Одесса вилояти собиқ губернатори Михаил Саакашвили, архив сурат

Саакашвили Украинани қудратли давлатга айлантириш учун пул йиғишни бошлади

528
Одесса вилоятининг собиқ губернатори Михаил Саакашвили ўзи томонидан Украинада ташкил қилинган партияни ривожлантириш учун маблағ тўплашни бошлаганини эълон қилди

ТОШКЕНТ, 2 дек — Sputnik. Саакашвили "Украинани қудратли давлатга айлантириш учун" пул йиғишни бошлаганини эълон қилди, деб хабар бермоқда РИА Новости.

"Одесса вилоятининг собиқ губернатори, Грузия собиқ президенти Михаил Саакашвили ўзи томонидан Украинада ташкил қилинган партияни ривожлантириш учун маблағ тўплашни бошлаганини эълон қилди", — дейилади хабарда.

Илгарироқ Саакашвили ўз сафдошлари Украина регионларида "Янги кучлар ҳаракати" сиёсий партиясини ташкил қилиш бўйича иш бошлаётганлари ҳақида эълон қилган эди.

"Буни амалга оширишнинг иложи борлигига ишонамиз. Биз ишни ўзимиздан бошладик. Биз аввал бошданоқ давлат билан ҳалол муносабатларни ўрнатмоқчимиз ва "Янги кучлар ҳаракати"ни ривожлантириш учун маблағ тўплашни бошлаганимизни эълон қилмоқдамиз. Биз ўз олдимизга Украинани ўта қудратли давлатга айлантиришни мақсад қилиб қўйганмиз. Кимда ким бизга қўшилмоқчи бўлса — илова бўйича ўтинг ва бизларни қўллаб-қувватланг", — деб ёзган Саакашвили ўзининг Фейсбукдаги саҳифасида.

Эслатиб ўтамиз, Саакашвили ўз истеъфоси ҳақида жорий йилнинг 7 ноябрида эълон қилган эди.

Саакашвили ушбу қарорни Украина ҳукуматининг коррупцияга қарши курашишни истамаслиги туфайли қабул қилганини эълон қилган. Бундан ташқари, сиёсатчви Пётр Порошенкони регионда жиноий "клан"ларга "ҳомийлик" қилишда ҳам айблаган.

Орадан кўп ўтмай Украина президенти Саакашвилининг лавозимдан бўшатиш ҳақидаги қарорга имзо чекди. Собиқ губернатор Украина Радасига муддатдан олдинги сайловларни ташкил этиб, мамлакатда ўз сиёсий кучини ташкил қилиш ниятида эканлигини айтмоқда.

528
Теглар:
Одесса, губернатор, қудратли давлат, пул, партия, Порошенко, Михаил Саакашвили, Украина

COVID-19га тест-маълумотнома билан ЕОИИга киритишга рухсат бериш таклиф қилинди

102
(Янгиланган 15:33 03.03.2021)
Евроосиё иқтисодий комиссияси (ЕИК) ЕОИИга аъзо-давлатлари ҳудудига COVID-19 га IgG антитаначалар борлиги ҳақидаги маълумотнома билан фуқароларни киритишга рухсат беришни таклиф қилди.

ТОШКЕНТ, 3 мар — Sputnik. Евроосиё иқтисодий комиссияси (ЕИК) ЕОИИга аъзо-давлатлари ҳудудига COVID-19'га IgG антитаначалар борлиги ҳақида маълумотнома ёки ПЦР-тест салбий натижа билан фуқароларни киришга рухсат беришни таклиф қилди. Бу ҳақда авиа-йўловчи ташишларни қайта тиклаш бўйича профилактика чора-тадбирлар услубий қўлланма лойиҳасида айтилган.

"Ҳаво кемасида хориждан келган шахслар, ЕОИИ аъзо-давлат қонунчилиги билан белгиланган шахслардан ташқари, антитаначаларга лаборатория текширувидан ижобий натижа билан ўтган IgG маълумотномасини тақдим этиши зарур", - дейилган лойиҳада.

Ҳужжатда ёзилишича, ЕОИИ ҳудудига кириш учун иттифоқ фуқаролари COVID-19га ПЦР-услубида лаборатория текшируви, салбий натижа қайд этилган тест-маълумотномани ҳам (давлат чегарасини кесиб ўтишдан 72 соат олдин олинган бўлиши керак) тақдим этишлари мумкин.

Агар ЕОИИ давлатларига келаётган шахслар тегишли ҳужжатларга эга бўлмаса, улар тестдан ўтиш учун юборилади, натижа олингунга қадар, фуқаролар ўзини-ўзи яккалаш режимига риоя қилишлари шарт.

Шу пайтда, маълумотнома мавжудлигига қарамай, нафас олиш инфекциялари асоратлари бўлган кишилар, COVID-19 учун тест натижаларини олингунга қадар шифохонага ётқизилиши мумкин.

102
Теглар:
ЕОИИ, коронавирус пандемияси, коронавирус, Ўзбекистон, Россия
Мавзу:
COVID-19 умумжаҳон пандемияси

“Ҳақиқий махлуқ”: National Interest Россиянинг Т-90М танкини баҳолади

349
(Янгиланган 13:15 03.03.2021)
Американинг The National Interest нашри Россиянинг Т-90М танкини баҳолаб, уни махлуқ деб атади. Т-90М танки Т-90нинг модернизация қилинган намунаси.

