АҚШ президенти Барак Обама, архив сурат

Обама сайловларга "аралашгани учун" Россиядан ўч олишга сўз берди

1291
Обамага кўра, Москва томонидан уюштирилган кибер-ҳужумлар демократчи Хиллари Клинтоннинг сайловолди кампаниясига катта таъсир кўрсатган, у учун жиддий муаммолар туғдирган

ТОШКЕНТ, 16 дек — Sputnik. Барак Обама АҚШдаги сайловларга "таъсир ўтказгани учун" Вашингтон Россияга нисбатан чоралар кўришини маълум қилди, деб хабар қилмоқда РИА Новости.

Обаманинг айтишича, "у ёки бу давлат ҳукумати Америкадаги сайловларнинг ҳаққонийлигига таъсир ўтказишга уринаётган бўлса", у ҳолда, шак-шубҳасиз бунга қарши чора кўриш лозим. "АҚШ Россиянинг бу аралашувига ўзи танлаган вақтда жавоб қайтаради", — деб таъкидлади ваколати тугаб бораётган Оқ уй раҳбари.

Обама шунингдек, "Жаноб Путин менинг бу борадаги туйғуларим билан яхши таниш, бу ҳақда мен у билан юзма-юз гаплашганман", — дея қўшимча қилган.

Эслатиб ўтамиз, жорий йилнинг октябрида АҚШ разведка уюшмаси расмий вакиллари Америка сайлов тизимига уюштирилган кибер-ҳужумлар ортида россиялик хакерлар туришини маълум қилишган эди.

Шундан сўнг АҚШ Марказий Разведка Бошқармаси Москвани Демократик партия серверини бузганликда айблади. Бу иш "Дональд Трампга президент бўлишга ёрдам бериш учун" амалга оширилгани таъкидланди.

Сал вақтдан сўнг Оқ Уй сайлов куни хакерлар фаоллиги кузатилмаганини тан олди. АҚШ Конгресси махсус хизматлардан суриштирув натижаларини очиқлашни талаб қилган бўлса-да, бу иш амалга оширилмади.

АҚШнинг янги сайланган президенти Дональд Трамп эса Россиянинг Америкадаги президент сайловига аралашуви билан боғлиқ миш-мишларни "кулгили" дея баҳолаган.

1291
Теглар:
Обама, Хиллари, киберҳужум, хакерлар, сайлов, Трамп, Обама, Россия, Америка
Встреча президентов России и Сирии

Сурия етакчиси коронавирусга чалинди

178
Сурия президенти Башар Асад ва унинг рафиқаси Асма хоним коронавирусга чалинди. Улар икки-уч ҳафта давом этадиган уй карантини даврида ўз вазифаларини давом эттиришади.

ТОШКЕНТ, 8 мар — Sputnik. Сурия президенти Башар Асад ва унинг рафиқаси Асма хоним коронавирусга чалинди, деб хабар қилди Сурия етакчиси девони.

“Улар COVID-19 белгиларига ўхшаш енгил аломатларни бошдан кечиргач, президент Башар Асад ва Асма хоним ПЦР-тестини топширишди. Таҳлил натижаси мусбат чиққан", - дейилган хабарда.

Баёнотда айтилишича, Башар Асад ва рафиқасининг аҳволи барқарор ҳолатда.

Сурия президенти ва унинг рафиқаси икки-уч ҳафта давом этадиган уй карантини даврида ўз вазифаларини давом эттиришади.

178
Теглар:
коронавирус пандемияси, коронавирус, президент, Сурия
Мавзу:
COVID-19 умумжаҳон пандемияси

АҚШ Афғонистондан қўшинларни олиб чиқиш санасини маълум қилди

695
(Янгиланган 14:46 08.03.2021)
АҚШ Афғонистондан ўз қўшинларини шу йил 1 майга қадар тўлиқ олиб чиқиб кетиш масаласини кўриб чиқмоқда.

