АҚШ президенти Барак Обама, архив сурат

Обама эшикларни қарсиллатиб ёпди: АҚШ Россия дипломатларини чиқариб юбормоқда

778
(Янгиланган 12:13 30.12.2016)
Пайшанба куни АҚШ ҳукумати Россиянинг қатор фуқаролари ва компанияларига қарши санкциялар киритилганини эълон қилди. Расмий Вашингтон уларни Америка сиёсий институтларига нисбатан киберҳужумлар уюштирганликда айбламоқда

ТОШКЕНТ, 30 дек — Sputnik. Президентлик ваколати ниҳоясига етаётган Обама Янги йил байрами арафасида Россияга "сюрприз" тайёрлади. У пайшанба куни Россиянинг қатор фуқаролари ва компанияларига қарши санкциялар киритди, деб хабар қилмоқда РИА Новости.

Бундан ташқари, Вашингтон Россиянинг 35 нафар дипломатига мамлакатни тарк этиш шартини қўйган. Шунингдек, Обама АҚШ ҳудудидаги Россиянинг иккита дипломатик муассасасини ҳам ёпмоқда. "Дипломатларга ва дипломатик муассасаларга "разведка фаолияти билан шуғулланганлик" айбловлари қўйилган. Вашингтон, бундан ташқари, Москвани Россияда фаолият юритаётган Америка дипломатлари ва ташкилотларни "сиғдирмасликда" айблаган", деб ёзади нашр.

Кремл бу ҳатти-ҳаракатларни "уч ҳафтадан сўнг кетиши аниқ бўлган кишиларнинг тажовузкор акти" ҳамда АҚШнинг янги сайланган президенти Дональд Трампнинг янги маъмуриятига зарар етказишга уриниш, деб баҳолади. Россия президенти матбуот-котиби Дмитрий Песков Москва тегишли тартибда жавоб чораларини қўллаши, бироқ бу борада шошма-шошарликка йўл қўймаслигини маълум қилди.

Ваъда қилинган чоралар

Россиянинг АҚШдаги сайловларга электрон тизимларни бузиб кириш орқали таъсир кўрсатгани борасидаги айбловлар бир қатор америкалик амалдорлар ва турли даражадаги сиёсатчилар томонидан сўнгги ойларда кенг муҳокама қилинди. Мисол учун октябр ойида АҚШ разведка ҳамжамияти расмий вакиллари сайловлар тизимларига уюштирилган киберҳужумлар ортида россиялик хакерлар тургани ҳақида маълум қилди. Кейинчалик МРБ (Марказий разведка бошқармаси) ОАВлар орақали Россияни Демократик партия серверларини бузишда айблади. Бу Дональд Трампга сайловларда ғалаба қозонишга ёрдам бериш мақсадида амалга оширилгани айтилди.

Аммо Россиянинг АҚШдаги президент сайловлари натижасига таъсир кўрсатишга алоқадорлигини исботловчи ҳеч қандай исботлар келтирилмади.

Декабр ойида АҚШ Президенти Барак Обама ўз лавозимидан кетишидан аввал бу борадаги исботларнинг бир қисмини оммага тақдим этишга ҳамда санкциялар киритишга ваъда берган эди.

Санкциялар

Пайшанба куни чоп этилган санкциялар рўйхатида Россия Бош разведка бошқармаси раҳбари Игорь Коробов, унинг биринчи ўринбосарлар Владимир Алексеев ва Игорь Костюков, ва ўринбосари Сергей Гизунов бор. Илгарироқ, яъни ноябрда россиялик Алексей Белан ФҚБ (Федерал қидирувлар бюроси) томонидан кибержиноятлари учун қидирувда бўлган шахслар рўйхатига киритилган эди.

Шунингдек, Россиянинг Евгений Богачев исмли фуқароси ҳам ФҚБ рўйхатига киритилган, уни топишда ёрдам берган шахсларга 3 миллион доллар миқдорида мукофот пули берилиши маълум қилинган.

Шунингдек, Россиянинг бешта муассасаси ва ташкилотларига нисбатан ҳам санкциялар киритилган. Булар Федерал хавфсизлик хизмати (ФСБ), Россия қуролли кучлари бош штаби бош разведка бошқармаси (ГРУ), "Маълумотларни яратиш ва қайта ишлаш профессионал ассоциацияси", "Махсус технологиялар маркази" ва маълумотларни ҳимоя қилиш шуғулланувчи "ЦОР Секьюрити" компанияси.

Юқорида номлари қайд этилган шахс ва ташкилотларнинг АҚШдаги активлари "музлатилади", Америка фуқаролари ва компанияларига улар билан олди-берди муносабатларини ўрнатиш таъқиқланган.

