INTERPOL логотипи, архив сурат

Россия мингдан зиёд шахсларга Интерпол орқали қидирув эълон қилди

608
(Янгиланган 13:29 25.01.2017)
Расмий Москва, шунингдек, Интерполнинг янги "Соатсоз" лойиҳасига қўшилди. Лойиҳа қўлбола портловчи моддаларни тайёрловчиларга қарши қаратилган

ТОШКЕНТ, 25 янв — Sputnik. Россия ҳукумати террорда айбланаётган мингдан зиёд одамларга қидирув эълон қилди, деб хабар қилган РИА Новости Россия Ички ишлар вазирлигининг Интерпол Миллий марказий бюроси раҳбари Александр Прокопчукдан олинган маълумот асосида.

Хабарда таъкидланишича, Россия 2016 йилда Интерполнинг янги "Соатсоз" деб номланган лойиҳасига қўшилган. Лойиҳа қўлбола портловчи моддаларни тайёрловчиларга қарши қаратилган.

Прокопчук сўзларига кўра, Интерпол билан ҳамкорлик ҳуқуқни муҳофаза қилиш органларига ўзаро зудлик билан маълумот алмашиш имконини бермоқда.

"Кипр Интерпол Миллий маркази бюроси билан ҳамкорликда олиб бораётган фаолиятимиз натижасида, терактлар ҳақида бир неча бор ёлғон хабар тарқатган россиялик шахси идентификация қилинди. Жиноятчи Ларнака аэропорти, Арманистон, Қозоғистон ва Белоруссия ҳукумат органлари объектларини портлатиш билан таҳдид қилган", — деб айтган Прокопчук.

Россия Интерпол раҳбари шунингдек, Интерпол кейинги вақтларда террорчиларни интернетдан "узоқлаштириш" устида олиб борилаётган ишларга катта эътибор қаратаётганини айтиб ўтган.

Эслатиб ўтамиз, Интерпол — дунёдаги энг йирик полиция уюшмасидир. Сўнгги вақтларда жиноятчиликка қарши курашувчи бу халқаро ташкилот ўз ахборот базасини кенгайтиришга эътибор қаратмоқда.

608
Теглар:
қидирув, интерпол, террор, Россия

Сиртқи кредит? Тихановская Европа иттифоқидан ёрдам пакети хусусида келишувга эришди

12
(Янгиланган 14:14 22.09.2020)
Тихановская душанба куни Брюсселда бўлиб, ЕИ мамлакатлари ташқи ишлар вазирлари, шу жумладан Европарламент аъзолари билан учрашувлар ўтказган эди.

ТОШКЕНТ, 22 сен – Sputnik. Беларус президенти лавозимига собиқ номзод Светлана Тихановская Брюсселда республикада юз берадиган "демократик ўзгаришлардан сўнг" Евроиттифоқ томонидан ёрдам пакети хусусида келишувга эришди, деб хабар қилди сешанба куни Тихановская матбуот-хизмати.

Тихановская душанба куни Брюсселда бўлиб, ЕИ мамлакатлари ташқи ишлар вазирлари, шу жумладан Европарламент аъзолари билан учрашувлар ўтказган эди.

"Светлана Тихановская Брюсселга ташрифини якунлади, у ерда Евроиттифоқ ТИВ раҳбарлари, шунингдек, ЕИ дипломатияси раҳбари Жозеп Боррел, Европарламент президенти Давид Сассоли билан учрашди, евродепутатлар олдида чиқиш қилди... Шунингдек, Светлана Тихановская Беларусга демократик ўзгаришлардан кейин ёрдам пакети кўрсатилиши хусусида келишувга эришди", - дейилади Тихановская матбуот-хизмати Telegram-каналида.

Ўтган ҳафтада Беларус мувофиқлаштириш кенгаши президиуми аъзоси Павел Латушко муҳолифат Евроиттифоқдан республикада ҳукумат ўзгариши ва у демократизация йўлига турганида 4 миллиард доллар олишга умид қилаётгани ҳақида маълум қилган эди.

Сал аввал республикада бўлиб ўтган президент сайловлари якунларидан норози бўлган Беларус муҳолифат вакиллари ҳукумат транзити бўйича мувофиқлаштириш кенгашини тузган эдилар. Улар Тихановскаяни сайланган етакчи сифатида тан олишмоқда ва мамлакатда янги сайловлар ўтказилишини талаб қилишмоқда. Беларус Бош прокуратураси МК ташкил этилиши муносабати билан ҳукуматни босиб олишга даъват моддаси бўйича жиноий иш қўзғади. Айни вақтга келиб МК президиумининг етти аъзосидан беш нафари ҳибсга олинган ёки чет элда бўлиб турибди. Муфовиқлаштириш кенгаши ташаббускори бўлган Тихановская, сайловлардан сўнг хавфсизлик мақсадида Литвага чиқиб кетган.

Беларусда оммавий норозилик акциялари 9 августдан кейин, бўлиб ўтган президент сайловларида амалдаги етакчи Александр Лукашенко ғолиб чиққанидан сўнг бошланган эди. МСК маълумотларига кўра Лукашенко 80,1 % овоз олган. Биринчи кунларда акциялар куч тузилмалари томонидан бостирилди, норозичиларга нисбатан кўз ёш келтирувчи газ, шовқин гранаталари, водометлар, резинали ўқлар қўлланилди. Расмий маълумотларга кўра, биринчи кунларда 6,7 минг киши қўлга олинган. Республика ИИВ маълумотларига кўра, тартибсизликлар давомида юзлаб инсонлар жабрланган, шу жумладан, 130 нафар ҳуқуқ-тартибот ходимлари ҳам. Сайловлар якунлангач бир ой давмида акциялар ҳам иш ҳам дам олиш кунлари ўтказилди. Лукашенконинг тарафдорлари ҳам уни қўллаб-қувватлаб тадбирлар ўтказиб келмоқдалар.

12
Изображение нового коронавируса атипичной пневмонии SARS-CoV-2. Также известный как 2019-nCoV

Коронавирусга иммунитет ҳосил қилувчи касаллик айтилди

171
Олимнинг сўзларига кўра, агар унинг тахмини тасдиқланса, инсонлар денге безгагига қарши эмланиб, коронавирусга муайян иммунитет олишлари мумкин.

ТОШКЕНТ, 22 сен — Sputnik. Денге безгаги касаллигини бошдан кечирганларда COVID-19 га иммунитет ҳосил бўлиши мумкин. Бу ҳақда “Reuters” агентлиги Дьюк Университети профессори Мигель Николелиснинг ҳали эълон қилинмаган тадқиқотига таянган ҳолда хабар қилмоқда.

Америкалик олим сўнгги йилларда денге безгаги авж олиши қайд этилган жойларда коронавирус секинлик билан тарқалишини аниқлаган.

Таъкидланишича, бу кашфиёт денге флавивируси ва SARS-CoV-2 серотиплари ўртасидаги иммунологик ўзаро реактив имкониятини билдириши мумкин.

Николелиснинг сўзларига кўра, агар унинг тахмини тасдиқланса, инсонлар денге безгагига қарши эмланиб, коронавирусга муайян иммунитетга эга бўлишлари мумкин.

171