Қозоғистон президенти Нурсултон Назарбоев, архив сурат

Назарбоев президентлик ва замонавий бувилар ҳақида ҳазил гап қилди

540
(Янгиланган 12:43 01.12.2016)
Қозоғистонда 1 декабр Биринчи Президент куни сифатида байрам қилинади. Бу байрам Нурсултон Назарбоевнинг ўз мамлакати олдидаги хизматларини эътироф этиш учун таъсис қилинган

ТОШКЕНТ, 1 дек — Sputnik. Қозоғистон президенти байрамни ёш қозоғистонликлар даврасида биринчи республика форумида нишонламоқда, деб хабар қилган Спутник Ўзбекистон.

Ёшлар Республика форумида Қозоғистон президенти замонавий бувилар ҳақида ҳазил гап қилди, деб ёзади нашр.

"Менга ҳозирги ёшлар ўзгарган деб айтишса, мен "бувилар ҳам аввалгидекмас", дея жавоб қайтараман. Пайпоқ тўқишмайди, сомса ёпишмайди, аммо интернетда ўтиришади. Бу, албатта, ҳазил. Ҳозирги ёшларимиз замонавий дунёга ва замон талабларига жавоб берадиган ёшлардир", — деб айтди Назарбоев.

Нурсултон Назарбоев ёшларни олдинга интилишга ундайдиган сабаблар ҳақида ҳам тўхталиб ўтган.

"Ота-оналар: сен албатта "фалондақа" бўлишинг керак, сен президент бўлишинг керак, дея уқдириб келишади фарзандларига. Мен қарши эмасман. Президент бўлсин, майлига. Аммо бу гаплар боланинг миясига ўрнашиб қолади. Бу амалга ошмаса, бола "синади". Бахтли бўлиш учун президент бўлиш шарт эмас", — дея таъкидлаган Назарбоев.

Қозоғистон президенти ёшларни илмга чанқоқ ва маърифатли бўлишга чақирган. "Пулингиздан, кошонангиздан маҳрум бўлишингиз мумкин, аммо сиз эга бўлган билимни миянгиздан ҳеч ким тортиб ололмайди. Ҳаётда албатта ўз ўрнингизни топасиз, билимли бўлсангиз", — дея ўз нутқига якун ясаган Назарбоев.

540
Теглар:
ҳаёт мазмуни, бола, президент, Қозоғистон, форум, латифа, Нурсултон Назабоев, Қозоғистон, Ўзбекистон

Космосдан ҳужум: Апофис астероиди Ерга қулаши мумкинми?

456
Бугунги кунда Апофис астероиди 8 йил ичида энг яқин масофага Ерга яқинлашади. Бу олимларга унинг орбита параметрларини аниқлаштиришга, унинг нимадан иборатлигини тушунишга имкон беради.

ТОШКЕНТ, 5 мар — Sputnik. Бугунги кунда Апофис астероиди 8 йил ичида энг яқин масофага Ерга яқинлашади. Бу олимларга унинг орбита параметрларини аниқлаштиришга, унинг нимадан иборатлигини тушунишга имкон беради. Бундай маълумотлар 2029 ва 2068 йилларда Ер билан тўқнашув эҳтимолини рад этиш ёки тасдиқлаш учун зарур. Апофиснинг сайёрага қулаши ҳалокатли оқибатларга олиб келиши мумкин. РИА Новости хабарига асосан.

2004 йилда Сонора чўлида (Аризона, АҚШ) жойлашган Китт-Пик миллий расадхонаси ходимлари Ерга нисбатан яқин бўлган номаълум астероидни аниқлашди. Ёмон об-ҳаво ва техник муаммолар астероидни яхшилаб кўриб чиқишни қийинлаштирди. Бироқ, бу самовий жисмнинг диаметри тахминан 400 метр эканлигини маълум бўлди.

Бир неча ойдан сўнг, Сайдинг-Спринг расадхонаси (Австралия) мутахассислари астериодни ўрганиб чиқди. Улар америкалик ҳамкасбларининг маълумотларини тасдиқлади ва орбита параметрларини аниқлади.

