Дональд Трамп, архив сурат

Трамп ўз қасамёд тадбирида кимларни кўришни хоҳлашини айтди

637
(Янгиланган 10:56 23.12.2016)
АҚШнинг янги сайланган президенти Дональд Трамп ўзининг қасамёд тадбирида машҳурларни эмас, балки оддий одамларни кўришни хоҳлашини маълум қилди

ТОШКЕНТ, 23 дек — Sputnik. 2017-йилнинг 20 январ санасида Трамп қасамёд қилади. Ушбу муносабат билан ўтказиладиган тантанали маросимда. у машҳур чеҳраларни эмас, балки оддий халқни кўришни хоҳлаётганини маълум қилган, деб хабар берган РИА Новости ахборот агентлиги.

""А" рўйхатидагилар деб аталгувчи машҳурларнинг ҳаммаси менинг инаугурациямга чипта олишни хоҳламоқда, аммо улар Хиллари Клинтон учун нима қилди? Ҳеч нима! Мен эса одамларни кўришни хоҳлайман", — деб ёзган миллиардер ўзининг Twitter ижтимоий тармоғидаги саҳифасида.

​Бу билан Трамп АҚШда бўлиб ўтган президент сайловларида машҳурларнинг аксарияти Хиллари Клинтонни қўллаб-қувватлаганини, аммо Демократик партиядан Америка президентлигига номзодга бу "қўллаш" фойда бермаганига писанда қилди.

Эслатиб ўтамиз, Дональд Трамп 8 ноябр куни АҚШда бўлиб ўтган президент сайловларида ғолибликни қўлга киритган эди.

637
Теглар:
инаугурация, қасамёд, Трамп, АҚШ