Барбара ва Женна Буш-Хэгер, АҚШнинг 43-президенти Жорж Бушнинг қизлари, архив сурат

Опа-сингил Бушлар Обаманинг қизларига хат ёзишди

494
(Янгиланган 09:40 13.01.2017)
АҚШнинг 43-президенти Жорж Бушнинг қизлари Барбара ва Женналар Барак Обаманинг зурриёдлари Малия ва Сашаларга мактуб битдилар. Хатда қизларга Оқ уйдан ташқарида кечириладиган ҳаётга доир маслаҳатлар берилган

ТОШКЕНТ, 13 янв — Sputnik. Опа-сингил Бушлар Барак Обаманинг қизларига хат ёзди, деб хабар тарқатмоқда РИА Новости.

"Эндиликда сизлар собиқ президентлар фарзандлари клубига аъзо бўлишингиз керак — бу сизлар интилмаган позиция", — дейилган мактубда.

Қизлар ўз номаларида, шунингдек, Оқ уйда меҳнат қиладиган инсонларни, жумладан, гулчи Ненсини унутмасликка, ҳамда АҚШ Маҳфий хизмати ходимлари билан алоқаларни сақлаб қолишга даъват қилишган.

"Биз Маҳфий хизмат билан алоқаларни сақлаб қолганмиз. Хизмат ходимлари бизнинг улғайишимиз гувоҳи бўлишган: биринчи учрашувлар, унаштирув маросими, асал ойи… Ҳаётда ҳаммаси ҳам осон кечмаслигини биламиз — сизлар ҳам, худди биз сингари бу одамлар тинмай таъқиб қилган ўсмир бўлдингиз. Лекин улар сизлар учун ўз ҳаётини хавф остига қўйган", — дея таъкидлаганлар Барбара ва Женна Буш.

Қизлар ўз мактубларида Обаманинг қизлари Оқ уй томонидан қилинган кучли босимни бошдан кечиришгани, нотаниш одамлардан ўз ота-оналари номига ёғдирилган танқидларни эшитишга мажбур бўлишгани ҳақида ҳам айтиб ўтганлар.

20 январ куни АҚШнинг янги сайланган президенти — Дональд Трампнинг инаугурацияси бўлиб ўтади. Худди шу куни Барак Обама ва унинг оиласи Оқ уйни тарк этадилар.

494
Теглар:
Буш, Дональд Трамп, Барак Обама, АҚШ

Россияда янги камикадзе-дронларини яратиш устида иш олиб борилмоқда

64
“Калашников” концернининг (Ростех) шўба корхонаси Zala Aero Group янги дронларни, шу жумладан камикадзе дронларини яратиш устида иш олиб бормоқда.

ТОШКЕНТ, 27 ноя — Sputnik. “Калашников” концернининг (Ростех) шўба корхонаси Zala Aero Group янги дронларни, шу жумладан камикадзе дронларини яратиш устида иш олиб бормоқда, деди Ростех давлат корпорациясининг қурол-яроғ комплексининг саноат директори Бекхан Оздоев.

"Калашников гуруҳига кирувчи ZALA AERO GROUP компанияси пилотсиз учар аппаратларини ишлаб чиқаради, жумладан “КУБ”, “Ланцет-1” ва “Ланцет-3”. Улар ҳаммаси тактик ва техник хусусиятлари жиҳатидан хорижий рақобатчилардан яхшироқдир. Бироқ, биз бу билан тўхтаб қолмаймиз, доимо янги дронлар, шу жумладан камикадзе-дронларини яратиш устида ишламоқдамиз" - деди у.

Аввалроқ, Абу-Дабида бўлиб ўтган IDEX-2019  кўргазмасида Калашников “Куб” камикадзе дронини намойиш этган эди. Кейинчалик компания Россияда биринчи бўлиб камикадзе дрон “Ланцет”ни яратди.

Ростех бош директори Сергей Чемезов янги “ZALA Ланцет” мажмуаси разведка, алоқа, навигация ва юқори аниқликдаги зарба элементини ўз ичига олади.

64
Гроб с телом легенды аргентинского футбола Диего Марадоны во время его поминки в часовне президентского дворца Casa Rosada в Буэнос-Айресе. 26 ноября 2020 года

Катта жанжал: дафн бюроси ишчиси Марадона жасади билан очиқ тобут ёнида суратга тушди

199
(Янгиланган 14:17 27.11.2020)
Аргентинада дафн маросим хизмати ходимлари Диего Марадона жасади билан очиқ тобут ёнида суратга тушишди.

ТОШКЕНТ, 27 ноя — Sputnik. Аргентинада дафн маросим хизмати ходимлари Диего Марадона жасади билан очиқ тобут ёнида суратга тушишди, бу эса катта жанжалга сабаб бўлди, деб хабар қилди TN нашри.