АҚШни тарк этишга маҳкумлар

Бундан ташқари, АҚШ ҳукумати қарорига кўра Вашингтон ва Сан-Францискода бўлган 35 россиялик дипломатга мамлакатни 72 соат ичида тарк этишлари белгилаб қўйилди. Обама уларни "жосуслар" деб атаган бўлса, давлат департаменти "уларнинг ҳаракатлари дипломатик ёки консуллик мақомига эга эмас"лигини маълум қилди. АҚШ ФҚБ ва ички хавфсизлик вазирлиги Америка партияларидан бирининг серверларига уюштирилган киберҳужумлар ҳақида ҳисобот тақдим этишди. Бу ҳолат президентлик сайловлари вақтида юз берган ҳамда уларда россиялик фуқаролар ва маҳкамаларни айблашмоқда. Айнан қайси сиёсий партия серверлари бузиб кирилгани маълум қилинмаган.

Шунингдек, АҚШ ҳукумати маълумотларига кўра, хакерлар 2015 йилда тахминан минг кишига (улар орасида АҚШ расмий шахслари ҳам бўлган) зарарли кодга эга мактублар жўнатишган. Бунинг оқибатида хакерлар тизимга киришга муваффақ бўлишган, дейилади ҳисоботда.

Обама эса Россияга қарши санкциялар "АҚШдаги сайловларга аралашгани" учун киритилганини маълум қилди. Шунингдек, у "АҚШ дипломатларига бўлган босим" ҳақида ҳам гапирган. Москва бу айбловларни рад этмоқда.

Россия президентининг матбуот котиби Дмитрий Песков Россия бу айбловларга кескин қўшилмаслигини маълум қилди.

"Биз бундай қарорлар ва санкцияларни асоссиз, деб ҳисоблаймиз ҳамда улар халқаро ҳуқуқ нуқтаи назаридан ноқонунийдир. Бундай ҳаракатлар муносабатларнинг кескин ёмонлашувига олиб келади. Бу кутилмаган тажовузкорлик ҳаракати", — деди у.

Песков АҚШ томонидан киритилган санкцияларга Россия қай тарзда жавоб қайтаришини ҳозирча айта олмаслигини маълум қилди, аммо бу ҳатти-ҳаракатларга қарши муносиб жавоб қайтарилиши аниқлигига ишонтирди.

"Жавоб чоралари Америка томонга ҳам жиддий ноқулайлик келтириб чиқариши аниқ", — дея қўшимча қилди Песков.

778
Теглар:
санкциялар, дипломатлар, Обама, Россия, Путин, АҚШ
Избранный президент КР Садыр Жапаров и экс-глава государства Сооронбай Жээнбеков. Архивное фото

Қирғизистон президенти инаугурациясига Жээнбеков таклиф қилинди

78
Қирғизистоннинг сайланган президенти Садир Жапаровнинг инаугурация маросимига собиқ президент Сооронбай Жээнбеков таклиф қилинди.

ТОШКЕНТ, 26 янв — Sputnik. Қирғизистоннинг сайланган президенти Садир Жапаровнинг инаугурация маросимига собиқ президент Сооронбай Жээнбеков таклиф қилинди. Буни президент матбуот котиби Галина Байтерек тасдиқлади.

Унинг сўзларига кўра, собиқ президент Роза Отунбаева ва мамлакат раҳбари лавозимига бошқа номзодлар ҳам таклиф қилинган.

Мамлакатни уч йил давомида бошқарган Жээнбеков Қирғизистондаги 2020 йил октябр воқеаларидан сўнг истеъфога чиқди. Ўша пайтда президент вазифасини бажарувчи Садир Жапаров Жээнбековнинг собиқ президент мақоми тўғрисидаги фармонни имзолаганди. 10 январда мамлакатда ўтказилган президент сайловларида Садир Жапаров ғалаба қозонди.

Ўтган ҳафтада Қирғизистон сайланган президенти Садир Жапаров инаугурация муносабати билан махсус кортеж, зиёфат ва бошқа тадбирлар ўтказилмаслигини маълум қилганди. Садир Жапаров сиёсий ва иқтисодий вазиятни ҳисобга олган ҳолда мамлакат иқтисодиёти учун оғир бўлган тадбирлардан воз кечиш зарурлигини айтди.

Инаугурация маросими 28 январ куни Миллий филармония катта залида бўлиб ўтади.

78
Теглар:
инаугурация маросими, Садир Жапаров, Қирғизистон
Мавзу бўйича
Шавкат Мирзиёев Садир Жапаровни ғалаба билан табриклади
Садир Жапаровнинг рафиқаси ҳақида 9та қизиқарли факт
“Қамоқдан президентликка”: Садир Жапаровга ўхшаган етакчилар кўп бўлганми?
Жапаров кортеж ва зиёфатдан воз кечди - инаугурация камтарона ўтказилади
Медработник демонстрирует компонент 1 вакцины от коронавируса Спутник V в прививочном пункте городской поликлиники

“Спутник V” вакцинаси икки ҳафта ичида яна 25та давлатда рўйхатдан ўтказилади

163
(Янгиланган 16:03 26.01.2021)
“Спутник V” коронавирусга қарши вакцинаси икки ҳафта давомида йигирмадан зиёд мамлакатда рўйхатдан ўтказилиши кутилмоқда.

