Санкт-Петербургда КХШТ саммити. Архив сурат

КХШТ саммитида Путин Сурия ва Афғонистондаги вазиятга изоҳ берди

626
(Янгиланган 21:40 26.12.2016)
Санкт-Петербургда бўлиб ўтган КХШТ саммитида Россия президенти Владимир Путин КХШТ президентларига Сурия ва Афғонистондаги вазиятга изоҳ берди.

ТОШКЕНТ, 26 дек — Sputnik. Россия президенти Владимир Путин КХШТ мамлакатлари раҳбарларига Сурия тинчлик ўрнатиш масалалари ҳамда Афғонистондаги вазият ҳақида маълумот берди, деб хабар қилди журналистларга КХШТ бош котиби Николай Бордюжа.

“Афғонистондаги вазият алоҳида диққат ва синчиковлик билан ўрганиб чиқилди. Афғон-тожик чегарасидаги аҳволнинг ёмонлашувига қарши Тожикистонга биргаликда бериладиган ёрдам чоралари диққат марказида бўлди”, — деди Бордюжа.

Бордюжа айтишига қараганда, саммит давомида ҳарбий-сиёсий вазиятга катта эътибор қаратилган. КХШТ мамлакатлари раҳбарлари, янги пайдо бўлган хавфларни аниқлаб, уларга  қарши биргаликда кўриладиган чоралари ишлаб чиқишга қарор қилишган.

Президент РФ В. Путин принимает участие в заседании ВЕЭС и сессии Совета коллективной безопасности ОДКБ в Санкт-Петербурге
© Sputnik / Михаил Климентьев
Санкт-Петербургда КХШТ раҳбарлари саммити
“Владимир Путин ўз ҳамкасабаларига  Суриядаги вазиятни барқарорлаштириш борасида Россия томонидан қандай қадамлар қўйилаётгани ҳақида сўзлаб берди. Жумладан, бу борада Эрон ва Туркия ҳукуматлари билан олиб орилаётган музокаралар ҳақида ҳам”, — деди  Бордюжа КХШТ саммит якунида.

Эслатиб ўтамиз, бироз олдин Владимир Путин, Сурияда тинчлик ўрнатиш масаласи бўйича Туркия раҳбари Тоййип Эрдўғон билан Остонада музокаралар ўтказиш ҳақида келишиб олганинии хабар берган эдик.

Россия президенти фикрига кўра, ушбу музокаралар, Женева музокараларининг давоми бўлиб, уларни тўлдириши мумкин. Қозоғистон президенти Назарбаев ҳам ушбу таклифга рози бўлган эди. Россия, Қозоғистон ва Туркия раҳбарлари орасида Остона музокаралари ташкил қилиш борасидаги дастлабки муҳокама якшанба куни телефон орқали бўлиб ўтди.

626