Фидел Кастро. Архив сурат

Команданте шундай деган: Фидел Кастронинг энг ёрқин иборалари

796
(Янгиланган 12:14 26.11.2016)
Куба инқилобининг тарихий етакчиси, XX асрнинг энг ёрқин сиёсатчиларидан бири - Фидел Кастро бугун 90 ёшни қаршилади.

ТОШКЕНТ, 13 авг — Sputnik. Куба республикаси бугун инқилоб етакчиси Фидел Кастронинг 90 ёшга тўлганини кенг нишонламоқда, деб хабар қилади РИА Новости.

Бу машҳур серсоқол шахс давлат ишларидан четлашиб, бошқарувни кенжа укаси Раулга топширганига ҳам бир неча йил бўлди. Фидел шахсига қандай муносабат билдирилишидан қатъий назар, у жаҳон тарихининг ажралмас қисми бўлиб қолади.

Жаноб Президент, менга 10$ юборинг!

Куба инқилоби тарихий етакчисининг тўлиқ исми — Фидел Алехандро Кастро Рус. Фидел 14 ёшлигида Америка президенти Франклин Делано Рузвельтга мактуб ёзган. У хатда Оқ уй раҳбарини иккинчи бор президент бўлиб сайлангани билан табриклаб, Рузвельтдан унга 10 долларлик банкнота юборишни илтимос қилган.

"Мен ҳеч қачон 10 долларни кўрмаганман, аммо шундай пулга эга бўлишни жуда ҳам хоҳлайман", — деб ёзган йигитча. АҚШ маъмурияти Фиделга жавоб мактубини йўллагани ҳақида маълумот бор, аммо хат ичида 10 доллар бўлганми-йўқми, бизга номаълум.

Серсоқол

Фидел Кастронинг ташқи кўринишидаги энг характерли хусусияти — албатта, соқол. Шу боис кубалик инқилобчиларни "барбудос", яъни серсоқоллар, дея аташган. Кастро инқилоб тўлиқ ғалаба қозонсагина соқолини олишга сўз берган. "Агар бир кун соқолингизни олмасангиз, 15 дақиқа тежаган бўласиз, бир йилда шу тариқа 10 кунни тежаш мумкин. Сиз бу вақтни иш, мутолаа, спорт, умуман истаган нарсангизга сарфлашингиз мумкин. Бундан ташқари, писка, совун ва иссиқ сув ҳам тежалади!", — деган бу борада Кастронинг ўзи.

Хрушчёв ва Кастро Мавзолей минбарида. Архив сурат
© Sputnik / Юрий Абрамочкин
Никита Хрушчёв ва Фидел Кастро Мавзолей минбарида

 

Дарвоқе, Марказий разведка бошқармаси (ЦРУ) ходимлари Кастрони таллий тузлари ёрдамида соқолидан маҳрум қилишни режалаштирганлар.

Суиқасдлар

Фидел Кастрога қарши жуда кўп маротаба суиқасд уюштирилган. Баъзи маълумотларга кўра, уларнинг сони 600дан зиёд бўлган. Ёвуз ниятлилар Озодлик ороли етакчисини заҳарланган тамаки маҳсулотлари, бейсбол коптоги ичига яширинган бомбалар, ручка-шприц ва ҳоказолар ёрдамида йўқ қилишга уринганлар.

Мен кетяпман

2006 йил июл ойи охирида Фидел Кастро соғлиғи туфайли ўзининг энг асосий позициялардаги мажбуриятларини укаси Раул Кастрога топширган. 2008 йилнинг 24 февралида давлат бошқарувидаги барча ваколатлардан воз кечган, 2011 йилнинг 24 февралида эса ҳукмрон партия раҳбарлиги лавозимидан кетган.

"Ҳаракат ва тўлиқ фидокорликни талаб этадиган масъулиятни ўз зиммамга оладиган бўлсам, виждонимга хиёнат қилган бўламан — сабаби, айни вақтда жисмоний сабабларга кўра, иккисидан ҳам маҳрум бўлганман, — Кастро ўзининг кетиш ҳақидаги қарорини шу тарзда тушунтирган эди. — Мен бу гапларни ортиқча тангликсиз айтяпман… Сизлар билан видолашганим йўқ. Мен энди мафкуравий аскар сифатида курашмоқчиман. "Ўртоқ Фиделнинг мулоҳазалари"ни ёзишда давом этаман. Бу таяниш мумкин бўлган яна бир қурол бўлади. Менинг овозим албатта, эшитилади"…

Фидел Кастро 1963 йилда Собиқ Иттифоққа ташрифи давомида Ўзбекистонни ҳам зиёрат қилган. Архив сурат
© Sputnik / Василий Малышев
Фидел Кастро 1963 йилда Собиқ Иттифоққа ташрифи давомида Ўзбекистонни ҳам зиёрат қилган

Қуйида Фидел Кастро томонидан айтилган энг ёрқин ибораларни келтириб ўтамиз.

