Дональд Трамп ўғли Баррон ва рафиқаси Меланья билан, архив сурат

Штайнмайер: АҚШдаги сайлов натижаларини ҳурмат қилиш лозим

245
(Янгиланган 16:30 09.11.2016)
Штайнмайер АҚШдаги сайлов натижалари Германия халқи кутганидек бўлмаганини тан олди

ТОШКЕНТ, 9 ноя — Sputnik. АҚШдаги сайлов якуни Германия халқи кутган натижадан тубдан фарқ қилса-да, аммо бу якунни ҳурмат қилмоқ керак, дея баёнот қилди Берлинда Германия Федератив Республикаси ТИВ раҳбари Франк-Вальтер Штайнмайер. РИА Новости хабари асосида.

"Америка ўз танловини амалга оширди, ва сайлов натижаси таъсирини, шу жумладан биз учун ҳам, паст баҳолаб бўлмайди. Германия халқи бошқача натижани кутган эди, аммо нима бўлган тақдирда ҳам Америка халқини ва унинг танловини ҳурмат қилмоғимиз лозим", — деди вазир.

Эслатиб ўтамиз, 8 ноябр куни АҚШда бўлиб ўтган президентлик сайловлари натижаларига кўра, республикачи Дональд Трамп ғалаба қозонди. Демократлар партиясидан президентликка номзод Хиллари Клинтон Трампга қўнғироқ қилиб сайловларда мағлубиятга юз тутганини тан олди.

Штайнмайер, шунингдек, АҚШдаги сайловолди кампанияси халқаро муносабатларга "тез битмайдиган, чуқур жароҳат етказганини" қўшимча қилди. "Бу жароҳатлар битиши осон кечмайди, шуни айтишим мумкин", — деди Штайнмайер ҳамда сайловолди кампанияси давомида унинг олиб борилиши юзасидан бир неча бор "чалғигани"ни қўшимча қилди.

245

Лукашенко Россия ва Украина бош прокурорларини таклиф қилиш ҳақида топшириқ берди

34
(Янгиланган 14:52 06.08.2020)
Беларусь президенти Александр Лукашенко Россия ва Украина бош прокурорларини таклиф қилиш ҳақида топшириқ берди.

ТОШКЕНТ, 6 авг — Sputnik. Беларусь президенти Александр Лукашенко Минск яқинида россияликлар қўлга олиниши ҳолати юзасидан мамлакатга Россия ва Украина бош прокурорларини таклиф қилиш тўғрисида топшириқ берди.

Куни кеча Лукашенко Украина президенти Владимир Зеленский билан бу ҳолатни телефон орқали муҳокама қилди. Киев қўлга олинганларни Украина жануби-шарқидаги ҳарбий ҳаракатларда иштирок этганликда гумон қилмоқда.

Беларусда россияликларни қўлга олиниши

Беларусь ҳукумати 29 июлда 33 нафар россиялик қўлга олинганини маълум қилди. Минск уларни хусусий ҳарбий компаниянинг  “жангарилари” деб ҳисобламоқда. Россияликлар Беларусда сайлов олдидан оммавий тартибсизликларни ташкиллаштиришга тайёргарлик кўришда гумон қилинмоқда.

Россия Ташқи ишлар вазирлиги Беларусь томонининг россияликлар ҳибсга олиш ҳолатини нотўғри талқин қилиши ҳеч қандай танқидга бардош бермаслигини таъкидлаб, кераксиз салбий ҳис-туйғулар кескинлигини оширишни тўхтатишга чақирди.

Бундан аввал Россия президенти матбуот котиби Дмитрий Песков Минскда қўлга олинганлар “катта эҳтимол билан” хусусий хавфсизлик компаниясининг ходимлари эканлиги, Минскда транзит тартибида бўлиб, рейсга кеч қолганликларини айтганди.

Песковнинг сўзларига кўра, Кремлда улар қонунга зид иш қилишгани ҳақида ҳеч қандай маълум йўқ. Унинг таъкидлашича, Россия Беларуснинг ички ишларига ҳеч қачон аралашмаган ва аралашмаяпти.

34
Водопад. Иллюстративное фото

Хитойда кучли тўфон шаршарани тескари оқишга мажбур қилди - видео

99
(Янгиланган 14:10 06.08.2020)
"Хагупит" тўфони 190 метр баландликдаги Линфэн тоғ шаршарасини тескари йўналишда оқишга мажбур қилди.

ТОШКЕНТ, 6 авг — Sputnik. "Хагупит" тўфони 190 метр баландликдаги Линфэн тоғ шаршарасини тескари йўналишда оқишга сабаб бўлди. Бу ҳақда Daily Mail хабар қилди.

Видеода кучли шамол шаршара сувини учириб юбориши акс этган. Кучли “Хагупит” тўфони Хитойнинг Чжэцзян провинциясига ёпирилиб келди.

Шамол тезлиги соатига 136 километргача етди, айрим шарқий соҳилбўйи туманларида 4 метр баландликдаги тўлқинлар қайд этилди. 380 мингдан ортиқ киши хавфсиз жойларга эвакуация қилинди.

Поезд ҳаракати тўхтатилди, баъзи автомагистраль йўллари ёпилди, кўпгина уйлар электр энергиясиз қолди.

99