Абдулқодир Машарипов

Машарипов: Менга Тақсим майдонида ҳужум уюштириш буюрилганди

1153
(Янгиланган 18:18 18.01.2017)
Машарипов аввалига теракт уюштириш учун Истанбулдаги Тақсим майдонига борган, лекин "у ерда хавфсизлик чоралари ўта кучли бўлганиги учун" Reina тунги клубини танлаган

ТОШКЕНТ, 18 янв — Sputnik. Истанбулдаги тунги клубга ҳужум уюштиришда гумон қилинаётган Абдулқодир Машарипов "Ислом давлати" террорчилик гуруҳи буйруғига асосан ҳужум қилганлигини айтди, деб хабар бермоқда Sputnik Türkiye Hurriyet газетасига таяниб.

34 ёшли Машариповнинг айтишича, у аввалига теракт уюштириш учун Истанбулдаги Тақсим майдонига борган, лекин "у ерда хавфсизлик чоралари ўта кучли бўлганиги учун" Reina тунги клубини танлаган, деб ёзади нашр.

"Мен Суриядаги урушда қатнашиш учун ариза берганимдан сўнг ўтган йилнинг январида Туркияга Эрон орқали келдим. Мен Кўнядан макон топдим. Ўша ерда эканлигимда Суриядан янги йил куни Тақсим майдонида ҳужум уюштириш буйруғини олдим", — деган Машарипов ва Суриядаги раҳнамоларига Тақсим майдонидан олинган видеолавҳани жўнатганини айтган.

"Тақсим майдонига келганимда бу ерда хавфсизлик чоралари ўта кучли эканлигини кўрдим. Бу ҳужум уюштиришим учун имкон бермасди. Менга буйруқ берган киши билан боғландим. У менга бошқа нишон топишни буюрди. Мен таксида соҳил бўйлаб кездим ва кеч соат 10ларда Рейна клубини топдим. Мен бу хабарни ўша одамга етказдим ва у клубдаги одамларга ҳужум қилишни буюрди", — деган у.

"Мени ўлдирма", — деган Машарипов турк тилида полициячига уни қўлга олиш бўйича махсус операция чоғида.

Илгарироқ Ўзбекистон хавфсизлик идоралари Абдуқодир Машарипов террорчилик ташкилоти билан алоқадорлиги учун қидирувда бўлганлигини билдирган.
Хавфсизлик идораларидан бирининг вакили Абдуқодир Машариповнинг 6 йил аввал Ўзбекистонни тарк этгани ва Афғонистонга кетганини маълум қилган.

1153
Мавзу:
Истанбулдаги тунги клубда амалга оширилган теракт (12)
Аппарат для ИВЛ

Қозоғистоннинг Жамбил вилояти Ўзбекистондан ёрдам сўради

115
(Янгиланган 17:58 08.07.2020)
Қозоғистоннинг Жамбил вилоятида сунъий нафас олдириш аппарати етишмайди. Вилоят Россия ва Ўзбекистон билан ушбу тиббиёт ускуналарини етказиб беришга оид музокаралар ўтказмоқда.

ТОШКЕНТ, 8 июл — Sputnik. Қозоғистоннинг Жамбил вилоятида сунъий нафас олдириш аппарати етишмайди. Вилоят ҳокими Бердибек Сапарбаев Россия ва Ўзбекистон билан ушбу тиббиёт ускуналарини етказиб беришга оид музокаралар ўтказилаётганини маълум қилди.

“Вилоятда 148 дона сунъий нафас олдириш аппарати бор. Бу етарли эмас. Ҳозир биз Россия, Ўзбекистон билан ишламоқдамиз. Яқин кунларда яна 50 дона шунақа аппаратларни олишимиз режалаштирилмоқда”, - деди Сапарбаев. Унинг сўзларидан Sputnik Қозоғистон нашри иқтибос келтирган.

Қозоғистоннинг Жамбил вилоятида коронавирус пандемияси бошлангандан буён 1866 та касалланиш ҳолати аниқланган. Беморларнинг 598 нафари тузалиб кетган. Уч киши вирус қурбонига айланган.

Россия хорижга 600 та сунъий нафас олдириш аппаратини, жумладан, Ўзбекистонга етказиб берди

Эслатиб ўтамиз, аввалроқ Фарғона вилояти Қирғизистоннинг Боткен шаҳрига инсонпарварлик ёрдами жўнатгани хабар қилинган эди.

