингга яқин одам аъзо. Уларга спиритизмдан дарс берилади ва амалиётчи медиумлар хизматларини таклиф қиладилар.

Тадқиқотлар давомида олимлар Спиритуалистлар миллий уюшмасининг руҳларни эшитувчи 65 вакили ва ўлганлар билан суҳбат қилмайдиган 143 киши билан савол-жавоб қилганлар.

Маълум бўлишича, иштирокчиларнинг 44,6%и ҳар куни ўлганлар овозини эшитаркан, 33,8%и - фақатгина охирги кунларда эшитган. Медиумларнинг аксарияти (79%и) руҳлар билан мулоқот улар кундалик ҳаётининг бир қисми эканлигини маълум қилганлар. 65% дан ортиғи овозлар уларнинг мияларида янграшини, 31,7%и эса - овозлар ҳам мияда ҳам ташқи оламда янграшини айтганлар.

Шу тариқа, олимлар, медиумлар овоз галлюцинацияларига ва ўз ички оламига ғарқ бўлишга қодирлигини аниқлаганлар

313

Жириновский ўзининг Украина президенти этиб сайланиш имкониятига баҳо берди

332
(Янгиланган 18:43 19.01.2021)
Россия Либерал-демократик партияси етакчиси Украина сайловларида иштирок этганда, мамлакат президенти бўлган бўлиши мумкинлигини айтди.

ТОШКЕНТ, 19 янв — Sputnik. Россия Либерал-демократик партияси (ЛДПР) етакчиси Владимир Жириновский Украина сайловларида иштирок этганда, мамлакат президенти этиб сайлана олган бўларди деб ҳисоблайди.

“Албатта. Менга ҳам руслар, ҳам украинлар овоз берган бўларди”, - деди сиёсатчи “Россия 1” телеканали эфирида тегишли саволга жавоб бераётиб.

Жириновский Украина ва унинг иқтисодиёти қандай барбод бўлаётганини кўриш барчанинг жонига текканини таъкидлади.

“Бутун дунё бизнинг ва бошқаларнинг вакциналари учун навбатда турди. Фақатгина Украинада вакцина йўқ. Кулгили, ёнида Россия, уларга таклиф қилишмоқда – олинг, ҳатто бепул, лекин жавоб йўқ”, - деди у.

Шунингдек, ЛДПР етакчиси Украинада рус тили билан боғлиқ вазиятга баҳо берди. Украина ҳукумати “русларни зўрлаб украинча гапиртиришга уриниб”, ундан фойдаланишни тақиқламоқда.

332
Теглар:
Украина, Жириновский
Президент Узбекистана Шавкат Мирзиёев озвучил послание Олий Мажлису

Мирзиёев: янги Ўзбекистонни барпо этиш устунларидан бири - кучли маънавиятдир

94
Президент раҳбарлигидаги йиғилишда Республика Маънавият ва маърифат маркази ишини танқидий ўрганиб чиқиб, фаолиятини тубдан такомиллаштириш зарурлиги айтилди.

ТОШКЕНТ, 19 янв - Sputnik. Ўзбекистон президенти Шавкат Мирзиёев раислигида 19 январь куни маънавий-маърифий ишлар тизимини тубдан такомиллаштириш, бу борада давлат ва жамоат ташкилотларининг ҳамкорлигини кучайтириш масалалари бўйича видеоселектор йиғилиши ўтказилди.

"Агар жамият ҳаётининг танаси иқтисодиёт бўлса, унинг жони ва руҳи маънавиятдир, – деди Шавкат Мирзиёев йиғилишда. – Биз янги Ўзбекистонни барпо этишга қарор қилган эканмиз, иккита мустаҳкам устунга таянамиз. Биринчиси – бозор тамойилларига асосланган кучли иқтисодиёт. Иккинчиси – аждодларимизнинг бой мероси ва миллий қадриятларга асосланган кучли маънавият. Биз яратаётган янги Ўзбекистоннинг мафкураси эзгулик, одамийлик, гуманизм ғояси бўлади. Биз мафкура деганда, аввало, фикр тарбиясини, миллий ва умуминсоний қадриятлар тарбиясини тушунамиз. Улар халқимизнинг неча минг йиллик ҳаётий тушунча ва қадриятларига асосланган", – деди Мирзиёев.

Маълумки, бугун дунёда кескин кураш ва рақобат ҳукм сурмоқда, манфаатлар тўқнашуви кучаймоқда. Глобаллашув жараёнлари инсоният учун беқиёс янги имкониятлар билан бирга кутилмаган муаммоларни ҳам келтириб чиқармоқда. Миллий ўзлик ва маънавий қадриятларга қарши таҳдид ва хатарлар тобора ортмоқда. Фақат ўзини ўйлаш, меҳнатга, оилага енгил қараш, истеъмолчилик кайфияти турли йўллар билан одамлар, айниқса, ёшлар онгига устамонлик билан сингдириляпти.

Терроризм, экстремизм, трансмиллий ва кибер-жиноятчилик, одам савдоси, наркотрафик каби таҳдидлар хавфи ошиб бормоқда. Баъзи ҳудудларда атайин беқарорлик юзага келтирилиб, норозилик кайфияти авж олдирилмоқда.

Бундай таҳликали вазиятда ҳушёр ва огоҳ бўлиб, халқ тинчлиги, мамлакат манфаатларини ўйлаб яшаш зарур.

Давлат раҳбари лоқайдлик ва бепарволик энг катта хавф эканини, бугун учраётган ижтимоий муаммоларни камайтириш учун нуронийлар тарбияси, жамоатчилик назорати етишмаётганини таъкидлади.

Йиғилишда қайд этилганидек, ижтимоий-маънавий муҳитни илмий асосда таҳлил қилишни даврнинг ўзи талаб этмоқда. Жамиятда маънавий-маърифий ишлар шундай асосда йўлга қўйилмагани учун ҳам кутилган натижани бермаяпти.

Шунинг учун Республика Маънавият ва маърифат маркази ишини танқидий ўрганиб чиқиб, фаолиятини тубдан такомиллаштириш зарурлиги айтилди.

Президент ушбу марказнинг "Маънавият тарғиботчиси" ўқув муассасаси негизида Ижтимоий-маънавий тадқиқотлар институтини ташкил этиш таклифини билдирди.

Йиғилишда маънавий-маърифий ишларни сифат ва мазмун жиҳатидан янги босқичга кўтариш чора-тадбирлари белгиланди.

 

94