Декабрда, маълумотларни таҳлил қилгандан сўнг, NASA Ерга яқин объектларни ўрганиш маркази мутахассислари ҳисоблаб чиқдилар: Ер билан тўқнашув эҳтимоли тахминан 2 фоизни ташкил қилади ва табиий офатнинг тахмин қилинган санаси 2029 йил 13 апрел. 2004 MN4 астероиди (кейинчалик қадимги Миср зулмат ва ёвузлик худоси шарафига Апофис деб номланди) - астрономик объектга Турин шкаласи бўйича 4 балла берилган.

Кузатувлар туфайли олимлар деярли ҳар ҳафта потенциал хавфли объектларни аниқлайди. Уларнинг орбиталари сайёра орбитасини кесиб ўтади ва шунинг учун тўқнашув эҳтимоли жуда кичик. Апофис кашф этилганидан бери 20 мингга яқин бундай осмон жисмлари - астероидлар ва кометалар аниқланди. Бироқ, Апофис ҳануз энг жиддий таҳдидлардан бири ҳисобланади.

456
Теглар:
NASA (АҚШ аэронавтика ва космикни ўрганиш миллий идораси), Россия, АҚШ, Астероид, Қуёш, Ой, космос

Европа Иттифоқи “Спутник V” вакцинаси экспертизасини бошлади

410
Европада Россиянинг коронавирусга қарши “Спутник V” вакцинасининг экспертизаси бошланди. Ҳозирча ЕИнинг икки мамлакати EMA маъқуллашини кутиб ўтирмасдан вакцинани рўйхатдан ўтказган.

ТОШКЕНТ, 4 мар — Sputnik. Европа дори воситалари агентлиги (ЕМА) Россиянинг коронавирусга қарши “Спутник V” вакцинасининг рўйхатга олинган ҳужжатларининг экспертизасини бошлади. Бу ҳақда Россия тўғридан-тўғри инвестициялар жамғармаси хабар қилди.

Қарор катталарда ўтказилган лаборатория ва клиник тадқиқотлар натижаларини инобатга олган ҳолда қабул қилинган.

“EMA “Спутник V” вакцинасининг ЕИ томонидан ўрнатилган самарадорлик, хавфсизлик ва сифат бўйича стандартларга мос келишини баҳолайди”, - дейилган хабарда.

“Спутник V” дунёда фойдаланишга рухсат берилган коронавирусга қарши дунё вакциналарининг етакчи учлигига киради. Вакцинани рўйхатдан ўтказган 42 та мамлакатнинг жами аҳолиси 1,1 миллиарддан зиёдни ташкил этади. ЕИнинг икки мамлакати EMA маъқуллашини кутиб ўтирмасдан уни рўйхатдан ўтказди. Венгрия ва Словакия ҳукумати шундай қарор қабул қилди. Февраль охирида Чехия президенти Милош Земан ҳам мамлакатга “Спутник V”ни етказиб беришни сўраганди.

410
Теглар:
Европа дори воситалари агентлиги (ЕМА), вакцина, Спутник V, Россия тўғридан-тўғри инвестициялар жамғармаси, Европа Иттифоқи

Европада COVID-19 учинчи тўлқини юз бериши мумкинми видео

0
Европа яна чекловлар киритмоқда: коронавирус учинчи тўлқини яқинлашмоқда. Нега унинг олдини олишга муваффақ бўлинмади? Жавоб Sputnik ролигида.

Греция Соғлиқни сақлаш вазирлиги раҳбари "қизил" зоналарни "тўқ қизил" зоналар, деб номлади, бир вақтнинг ўзида Латвия ССВ раҳбари "ташвиш тугмасини босиш" вақти келганини айтди.

Нега европа вакциналари қутқармаяпти? AstraZeneca қандай қилиб испания мактаблари ва ёнғин хавфсизлиги хизматлари фаолиятини ишдан чиқарди? Ва нима учун Россия препаратлари бехато ишламоқда? Шу ва бошқа саволларга жавоблар - бизнинг видеомизда.

0