Нашр қилинган суратларнинг бирида, бюро ходими қўлини Марадонанинг пешонасига қўйиб, бош бармоғини тепага (зўр) ишорасини кўрсатиб суратга тушган.

Дафн маросими бюроси ходимларининг хатти-ҳаракатлари Аргентина жамиятининг ғазабига сабаб бўлди, кўпчилик уларни жазолашни талаб қилмоқда.

Бюро раҳбари ходимлардан бири ишдан бўшатилгани ҳақида хабар берди ва футболчининг оиласидан кечирим сўради.

Куни кеча Буэнос-Айресда 60 ёшида одамдан кўз юмган жаҳон футболи афсонаси Диего Марадонанинг дафн маросими бўлиб ўтди.

Диего Марадонани сўнгги марта 30 октябрда омма орасида кўришган. У Аргентина чемпионатининг 1-тури "Химнасия ва Эсгрима" ва "Патронато" (3:0) ўртасида кечган, ўзининг 60 йиллигига бағишланган учрашувида кўриниш берган.

Учрашув олдидан Марадонага эсдалик тахтачаси топширилган. Диего матчни охиригача томоша қилмаган, ўзини ёмон ҳис қилаётганини айтиб, кетган. Марадонанинг соғайиши алкоголизм ва наркомания оқибатлари туфайли қийинлашган эди.

199
Теглар:
Диего Марадона

Йил охирига қадар рубл ўсиши, доллар эса пасайиши кутилмоқда

0
(Янгиланган 16:05 27.11.2020)
Нуфузли банклар ва халқаро инвестицион компания таҳлилчилари йил охирига қадар рубль 3-5%га ўсишини доллар эса келгуси йил бошида сезиларли пасайишини кутишмоқда.

ТОШКЕНТ, 27 ноя — Sputnik, Наталья Дембинская. Ноябр ойида рубль долларга нисбатан 5 % ўсиб барчани ҳайратда қолдирди. Сўнгги 10 йил давомида ноябрда бундай манзара кузатилмаган эди. Россия валютаси йил давомида ундан кутилган мустаҳкамликни оқламаган бўлсада, унинг барча сусайиш омиллари – вақтинча деб ҳисоблашмоқда швейцария банки аналитиклари. Вакцина ва қимматлашаётган нефть Россия миллий  валютасини ўз ўрнига қайтаради.

Ҳеч ким кутмаганда - ўсди

АҚШ сайловлари олдидан рубл кутилмаганда кескин пастлаб кетган эди, лекин бироз ўтиб кускин ўса бошлади. Доллар эса аксинча. Йирик экспертлар хулосасига кўра, Байденнинг Оқ уйга келиши америка валютаси учун ҳеч қандай яхшилик олиб келмайди.

Рубль учун ушбу ноябр ойи – олдингиларига ўхшамаган бўлди. 2010 йилдан 2019 йилга қадар куз ойларида Россия валютаси долларга нисбатан одатда ўртача 3%га арзонлашар эди. Бу йил эса аксинча бўлди - рубл 5%га ўсди.

Pfizer ва Moderna вакциналарининг юқори самарадорлиги ҳақидаги хабарлар инвесторларга оптимизм бағишлади ва нефт нархининг ўсишига олиб келди. Хусусан Brent нави баррелига 48 доллардан ошиб кетди. Бу март ойидан бери кўрсатилган максимал натижа бўлди.

Шу тариқа рискли активларга инвесторлар иштаҳаси ҳам очилди. Одатда бу ривожланаётган давлатларнинг қимматли қоғозлари бўлади. Бу сафар рубль ҳам улар қаторига қўшилди. QBF таҳлилчиси Ксения Лапшина айтишига кўра, айни дамда рублга нисбатан доллар курси 2 ҳисобида энг паст нуқтага тушган.

“Нефт нархи баррелига 45-50 доллар бўлиб турган вақтда, рублнинг кутилган курси 70-77 атрофида бўлиши кутилади. Демак ҳозир рубль ўзининг ўртача вазмин ҳолатида”, - дейди "Фридом Финанс" савдо операциялари бошқармаси бошлиғи Георгий Ващенко.

Рубльнинг қадри етарлича баҳоланмаган

Россия валютаси  Шарқий Европада энг кучсиз валюталарлан бири бўлди. Бироз олдин “бу йил рубль – ҳамманинг ҳафсаларини пир қилган валюта” бўлди, деб қайд этган эди Credit Suisse банки таҳлилчилари. Чунки йил бошидан буён у долларга нисбатан 19% қадрсизланди.

