Россия Президенти Владимир Путин, архив сурат

Путин сиёсий фаолиятини якунлагач, нима билан шуғулланишини айтди

825
Россия президенти Владимир Путин ҳақиқатан саёҳат қилишни, ҳамда ўз фаолиятини омадли якунлашни орзу қилишини айтди

ТОШКЕНТ, 6 дек- Sputnik. Владимир Путин ўз фаолиятини муваффақиятли якунлашни орзу қилишини айтди, деб хабар қилмоқда РИА Новости.

Путин душанба куни Челябинск шаҳридаги "Этерно" трубопрокат заводида бўлган. Завод ходими Путин билан суҳбатда ўз соҳасида катта ютуқларга эришишни орзу қилишини айтган ва Путинга "Сиз нима ҳақида орзу қиласиз?", — дея савол берган. Ишчига жавобан Путин: "Мен ўз фаолиятимни омадли якунлашни хоҳлайман", дея жавоб қайтарган.

Россия президенти, шунингдек, саёҳат қилишни жуда ҳам ёқтиришини айтган. "Бугунги кундаги саёҳатим шундай кечади: мен аэропортга келаман, у ердан аллақандай жойга олиб боришади, кейин яна аэропортга қайтаман. Мана шундай қилиб қаергадир бориб келгандай бўламан", — дея нолиган Путин.

"Албатта, бошқача саёҳат қилишни хоҳлар эдим. Ўзга мамлакатнинг табиати, тарихий обидаларини кўришни хоҳлайман", — дея изоҳ берган президент.

Владимир Путин, шунингдек, у шуғулланишни хоҳлайдиган бир хобби борлигини айтиб ўтган. "Бу хобби билан ҳеч қачон шуғулланмаганман, лекин хоҳлардим. У қандай хобби эканлигини айтмайман", — деган у.

825
Теглар:
Москва, Россия, президент, сиёсат, Владимир Путин, Россия

Москвада ўзини ўзи яккалаш тартиби яна кучайтирилди

67
(Янгиланган 11:15 25.09.2020)
Москвада қарияларга уйда қолиш ва йирик корхоналарга имкон қадар ходимларни масофавий тартибда ишга ўтказиш таклиф этилди.

ТОШКЕНТ, 25 - Sputnik. Москвада 28 сентябрдан бошлаб коронавирусга қарши кураш чоралари кучайтирилади. Бу ҳақида Москва мэри Сергей Собянингнинг бугун 25 сентябр куни эълон қилинган фармонида айтиб ўтилган. 

Фармонда, хусусан 2020 йилнинг 28 сентябрдан бошлаб қуйидаги чеклов чоралари кучга кириши айтиб ўтилган:

  • 65 ёшдан катта ва Москва шаҳар Соғлиқни сақлаш департаменти томонидан белгиланган рўйхатдаги касалликлари бўлган шахслар уйдан чиқмасликлари кераклиги;
  • Москва шаҳрида фаоолият юритаётган барча йирик корхоналарига юқоридаги тоифага кирувчи ходимлардан ташқари, иш жойида туриб ишлашга эҳтиёж бўлмаган барча ходимларни масофавий тарбида ишга ўтказиш;
  • Ходимларни иш жойларида бўлиш вақтини имкон қадар қисқартириш;
  • Шахсий ҳимоя воситаларидан фойдаланишда давом этиш; 

Шунингдек, оммавий тадбирлар, қарияларнинг бир жойга тўпланиши, ресторан ва кафеларда чилим чекишга бўлган таъқиқлар ҳам сақланиб қолади. 

Эслатиб ўтамиз, шу кунларда Россияда яратилган коронавирусга қарши "Спутник V" вакцининг якуний босқич синовлари бўлиб ўтмоқда. Москва ва Москва вилоятида йил охирида оммавий эмлаш бошланиши мумкин. 

 

67

АҚШда 17 йиллик мораторийдан сўнг биринчи афроамерикалик қатл қилинди

131
Федерал ўлим жазосининг қайта тикланиши АҚШ учун рамзий маънога эга, чунки бу ерда аксарият қатллар федерал ҳукумат эмас, балки алоҳида штатлар юрисдикцияси остида ўтар эди

ТОШКЕНТ, 25 сен - Sputnik. АҚШ ҳукумати федерал даражада ўлим жазосига киритилган 17 йиллик мораторий бекор қилингач илк афроамерикаликни қатл этди, деб хабар қилади маҳаллий WTHI канали.

