Хитой полициячилари ўлим жазосига ҳукм қилинган маҳбус билан

Хитойда 21 йил олдин қатл қилинган эркак айбсиз деб топилди

1488
(Янгиланган 12:46 02.12.2016)
1994 йилда ҳибсга олинган ва 1995 йилда қатл қилинган Не Шубинь 21 ёшда бўлган

ТОШКЕНТ, 2 дек — Sputnik. Хитойда суд 21 йил олдин аёл кишини зўрлаш ва қасддан ўлдиришда айбланган ва қатл қилинган эркакни айбсиз деб топди, дея хабар қилмоқда РИА Новости Синьхуа агентлигига таянган ҳолда.

Не Шубинь 1995 йилда қатл қилинган. Ўша вақтда у 21 ёшда бўлган.

Йигит 1994 йилда ҳибсга олинган. Не Шубинь Шицзячжуана шаҳри(Хэбей провинцияси)да яшовчи аёлни маккажўхори даласида зўрлашда ва қасддан ўлдиришда айбланган. 1995 йилнинг май ойида йигит суд томонидан ўлим жазосига маҳкум этилган.

Айбланувчи суд ҳукмидан норози бўлиб, шикоят аризасини ёзган, аммо суд қарори ўз кучида қолдирилган ва ҳукм ижро этилган.

Орадан ўн йил ўтгач, яъни 2005-йилнинг 18 январида Хитойда жиноий кирдикорлари билан донг таратган зўравон ва маньяк Ван Шуцзинь Шицзячжуана шаҳридаги қотилликни ҳам шахсан ўзи амалга оширганини тан олган. Суд зўравонни ўлим жазосига маҳкум этган, аммо Ван Шуцзинь апелляцияга берган. Айни вақтда суд ҳукмни қайта кўриб чиқмоқда.

Айтиб ўтиш жоизки, Хитойда бу каби воқеа илк маротаба рўй бераётгани йўқ. 2015-йилнинг феврал ойида Ички Монголия автоном тумани суди маньяк Чжао Чжихунни қатл қилган. Айтиш жоизки, Чжихун амалга оширган қотилликлар учун 1996 йилда бегуноҳ 18 яшар йигит ўлим жазосига ҳукм қилинган ва ушбу хато 2014-йилда тўғриланган, яъни ҳукумат суд ҳукми янглиш амалга оширилганини тан олган. Ўшанда ҳукумат судда иштирок этган ёш йигитнинг ота-онасидан узр сўраб, уларга 330 минг доллар бадал пули тўлаган.

1488
Теглар:
аппеляция, суд, қотиллик, зўрлаш, Хитой, қатл қилинган, қатл, Хитой

Европа Иттифоқи “Спутник V” вакцинаси экспертизасини бошлади

367
Европада Россиянинг коронавирусга қарши “Спутник V” вакцинасининг экспертизаси бошланди. Ҳозирча ЕИнинг икки мамлакати EMA маъқуллашини кутиб ўтирмасдан вакцинани рўйхатдан ўтказган.

ТОШКЕНТ, 4 мар — Sputnik. Европа дори воситалари агентлиги (ЕМА) Россиянинг коронавирусга қарши “Спутник V” вакцинасининг рўйхатга олинган ҳужжатларининг экспертизасини бошлади. Бу ҳақда Россия тўғридан-тўғри инвестициялар жамғармаси хабар қилди.

Қарор катталарда ўтказилган лаборатория ва клиник тадқиқотлар натижаларини инобатга олган ҳолда қабул қилинган.

“EMA “Спутник V” вакцинасининг ЕИ томонидан ўрнатилган самарадорлик, хавфсизлик ва сифат бўйича стандартларга мос келишини баҳолайди”, - дейилган хабарда.

“Спутник V” дунёда фойдаланишга рухсат берилган коронавирусга қарши дунё вакциналарининг етакчи учлигига киради. Вакцинани рўйхатдан ўтказган 42 та мамлакатнинг жами аҳолиси 1,1 миллиарддан зиёдни ташкил этади. ЕИнинг икки мамлакати EMA маъқуллашини кутиб ўтирмасдан уни рўйхатдан ўтказди. Венгрия ва Словакия ҳукумати шундай қарор қабул қилди. Февраль охирида Чехия президенти Милош Земан ҳам мамлакатга “Спутник V”ни етказиб беришни сўраганди.

367
Теглар:
Европа дори воситалари агентлиги (ЕМА), вакцина, Спутник V, Россия тўғридан-тўғри инвестициялар жамғармаси, Европа Иттифоқи
Архипелаг Земля Франца-Иосифа

Хитой Арктика туфайли Россия ва НАТО ўртасида уруш бўлишини башорат қилди

825
(Янгиланган 17:54 04.03.2021)
Хитой таҳлилчиларига кўра, НАТО Арктикада Россия учун ёқимсиз сюрприз тайёрламоқда. Стратегик аҳамиятга эга бўлган архипелаг - Шпинцбергендан Россия сиқиб чиқарилиши мумкин.

