Қозоғистон президенти Нурсултон Назарбоев, архив сурат

Назарбоев Трампга Россия билан ҳамкорликни чуқурлаштиришни таклиф қилди

240
Қозоғистон президенти Нурсултон Назарбоев 30 ноябрь куни АҚШнинг янги сайланган президенти - Дональд Трамп билан бўлиб ўтган телефон суҳбати чоғида "Россия-Америка ҳамкорлигини чуқурлаштириш мумкин бўлган" учта асосий соҳаларни белгилаб берди

ТОШКЕНТ, 1 дек — Sputnik. АҚШнинг янги сайланган президенти Дональд Трамп чоршанба куни Қозоғистон президенти Нурсултон Назарбоев билан телефон суҳбатини ўтказган.

РИА Новости хабарига кўра, Нурсултон Назарбоев телефон суҳбати давомида Трампни "тарихий ғалабаси билан" билан табриклаган. Трамп эса ўз навбатида Назарбоевни Қозоғистон Мустақиллигининг 25 йиллиги билан табриклаган ва тез орада учрашиш истаги борлигини билдирган.

Трамп ва Назарбоев "минтақавий ҳамкорлик муносабатларини мустаҳкамлаш нақадар муҳим"лиги юзасидан ҳам муҳокама ўтказдилар, деб ёзади нашр. Спутник Қозоғистон хабарига кўра, бўлиб ўтган суҳбат чоғида "Трамп Қозоғистон Нурсултон Назарбоев бошқаруви остида мустақиллик йилларида фантастик муваффақиятларга эришган". "Бу муваффақиятларни мўъжиза деб аташ мумкин", деб қўшимча қилган Трамп.

Назарбоев суҳбат давомида республика ўз ядровий арсеналидан ихтиёрий равишда воз кечганлиги ва халқаро ҳамжамият билан ядросиз дунё учун курашни давом эттиришга тайёрлигини билдирган.

Трамп Назарбоевнинг ушбу позициясига тўлиқ қўшилишини айтган.

"Ядровий қуролсизлантириш ва тарқатмасликдан муҳим масала йўқ. Уни глобал контекстда ҳал этиш лозим", — деб таъкидлаган АҚШнинг янги сайланган президенти.

Нурсултон Назарбоев шунингдек, АҚШнинг янги сайланган президентига "Россия-Америка ҳамкорлигини чуқурлаштириш мумкин бўлган" учта асосий соҳаларни таклиф қилган.

Назарбоев фикрига кўра, АҚШ Россия билан "терроризмга қарши кураш, Украинадаги инқирозни тартибга солиш ва глобал ядровий хавфсизликни мустаҳкамлаш" соҳаларида ҳамкорликни йўлга қўйиши мумкин.

Ўз навбатида, Трамп "Россия президенти Владимир Путин билан телефон суҳбати якунларини ҳисобга олган ҳолда, Вашингтон ва Москва ўртасидаги ҳамкорликни ривожлантириш истиқболларига катта умид билан қараётганини" айтган.

Томонлар шунингдек, савдо-иқтисодий, шу жумладан дўстона Қозоғистон ва Америка муносабатларини янги даражага кўтаришга тайёрликларини билдирганлар.

240
Теглар:
мустақилликнинг 25 йиллиги, савдо, ядросиз дунё, ҳамкорлик, америка, томонлар, телефон суҳбати, ядровий дастур, сиёсат, учрашув, учрашув, Путин, Навоз Шариф, Дональд Трамп, Назарбоев, Ўзбекистон, Покистон, АҚШ, Америка, Қозоғистон

Россия яна бир давлат билан авиа-қатновларни тиклади

341
23 ноябрдан бошлаб Венесуэла Россия билан авиа қатновларни қайта тиклайди – деб хабар қилди Венесуэла фуқаролик авиацияси хизмати.

ТОШКЕНТ, 23 ноя — Sputnik. 23 ноябрь куни Венесуэла Россия билан авиа қатновларни қайта тиклайди, деб хабар қилди Лотин Америкаси давлатининг фуқаролик авиацияси хизмати.

"Фуқаро авиацияси хизмати ... 23 ноябрдан бошлаб Россия ва Боливиядан тижорат рейслари очилиши тўғрисида хабар беради", - дейилган хабарда.

Ушбу 2та йўналиш Мексика, Доминикан Республикаси, Эрон, Туркия ва Панамага очиладиган рейсларга қўшилади.

Бир неча кун олдин Венесуэла президенти Николас Мадуро яқинда Венесуэла ва Россия ўртасида тўғридан-тўғри рейслар очилишини эълон қилганди.