Кристофер Виалва 1999 йил Техасда насроний фаоллар бўлган ёш эр-хотин қотиллиги учун олий жазога ҳукм қилинган эди. Ҳалок қилувчи инъекция ёрдамидаги қатл Индиана штатидаги Терре-Хот қамоқхонасида амалга оширилган.

Жорий йил июл ойида АҚШ Олий суди сал олдин қуйи инстанция судлари томонидан жорий этилган мораторийни бекор қилиб, 17 йил деганда биринчи марта АҚШ федерал судларида қатллар амалга оширилиши мумкинлиги ҳақида қарор эълон қилганди.

Биринчи ўлим жазосига ҳукм қилинган америкалик - 47 яшар Дэниел Льюис Ли бўлди. У ҳам Индиана штатидаги Терре-Хот федерал қамоқхонасида сақланиб келган.

Федерал ўлим жазосининг қайта тикланиши АҚШ учун рамзий маънога эга, чунки бу ерда аксарият қатллар федерал ҳукумат эмас, балки алоҳида штатлар юрисдикцияси остида ўтар эди.

131
Флаг Узбекистана

"Собиқ Иттифоқ" тушунчаси Ўзбекистон учун ўз маъносини йўқотиб бўлди - тарихчи

24
(Янгиланган 12:13 25.09.2020)
Янги Ўзбекистон биринчи ўринга ўз миллий манфаатларини қўйган ҳолда кўп векторли ташқи сиёсат олиб бормоқда.

Тарих фанлари доктори, профессор Алексей Малашенко Sputnik билан бўлган суҳбатда Ўзбекистон президенти Шавкат Мирзиёевнинг БМТ Бош Ассамблеяси 75-сессиясида чиқишини изоҳлади. 

— Алексей Всеволодович, Ўзбекистон президенти Шавкат Мирзиёев БМТдаги чиқишда "янги Ўзбекистон" иборасини ишлатди. Ушбу ибора Марказий Осиё ҳақида материалларнинг аксариятида учрайди. Сиз бу ҳақида нима деб ўйлайсиз? 

— Ўзбекистон ҳақида гап кетганда "янги" сўзи жуда мос келади. Мен бу ерда битта, лекин ўта муҳим ҳолатга эътибор қаратмоқчиман. Шу вақтга қадар Марказий Осиё ҳудуди ҳақида гап кетганда сиёсатчилар ва аналитиклар "собиқ Иттифоқ" ҳудуди даган терминдан фойдаланишади. Лекин Ўзбекистон борасида гап кетганда   "собиқ Иттифоқ" тушунчаси ўз маъносини деярли йўқотиб бўлди. Бу аллақачон ўтмишга айланди, кимдир уни "буюк" кимдир "қайғули" деб ҳисобласа ҳам. 

Янги давр пойдеворини қўйиш - бу ўта мураккаб иш. Бу йўл ҳамма учун қийин. Устига устак бошимизга коронавирус пандемияси келди. 

— Шавкат Мирзиёев бир неча ташаббусларни олға сурди. Жумладан камбағалликка қарши кураш масаласини ҳам. Сиз Ўзбекистон иқтисоди ҳолатини қандай баҳолайсиз, у ушбу муаммони ҳал эта оладими?

— Мен сизга фақат 2та рақам келтираман. Биринчиси - Республиканинг валюта резервлари сўнгги вақтда 5,5 миллиард долларга ошди ва умумий ҳисобда 34 миллиарни ташкил қилмоқда. Иккинчиси — саноат соҳасида 11 миллиард долларлик лойиҳаларни амалга ошириш режалаштирилган. 

Ўзбекистон иқтисодий стратегияси бутун аҳоли турмуш даражасини оширишга қаратилган. Тошкент ҳозир тадбиркорлик ва қўшимча иш ўринлари яратишга, инвестицион муҳитни яхшилашга киришган. Ундан ташқари фуқароларга янги касблар ва ҳунарлар ўргатиш режалаштирилмоқда. 

Шунингдек "Ҳар бир оила - тадбиркор" лойиҳаси ишга тушган. У муваффақиятга эришган тақдирда - жамият ривожланиши учун улкан туртки бўлади. 

— Глобал чақириқлар Ўзбекистон ташқи сиёсатининг асосий йўналишларига қандай таъсир қилмоқда? 

— Тошкентнинг ташқи сиёсати ҳозир ҳам кўп векторли бўлиб қолмоқда ва бу кўп векторлик шунчаки сиёсий ҳолат эмас, балким - стратегиядир. Республика кўплаб халқаро ташкилотларда иштирок этмоқда, турли давлатлар билан муносабатларни ривожлантирмоқда, лекин биринчи ўринга - ўз миллий манфаатларини қўймоқда. 

24