ТОШКЕНТ, 3 мар — Sputnik. Американинг The National Interest нашри Россиянинг Т-90М танкини юқори баҳолаб, уни "кундан-кунга қирғин қиладиган қуролга айланиб бораётган махлуқ" деб атади.

Материал муаллифи журналист Марк Эпископос таъкидлашича, Т-90М - бу синалган Т-90нинг модернизация қилинган намунаси, унинг тузилиши янада такомиллаштирилди. Масалан, танкнинг минораси сезиларли даражада янгиланди, у янги ёнғинни бошқариш тизимини, "Реликт" ҳимоя комлекси билан жиҳозланди, такомиллашган тўп ва янада кучли двигателни олди.

"Қисқаси, Т-90М аввалгиларига қараганда сезиларли даражада тезроқ, янада чидамли ва кўп қирғин келтирадиган қуролга айланди", - дейди The National Interest газетасининг шарҳловчиси.

Россия армияси Т-90 ва Т-90А танклар паркларини Т-90М версиясига янгилашни режалаштирмоқда. Эпископоснинг сўзларига кўра, Т-90 танкларини модернизация қилиш Т-14 “Армата” лойиҳаси доирасида амалга оширилмоқда.

Т-90М Урал транспорт муҳандислиги конструкторлик бюроси томонидан ишлаб чиқилган. Танк яратувчиларининг фикрига кўра, бу Т-90 оиласидаги энг замонавий восита ва замонавий жанговар ҳаракатларга энг мосланган.

349
Теглар:
ҳарбий техника, Қуролли Кучлар, қурол-яроғ, қурол, Россия, АҚШ
Движения грузовых поездов

Транс-афғон темир йўли: ЕОИИ Ўзбекистонга ёрдам берадими?

51
(Янгиланган 16:51 03.03.2021)
Евроосиё иқтисодий комиссияси ҳайъати раисининг ёрдамчиси Ия Малкина Транс-афғон темир йўлини қурилиши ҳақидаги саволга жавоб берди.

ТОШКЕНТ, 3 мар — Sputnik. Транспорт-логистика салоҳиятини амалга ошириш - иштирок этувчи мамлакатларнинг географик жойлашуви билан боғлиқ ҳолда, иттифоқнинг устувор вазифаси ҳисобланади. Транспорт ва инфратузилмани ривожлантириш бўйича чора-тадбирлар ва механизмлар 2025 йил стратегиясига киритилган.

Бу ҳақда Евроосиё иқтисодий комиссияси ҳайъати раисининг ёрдамчиси Ия Малкина брифинг пайтида Sputnik Ўзбекистон мухбирининг саволига жавоб берди.

"2020 йилда иттифоқ давлатлари орқали Осиёдан Европага (ва аксинча) йўналтирилган темир йўл транзити ҳажми 60 фоизга кўпайди, юк-ташиш самарадорлиги сезиларли даражада ошди. Бу йўналиш истиқболлари ва тартибли саъй-ҳаракатлар зарурлигидан далолат беради" - деди Малкина.

Шу сабабли Ўзбекистон бош вазири Абдулла Ариповнинг таклифи ЕИКнинг вазифаларига тўлиқ мос келади. Катта Евросиёда транспорт алоқаси концепциясини шакллантириш нуқтаи назаридан.

Ия Малкинанинг сўзларига кўра, ЕОИИ ва Ўзбекистон учун Транс-афғон темир йўлини қуриш лойиҳаси корхоналарнинг рақобатдошлиги ва савдо самарадорлигини оширишга ёрдам беради. Бундан ташқари, янги иш ўринлари яратилиши кутилмоқда. Комиссия бу таклифни албатта Ўзбекистон томони билан ишлаб чиқади, уни аъзо-давлатлар билан амалий ишлаб чиқишда керакли ёрдамни беради.

Малкина Ўзбекистоннинг ташаббусини мамнуният билан қайд этиб, кузатувчи-давлат сифатида республика биринчи кунларданоқ аниқ лойиҳаларни таклиф қилган ҳолда интеграция кун тартибида фаол иштирок этамоқда, деб таъкидлади.

Эслатиб ўтамиз, шу ой бошида ўтган Евроосиё ҳукуматлараро кенгашининг йиғилишида Ўзбекистон бош вазири Абдулла Арипов ЕОИИ давлатларига Транс-афғон темир йўли қурилишига қўшилишни таклиф қилганди.

2018 йил декабрда Ўзбекистон, Россия, Қозоғистон, Афғонистон ва Покистон темирйўл компаниялари раҳбарлари учрашуви бўлиб ўтган эди. Унда “Мозори Шариф-Кобул-Пешовар” темир йўли қурилиши бўйича қўшма ишчи гуруҳ ва молиявий консорциум ташкил қилиш ҳақида келишиб олинганди. Дастлабки ҳисоб-китобга кўра, лойиҳа - 5 миллиард доллар. Темир йўли узунлиги 573 километрни ташкил қилади. Янги темир йўлдан йилига 20 миллион тоннагача юк ташиш мумкин бўлади.

Келажакда темир йўли Жанубий Шарқий Осиё давлатларидан бошланиб, Ҳиндистон, Покистон, Афғонистон, Ўзбекистон, Қозоғистон, Россия ва Европагача бўлган глобал транспорт коридорига айланиши мумкин.

51
Теглар:
Россия, Ўзбекистон, Афғонистон, Қозоғистон, Покистон, Ҳиндистон, Европа, ЕОИИ, Абдулла Арипов, темир йўл
Мавзу:
Ўзбекистон ва ЕОИИ – интеграция истиқболлари