ОАВ: НАТО ва ЕИ Россия ва Туркия дўстлашувидан ҳавотирга тушиб қолди

© Sputnik / Сергей Гунеев / Медиабанкка ўтишРоссия ва Туркия президентлари В. Путин ва Р. Эрдўғоннинг Санкт-Петербургда ўтказилган учрашувидан сурат
Россия ва Туркия президентлари В. Путин ва Р. Эрдўғоннинг Санкт-Петербургда ўтказилган учрашувидан сурат - Sputnik Ўзбекистон
Oбуна бўлиш
9 август куни Санкт-Петербургда бўлиб ўтган Владимир Путин ва Тойиб Эрдўғон учрашувини Ғарб етакчилари диққат билан кузатдилар. Ва, табиийки, бу борада ўз мулоҳазаларини билдиришни орқага суриб ўтирмадилар.

ТОШКЕНТ, 10 авг — Sputnik. Москва ва Анқара ўртасидаги муносабатлар мустаҳкамланишидан Путин эмас, Эрдўғон кўпроқ наф кўрса-да, Россия ва Туркия яқинлашувини Европа Иттифоқи ва НАТО учун ўзига хос чақириқ, дея ҳисоблаш лозим, деб ёзади чоршанба куни Британиянинг Telegraph нашри, Санкт-Петербургда ўтказилган икки давлат етакчилари музокараларига шарҳ берар экан. РИА Новости хабари асосида.

Россия президенти В. Путин ва Туркия раҳбари Т. Эрдўғоннинг Санкт-Петербург шаҳрида учрашуви - Sputnik Ўзбекистон
"Турк оқими", чартерлар ва Сурия: Путин ва Эрдўғон учрашувининг асл моҳияти
Эслатиб ўтамиз, сешанба куни Россия президенти Владимир Путин ва Туркия раҳбари Тойиб Эрдўғон икки давлат муносабатларида юз берган инқироздан сўнг илк маротаба юз кўришдилар. Учрашув давомида Путин ва Эрдўғон барча йўналишлар бўйича ҳамкорликни тиклашга тайёр эканликларини билдиришди, жумладан, савдо-иқтисодий соҳаларда ҳамкорликни жонлантиришга ва Сурия бўйича компромисслар асосида иш юритишга келишиб олдилар.

"Россия ва Туркиянинг дипломатик яқинлашуви туфайли ЕИ ва НАТО ўзига хос чақириқ олдида турибди", — деб ёзади Telegraph.

Нашрда ёзилишича, Эрдўғон, Туркияда исён юз бермасидан олдин "Москва билан совуқ уруш ҳолати ортиқ давом этмаслиги лозим, деган қарорга келган ва Кремл билан ярашиш йўлларини излаган". 

"Амалга ошмай қолган давлат тўнтариши эса, чамаси, ишни янада осонлаштирди", — деб ёзади нашр.

"Бизнинг наздимизда, ЕИдан Эрдўғоннинг кўнгли қолган, ташкилотнинг бирор бир аъзоси амалга ошмай қолган исёндан сўнг Анқарага ташриф буюрмади. Туркия президенти эса ҳозирда чор атрофдан ўзига иттифоқдош қидирмоқда. Россия ва Туркия муносабатларининг илиқлашуви эса сиёсий томондан Сурия учун қанчалик аҳамиятли бўлса, НАТО учун ҳам шу қадар муҳимдир", — деб ёзади Telegraph.

Янгиликлар лентаси
0