Венесуэладаги Conviasa авиакомпаниясининг веб-сайтида Москва йўналиши чипталарни сотувга қўйилди.

341

Билл Гейтс янги пандемия хавфи ҳақида огоҳлантирди

230
Microsoft асосчиси Билл Гейтс дунё янги пандемияга дуч келиши мумкин деб айтди. Microsoft асосчиси таъкидлашича, кейинги сафар одамлар вирусларга қарши туришга яхшироқ тайёргарлик кўрган бўлади.

ТОШКЕНТ, 23 ноя — Sputnik. Microsoft асосчиси Билл Гейтс дунё янги пандемияга дуч келиши мумкин деб айтди. РИА Новости хабарига асосан.

© Sputnik / Константин Михальчевский

Актриса Рашида Жонс ва АҚШ бош инфекционисти Энтони Фаучи иштирокидаги подкастда миллиардерга “ҳақиқатан ҳам дунё янги эпидемияни кутмоқдами?” деган савол берилди.

"Ҳа. Агар у йигирма йилдан сўнг юз берса, омадимиз келган бўлади", - деб жавоб берди у.

Гейтснинг таъкидлашича, муайян шароитларда бу аввалроқ - уч йил ичида юз бериши мумкин.

Шу билан бирга, Microsoft асосчиси таъкидлашича, кейинги сафар одамлар вирусларга қарши туришга яхшироқ тайёргарлик кўрган бўлади. Унинг сўзларига кўра, бу вақтга келиб инсоният карантинга кириш алгоритмларини ишлаб чиққан бўлади. Гейтс шунингдек, потенциал инфекцияни ташувчиларни тестдан ўтказиш тизимиларининг яхшиланишига умид билдирди.

Аввалроқ, Гейтс қишда COVID-19 билан вазият ёмонлашишини тахмин қилганди. У совуқ мавсумда одамлар уйда кўпроқ вақт ўтказишини, эҳтиёт чораларини кўришдан чарчаганини ва вирус фаолроқ тарқалишини таъкидлади. Унинг фикрига кўра, вакциналар ишлаб чиқариш кўпайганидан сўнг вазият яхшиланади.

3-тўлқин

БССТ махсус вакили Девид Набарро коронавируснинг учинчи тўлқини хавфи ҳақида огоҳлантирганди, унинг фикрига қараганда, Европа келаси йил бошида унга дуч келиши мумкин.

Европа давлатлари иккинчи тўлқиннинг олдини ололмади, гарчи улар биринчисини жиловлашга муваффақ бўлганди.

“Агар улар ҳозирда зарур инфратузилмани қурмасалар, келгуси йил бошида учинчи тўлқин бўлади", - деган сўзларини келтирган Badener Tagblatt.

230
Теглар:
карантин, Билл, коронавирус
Мавзу:
COVID-19 умумжаҳон пандемияси
Милиция

Хоразмда аёл кишини ечинтириб, видеога олганларнинг шахси аниқланди

887
Хоразм шевасида сўзлаётган бир гуруҳ аёллар томонидан бошқа бир аёл кишини қизлик иффати йўқлигини рўкач қилиб ечинтириб уяли телефони орқали олган видеотасвир тарқалди.

ТОШКЕНТ, 23 ноя — Sputnik. Хоразмда аёл кишини ечинтириб, видеога олганларга нисбатан жиноят иши қўзғатилди, деб хабар қилди вилоят ИИБ ахборот хизмати.

Хабарда айтилишича, 22 ноябрь куни ижтимоий тармоқларда Хоразм шевасида сўзлаётган бир гуруҳ аёллар томонидан бошқа бир аёл кишини қизлик иффати йўқлигини рўкач қилиб ечинтириб уяли телефони орқали олган видеотасвир тарқалди.

Ушбу видеолавҳадаги ҳолат қачон, қаерда содир бўлганлиги ва жараён иштирокчиларининг шахсига аниқлик киритиш мақсадида Хоразм вилояти ИИБ масъул ходимлари томонидан терговолди текширув ҳаракатлари олиб борилди.

Олиб борилган суруштирув жараёнида мазкур ҳолат жорий йил 7 октябрь куни Урганч шаҳрида содир бўлганлиги маълум бўлди.

Жараён иштирокчиларининг шахси тўлиқ аниқланган бўлиб, тергов манфаатлари ва жабрланувчининг шахсий ҳаёт дахлсизлигини таъминлаш мақсадида иштирокчиларнинг исм-шарифлари ошкор этилмайди.

Мазкур ҳолат юзасидан ички ишлар органлари томонидан жиноят иши қўзғатилиб, тергов ҳаракатлари олиб борилмоқда.

887