ТОШКЕНТ, 8 мар — Sputnik. АҚШ Афғонистондан ўз қўшинларини 1 майга қадар тўлиқ олиб чиқиб кетиш масаласини кўриб чиқмоқда, деб хабар қилди Tolo News телеканали АҚШ давлат котиби Энтони Блинкеннинг президент Ашраф Ғанига ёзган мактубига асосланиб.

"Вашингтонда сиёсий жараён давом этаётганлиги сабабли, АҚШ бирон бир вариантни рад этмайди. Биз 1 майга қадар қўшинларимизни тўлиқ олиб чиқиб кетиш масаласини кўриб чиқмоқдамиз", - дейилган ҳужжатда.

Мактубда ёзилишича, АҚШ Россия, Хитой, Покистон, Ҳиндистон ташқи ишлар вазирлари ва вакилларини Афғонистонда тинчликни сақлашга қаратилган ягона ёндашувни муҳокама қилиш учун йиғилиш ўтказиш юзасидан БМТга мурожаат қилмоқчи.

Бундан ташқари, Вашингтон "Туркия ҳукуматидан тинчлик битимини якунлаш учун яқин ҳафталарда икки томоннинг юқори даражадаги учрашувини ташкил қилишни" режалаштирмоқда.

Аввалроқ Пентагон АҚШ президенти Жо Байденнинг администацияси Афғонистондан қўшинларни олиб чиқиш режасини қўллаб-қувватлашини айтганди. Вашингтон “Толибон” ҳаракати (Россияда тақиқланган) амалдаги келишув шартларини бажарган тақдирда, май ойигача мамлакатни тарк этишга тайёр. Жангарилар битим шартларини бажарганлигини таъкидламоқда.

2020 йилда Қатарда АҚШ ва “Толибон” Афғонистондан олиб чиқиб кетиш, маҳбуслар алмашинуви кейин афғонистонлараро мулоқотни бошлашни назарда тутадиган биринчи тинчлик битимини имзоладилар.

 

695
Теглар:
Толибон, АҚШ, Афғонистон

Туризм учун тўлиқ очилган мамлакатлар рўйхати

32
Каждая третья страна в мире полностью закрыты для путешественников, на такие шаги их подтолкнуло более активное распространение коронавируса и появление новых штаммов.

ТОШКЕНТ, 9 мар ― Sputnik. Фақатгина бешта мамлакат туристлар учун тўлиқ очилган, шу билан бирга ҳар учинчи давлат сайёҳлар дам олиши учун ёпиқдир, дейилади Бутунжаҳон туристик ташкилоти баёнотида.

Ташкилот маълумотларига кўра, феврал ойида дунёнинг 217 мамлакатидан туристлар учун 69таси ёпиқ бўлган, яъни - 32 %и, бу давлатларнинг тенг ярмида чегаралар 10 ой давомида ёпиқ бўлган. Яна 73 давлатнинг чегараси (34%) қисман ёпилган. 70та мамлакат (32%) коронавирусга қилинган тест натижаларини тақдим этишни ёки давлатга кириб келгач мажбурий карантин чораларига амал қилишни талаб этади.

Маълум бўлишича, фақатгина бешта мамлакат (2%) туризм учун тўлиқ очиқ - у ерда ҳеч қандай чекловлар йўқ.

Бу рўйхатга Албания, Доминикан Республикаси, Коста-Рика, Шимолий Македония ва Танзания киритилган.

Бутунжаҳон туристик ташкилоти маълумотларига кўра, аксарият мамлакатларда туризм билан шуғулланувчи компаниялар улкан зарар кўрмоқдалар, нега деганда ўтган йилда коронавирус пандемияси туфайли халқаро турсайёҳатлар сони 74%га камайган. Бу 2019 йил билан таққослаганда минус миллиард сайёҳатлардир. Ҳозирда туризм соҳасида 100 миллиондан 120 миллионгача иш ўринлари ёпилиш хавфи остида қолган.

32