Ўзи ҳақида

"Менга ҳукм ўқинг! Бунинг аҳамияти йўқ! Тарих мени оқлайди!"

"Агар суиқасдлардан сўнг омон қолиш қобилияти олимпия ўйинларидан ўрин олганида, мен бу борада олтин медални қўлга киритган бўлар эдим".

Кураш ҳақида

"Ватан сизга ғурур билан боқсин! Шонли ўлимдан қўрқманг. Ватан учун жон таслим қилмоқ — яшаш демакдир!

"Ғалаба — бу қатъият!"

"Бошқалар учун кураша олмаган шахс, ҳеч қачон ўзи учун кураша олмайди".

Ҳозирги замон ҳақида

"Дунё ҳозир бошқача бир даврга кирди, ва ундан қандай чиқиб олишини кузатмоқ керак".

Фидел Кастро. Архив сурат
© Sputnik / Владимир Родионов
Куба Коммунистик партияси биринчи Бош котиби, Куба Республикаси Давлат йиғини раиси ва вазирлар маҳкамаси раиси Фидел Кастро Рус
796

"Йиғлатаман": Чак Норрис Лукашенкога пўписали видеомурожаат ёзди

173
Америкалик артист қисқа видео ёзган ва унда "Саша ноль фоиз" ва "Жаноб Таракан" сифатида машҳур аллақандай Сашага мурожаат қилган.

ТОШКЕНТ, 15 авг - Sputnik. Дунёга машҳур актёр Чак Норрис Беларус президенти Александр Лукашенконикига ташриф уюштирмоқчи. Жангари фильмлар юлдузи урушга шай, у сиёсатчини йиғлашга мажбур этмоқчи, деб хабар қилади NEWS.ru.

Америкалик артист қисқа видео ёзган ва унда "Саша ноль фоиз" ва "Жаноб Таракан" сифатида машҳур аллақандай Сашага мурожаат қилган.

"Биласанми, пиёз тўғраганимда, мен йиғламайман. Пиёз йиғлайди. Шу учун, агар ҳозир қилаётган ишларингни тўхтатмасанг, у ҳолда қароргоҳларингнинг бирига бораманда, сени йиғлашга мажбур этаман", - деган Норрис.

Жангари фильмлар юлдузи бошқа ҳеч қандай аниқлик киритмаган. Айтган жумлаларини ҳам ойдинлаштирмаган. Норриснинг расмий аккаунтларида ушбу видеоролик йўқ. Ролик биринчи бўлиб Беларус мухолифати билан боғлиқ бўлган ижтимоий тармоқларда тарқатила бошланган.

Беларусьдаги норозилик акциялари, 9 август президент сайловларида амалдаги давлат раҳбари Александр Лукашенко ғолиб бўлганидан кейин бошланган эди. МСК маълумотларига кўра, у 80,1% овоз олган. Якшанба кунидан буён Минск ва республиканинг бошқа шаҳарларида санкцияланмаган оммавий норозилик намойишлари давом этмоқда, аммо куч тузилмалари намойишларни куч билан бостирмоқда. Норозилик акциялари иштирокчиларини тарқатиш учун ҳуқуқни муҳофаза қилиш идоралари кўз ёш келтирувчи газ, шовқин гранатаси, резина ўқлардан фойдаланмоқда. Расмий маълумотларга кўра, митинглар давомида 6,5 мингдан ортиқ одам ҳибсга олинган.

Беларусь ИИВ тартибсизликлар давомида юзлаб одамлар жабрлангани ҳақида маълум қилган. Бир нафар одам ҳалок бўлган, ИИВ маълумотларига кўра, у милиция ходимларига қўлбола портловчи қурилмани отишга уринаётиб, ҳалок бўлган.

173
“Талибан” снова наступает: в Афганистане произошла серия терактов

Толиблар Тожикистон чегараси яқинида ҳужум уюштирди

791
Толибларнинг Тожикистон чегараси яқинида Афғонистон армияси кучларига қуролли ҳужуми муваффақиятсизлик билан якун топди.

ТОШКЕНТ, 15 авг — Sputnik. Тожикистон билан чегарада афғон ҳарбийлари толиблар ҳужумини қайтарди, деб хабар қилди Sputnik Тожикистонга афғон миллий армиясининг 217-"Помир" корпуси матбуот-котиби.

Террорчилар 14 август куни 6.30да Бадахшон провинциясининг Куф-Аб уезди ҳудудида армия ва полиция кучларига ҳужум уюштирган.

Афғонистон ҳарбийлари ҳаракатлари натижасида 10 нафар жангари ўлдирилган, 6 нафари жароҳатланган, 4 нафари асир олинган.

Жангарилардан 1 та гранатомет, 1та Калашников автомати ва бошқа қуроллар олиб қўйилган.

Муваффақиятсиз ишғолдан сўнг, толиблар чекинган. Афғонистон армияси томонидан бўлган йўқотишлар ва/жароҳатланганлар ҳақида маълумотларга аниқлик киритилмаган.

791