ТОШКЕНТ, 26 янв — Sputnik. Россия тўғридан-тўғри инвестиция жамғармаси раҳбари Кирилл Дмитриев Россия “Спутник V” коронавирусга қарши вакцинаси яқинда йигирмадан зиёд мамлакатда рўйхатдан ўтказилишини кутмоқда.

"Спутник V” вакцинамиз ҳозирда 14та давлатда рўйхатдан ўтган, келгуси икки ҳафта ичида 25тадан ортиқ давлатда рўйхатдан ўтказилишини кутмоқдамиз", - деди Дмитриев Давосда бўлиб ўтган Жаҳон иқтисодий форумининг онлайн режимида бўлиб ўтган сессиясида.

Жамғарма ҳар бир мамлакат билан алоҳида иш олиб борди, вакцина ишлаб чиқариш бўйича кўплаб халқаро шерикликлар билан ҳамкорлик йўлга қўйилди. “Спутник V”  вакцинаси Россия, Беларусь, Аргентина, БАА, Венгрия, Сербия, Боливия, Жазоир, Фаластин, Венесуэла, Парагвай ва Туркманистонда рўйхатга олинган.

Европа Иттифоқи ва ЖССТда вакциналарни рўйхатдан ўтказиш жараёни бошланди.

“Спутник V” вакцинаси Гамалея эпидемиология ва микробиология миллий тадқиқот маркази томонидан Россия тўғридан-тўғри инвестиция жамғармаси билан ҳамкорликда ишлаб чиқилган.

Препарат инсоннинг аденовирус векторли платформасига асосланган бўлиб, хавфсизлик, самарадорлик ва узоқ муддатли салбий оқибатларнинг йўқлиги - унинг муҳим афзалликлари ҳисобланади.

Рўйхатдан ўтгандан сўнг, ўтказилган тадқиқотда якуний назорат нуқтасида маълумотларни таҳлил қилиш натижаларига кўра, унинг самарадорлиги 91,4 фоизни, оғир ҳолатларда эса 100 фоизни кўрсатди.

 

163
Теглар:
Спутник V, вакцина, коронавирус пандемияси, ЖССТ, Европа Иттифоқи, Туркманистон, Венесуэла, Фаластин, Сербия, Венгрия, БАА, Аргентина, Беларусь, Россия
Мавзу:
COVID-19 умумжаҳон пандемияси

"Тахтақорача" довонида ФВВ ўқув-машқи ўтказилди

15
(Янгиланган 18:48 26.01.2021)
"Тахтақорача" довонида мураккаб об-ҳаво шароитида Фавқулодда вазиятлар вазирлигининг махсус-тактик ўқув машқлари бўлиб ўтди.

ТОШКЕНТ, 26 янв - Sputnik. Самарқанд вилояти Ургут туманида жойлашган "Тахтақорача" довонида Фавқулодда вазиятлар вазирлигининг ўқув машқлари бўлиб ўтди

"ФВДТ ҳудудий ва функционал қуйи бўғинлари хизматларининг табиий ҳамда техноген хусусиятли фавқулодда вазиятларда ҳамкорликдаги ҳаракатлари" мавзусида махсус-тактик ўқув машқи бўлиб ўтди.

Ўқув машқи 4 босқичда ўтказилди:

  1. Довонда қор кўчкиси содир бўлганда, тегишли хизматларнинг куч-воситалари фавқулодда вазиятни бартараф этиш учун йиғилди ва уларнинг шайлиги саф кўриги орқали кўздан кечирилди. Шунингдек, қор кўчкиси содир бўлиш хавфи мавжуд бўлган ҳудудлардан аҳоли ва моддий бойликларини хавфсиз жойларга кўчириш ишлари амалда кўриб чиқилди.
    МЧС
    Учения МЧС на перевале Тахтакорача
  2. Қор кўчкиси оқибатида транспорт воситалари билан боғлиқ шартли равишда содир этилган авто-авариялар оқибатлари бартараф этилди ва қор кўчкиси остида қолган фуқароларни қидириш ҳамда қутқарув ишларини амалга ошириш, жабрланганларга биринчи тиббий ёрдам кўрсатиш ишлари олиб борилди.
    МЧС
    Учения МЧС на перевале Тахтакорача
  3. Довонда икки томонлама йўл ҳаракатини тиклаш, фуқароларнинг ҳаётий тизимини маромига келтириш, автомобил йўлини қордан тозалаш, йўл қатнов қисмининг сирпанчиқ ва тик қияли ҳудудларида қум ва қум-туз аралашмасини сепиш, йўл белгиларини таъмирлаш ишлари олиб борилди.
  4. Машғулот якунида иштирокчиларга йўл қўйилган камчиликлар ва уларни бартараф этиш бўйича зарур тавсиялар берилди.

Маълумот учун ўтган дам олиш кунлари арафасида Тахтақорача довонида қалин қор (20-30 см) ёққан эди. Шу сабабли  юқорида қайд этилган ўқув машғулотлари аслига яқин мураккаб шароитларда бўлиб ўтди.

МЧС
Учения МЧС на перевале Тахтакорача
15