Credit Suisse таҳлилчилари хулосасига кўра, рубль қадрсизланишига асосий сабаб – капиталнинг мамлкатдан чиқиб кетиши, аҳоли сармояларининг таркиби ўзгариши бўлган. Хусусан банк депозитларидан капитал оқиб кетиши жуда катта бўлган. Шунингдек Навальний билан боғлиқ вазият, Беларус сайловлари ҳамда Озарбайжон ва Арманистон можароси ҳам рубл курсига салбий таъсир қилган.

Лекин, Швейцария банки хулосасига кўра, юқоридаги салбий омилларнинг аксарияти – вақтинчалик характерга эга. Асосий кўрсатгичлар бўйича эса – Россия валютаси ҳали етарлича баҳоланмаган. Хусусан, иқтисодий ўсиш, жорий операциялар ҳисоби ва реал фоиз ставкалари каби иқтисоднинг ҳал қилувчи кўрсатгичлари бўйича, рублда ҳали доллар курси 70-72 рублгача  ўсиш учун потенциал бор, - дейилган Credit Suisse хулосасида.

Йил охирига қадар доллар курси 73-74 бўлиши – жуда реал ҳолат, деб ҳисоблайди Custodian инвестицион компанияси таҳлилчиси Андрей Плотников. Унинг фикрига кўра, ушбу даврга аксарият юридик ва жисмоний шахслар солиқ тўлайди, баъзан бунинг учун улар  хорижий валютада сақланаётган заҳираларидан фойдаланади.

“Рубль, хом-ашёга боғлиқ валюта сифатида нефт бозорида талаб ошиши билан баробар ўсиб боради. Вакцина яратиш соҳасида эришилган ютуқлар билан бир вақтда котировкалар ҳам ўсиб боради. Йил охирга қадар рубл яна 3-5%га ўсиши эҳтимоли катта деб ҳисоблаймиз”, - дейди GB CLUB - сармоялар клуби асосчиларидан бири Хачатур Гукасян.

Рубл курси борасида Евроосиё ривожланиш банки (ЕАБР)пронози – анча вазмин. - Рублнинг етарлича баҳоланмагани рост, лекин бу йил унинг ўсиши учун макон чекланган, деб ҳисоблайди ЕАБР Таҳлилий маркази раҳбари Алексей Кузнецов.

Глобал иқтисоднинг қайта тикланиш истиқболлари ҳозирча мавҳум бўлиб қолмоқда. Вазият ёмонлашуви томонга қараб кетиш эҳтимоли катта. Устига-устак Россияга қарши санкциялар киритиш эҳтимоли жуда юқори. Шунинг учун йил охирига қадар рубл курси 75-77 оралиғида сақланиб қолади, деб ҳисоблайди халқаро банк мутахассиси.

Тоза варақдан

Аксарият таҳиличилар хулосасига кўра, 2021 йилнинг биринчи кварталида нефт нархи баррелига 55-60 долларгача чиқади. У вақтга келиб кенг вакцинация ҳам бошланади. Ан шунда биз доллар курси 71-73 рубл бўлгади.

Mitsubishi UFJ Financial Group (MUFG), прогнозига кўра, нефт нархи ошиши ва доллар курси тушишни биринчи навбатда нефтга боғлиқ валюталар қўллаб қувватлайди. “Рубл улар орасида энг яхшиси бўлиши мумкин. Нефт нархларидан анча ортда қолганини ҳисобга олганда, унинг ўсиши учун ҳали жой бор”, - дейишади MUFG аналитиклари.

Долларга келсак, вакциналарни қўллаш бошланганидан сўнг, дунё иқтисодиёти кескин тиклана бошлайди. Бунинг натижасида доллар пастга қулайди. Худди шундай вазият 2000 йиллар бошида содир бўлган эди. Хитой Жаҳон Савдо ташкилотига кирганидан сўнг - долла бир неча йил давомида пастга тушиб борган эди, - деб ҳисоблайди Citigroup стратеглари.

Сентябр ойидан бошлаб, долларнинг асосий 6та валютага нисбатини кўрсатувчи  DXY индекси -  энг паст кўрсатгичларда қолмоқда. Унга Байденнинг ҳукумат бошига келиши ва янги иқтисодий сиёсатдан кутишлар босим ўтказмоқда. Энг йирик сармоя банкларидан бири бўлган Goldman Sachs хулосига кўра, АҚШ демократларининг "яшил тўлқини" долларнинг охирги 2 йилдаги энг паст курсига қайтаради.

Citigroup прогнозига кўра, вакциналар пайдо бўлганидан сўнг доллар 20%га қулаши мумкин. Бу дунё иқтисоди учун ҳеч қандай яхши натижалар олиб келмайди.

 

 

0