115
Теглар:
коронавирус, Қозоғистон, Ўзбекистон

Қозоғистон чегара пунктида 3 мингга яқин Ўзбекистон ва Тожикистон фуқаролари тўпланди

168
(Янгиланган 17:18 08.07.2020)
Қозоғистоннинг Туркистон вилоятидаги “Жибек жоли” чегара пункти яқинида уч минг нафар Ўзбекистон ва Тожикистон фуқаролари тўпланди.

ТОШКЕНТ, 8 июл — Sputnik. Қозоғистоннинг Туркистон вилоятидаги “Жибек жоли” чегара пункти яқинида уч минг нафар Ўзбекистон ва Тожикистон фуқаролари тўпланди.

Туман ҳокимияти, ҳомийлар ва кўнгиллилар ватанига қайтмоқчи бўлган хорижликларни озиқ-овқат билан таъминлашга ёрдам бермоқда. Бу ҳақда Sputnik Қозоғистонга туман ҳокими ўринбосарини Сакен Калкаманов маълум қилди.

“Автотурагоҳда уч мингга яқин фуқаро тўпланди, улардан кўпчилиги – Ўзбекистон фуқаролари. Периметр бўйлаб чодирлар қўйилди. Сариагаш ҳокимияти, ҳомийлар ва кўнгиллиларнинг кучи билан бир кунда бир махал тушлик ташкил қилинмоқда, сув олиб келинмоқда” – деди Калкаманов.

Унинг сўзларига кўра, ўтган ҳафтада Ўзбекистон томон 200-300 кишидан чегарадан ўтказди.

“Қўлимиздан келган ишни қиляпмиз. Ҳар куни ҳудуд тозаланади. Тасаввур қилинг, бир жойда уч минг киши. Улар кетишмаяпти, чунки улар чегарадан ўтиши керак. Март ойи, карантин жорий қилингандан бери чегарадан 41 минг ўзбекистонлик ўтди. Ҳокимият ҳаммасини озиқ-овқат билан таъминлади. Қолган масъулият – Ўзбекистон томонида”, - деб қўшимча қилди Калкаманов.

Посмотреть эту публикацию в Instagram

Публикация от @kris_p_kz +21 | 🇰🇿Kz (@kris_p_kz)

Эслатиб ўтамиз, бундан аввал Ўзбекистон ТИВ Ўзбекистон Ташқи ишлар вазирлиги Россиядаги фуқароларга мурожаат қилганди.

Фуқароларга Россия, Ўзбекистон ва Қозоғистонда жорий қилинган карантин чоралари, шу жумладан мамлакатларга кириш бўйича чекловлар ўз кучида қолаётгани яна бир бор эслатилди.

Россия ҳудудидаги ватандошлардан турли ёлғон хабарлар ва миш-мишларга ишонмаслик, Россия-Қозоғистон давлатлараро чегара пунктларига боришга уринмаслик, ҳозирги яшаш жойларида қолиб, карантин чораларига қатъий риоя қилишларини сўралган.

168
Мавзу:
COVID-19 умумжаҳон пандемияси
Сборная Узбекистана по футболу

Ўзбекистон ва Эрон терма жамоалари Тошкентда ўртоқлик ўйинини ўтказади

0
Ўзбекистон ва Эрон футбол бўйича терма жамоалари 7 сентябрь куни “Бунёдкор” стадионида ўртоқлик ўйинини ўтказади.

ТОШКЕНТ, 8 июл — Sputnik. Вадим Абрамов мураббийлиги остидаги Ўзбекистон миллий терма жамоаси Тошкентда Эронга қарши ўртоқлик учрашувида майдонга тушади. Бу ҳақда Ўзбекистон футбол ассоциацияси хабар қилмоқда.

“Эрон Ислом Республикаси футбол федерацияси билан келишган ҳолда, ушбу учрашув 7 сентябрь куни “Бунёдкор” стадионида бўлиб ўтиши белгиланди”, - дейилган хабарда.

Ўзбекистон миллий терма жамоаси ЖЧ-2022 ва Осиё кубоги-2023 қўшма саралаш босқичидаги қолдирилган учрашувларни октябрь ва ноябрь ойларида ўтказади. Ушбу баҳслар олдидан МТЖ учун сентябрь ойида Тошкентда ўқув-машғулот йиғини ташкил этилади.

Эслатиб ўтамиз, аввалроқ Тошкентда 4 сентябрь куни Ўзбекистон ва Тожикистон миллий терма жамоаларининг ўртоқлик ўйини режалаштирилгани хабар қилинган эди.

0