ТОШКЕНТ, 4 мар — Sputnik. НАТО Арктикада Россия учун ёқимсиз сюрприз тайёрламоқда, деб тахмин қилмоқда хитойлик таҳлилчилар. Бу ҳақда Sohu нашри хабари қилди.

Экспертларга кўра, катта стратегик аҳамиятга эга бўлган архипелаг - Шпинцбергендан Россия сиқиб чиқарилиши мумкин. Маълумки, минтақа устидан суверенитет Норвегияга тегишли, аммо Россия Федерацияси унда иқтисодий фаолият олиб бориши мумкин.

Халқаро келишувга кўра, Шпицберген ва қирғоқ бўйи сувлари демилитаризация қилинган ҳудуд ҳисобланади. Архипелаг шимолий кенгликларда жойлашган кўплаб транспорт йўналишларини назорат қилади.

Хитойлик таҳлилчилари таъкидлашича, Шпицберген нафақат катта нефт ва газ захиралари, балки балиқ ресурсларидан фойдаланиш имкониятини очади.

Sohu нашрига кўра, Россия архипелагда фаолият олиб бориш ҳуқуқидан маҳрум бўлиши мумкин. Бунга НАТО доирасида Норвегия ва АҚШ ўртасидаги яқин ҳамкорлик ёрдам беради.

Аввалроқ Американинг стратегик бомбардимончилари Орланд авиабазасида (Норвегия) жойлаштирилди, деб таъкидлади экспертлар. Бу Осло Вашингтон билан биргаликда Москва билан геосиёсий қарама-қаршиликка қарор қилганидан далолат беради. Вужудга келган вазият туфайли Россия янги чақирувларга, шу жумладан Шпицберген учун курашга тайёр туриши керак. НАТО ва АҚШ бошчилигидаги Норвегиянинг бошқа шериклари Россия Федерациясини архипелагдан сиқиб чиқарилишидан манфаатдор. Бироқ, ҳарбий экспертларнинг фикрига кўра, Москва узоқ вақтдан бери бундай воқеа ривожига тайёр.

825
Теглар:
НАТО, Хитой, Россия, АҚШ
Министр здравоохранения Узбекистана Абдухаким Хаджибаев вручил руководителю Роспотребнадзора Анне Поповой нагрудный знак Мехр-саховат

Роспотребнадзор раҳбари "Меҳр-Саховат" кўкрак нишони билан тақдирланди

13
(Янгиланган 14:32 05.03.2021)
Ўзбекистон Соғлиқни сақлаш вазири Абдуҳаким Ҳожибоев Роспотребнадзор раҳбари Анна Поповага "Меҳр-Саховат" кўкрак нишонини топширди.

ТОШКЕНТ, 5 мар — Sputnik. Роспотребнадзор раҳбари Анна Попова "Меҳр-Саховат" кўкрак нишони билан тақдирланди, деб хабар қилди "Дунё" АА.

Ўзбекистон соғлиқни сақлаш вазири Абдуҳаким Ҳожибоев Анна Поповага кўкрак нишонини топширди. Тадбир сешанба куни Москвада бўлиб ўтди.

Анна Попова юксак мукофот учун Ўзбекистон президенти Шавкат Мирзиёевга самимий миннатдорлик билдирди.

COVID-19 пандемияси бошланганидан буён Роспотребнадзор Ўзбекистонга инфекцияни аниқловчи 140 мингта тест тўпламини тақдим этди, бу ССВ маълумотларига кўра, вирусни ўз вақтида аниқлаш ва тарқалишини олдини олишга имкон берди.

Шунингдек, Россиянинг етакчи мутахассислари ўзбек ҳамкасбларига услубий ва амалий ёрдам кўрсатиш учун республикага юборилганди.

Бундан ташқари, ушбу ташкилот “СПИД инфосвязь” ташкилоти ва UNAIDS билан ҳамкорликда мамлакатимизга бирламчи тиббий-профилактика, акушерлик, гинекологик, кардиологик ва урологик ёрдам кўрсатишга мўлжалланган кўчма диагностика мажмуаси ҳамда хавфли инфекцияларни (ОИТС, COVID-19 ва бошқалар) текшириш ва аниқлаш бўйича хизматларни тақдим этди.

13
Теглар:
Абдуҳаким Хаджибаев \\, соғлиқни сақлаш вазири, коронавирус, коронавирус пандемияси, Ўзбекистон, Россия
Мавзу:
COVID-19 умумжаҳон пандемияси