АҚШ президенти Дональд Трамп янги қонунга фармонни имзолади

Трамп АҚШга кириш тартибини кучайтириб, қочқинларни қабул қилишни тўхтатди

399
(Янгиланган 16:19 28.01.2017)
Бундан ташқари, Трамп аҳолисининг асосий қисми мусулмон бўлган бир қатор мамлакатлар фуқароларини АҚШга киришини 90 кунга чеклаб қўйди. Мамлакатлар номи ошкор этилмади. Аввалроқ бу давлатлар Ироқ, Эрон, Сурия, Судан, Яман, Ливия ва Сомали бўлиши мумкинлиги хабар қилинган эди

ТОШКЕНТ, 28 янв — Sputnik. АҚШ президенти Дональд Трамп жума куни Суриядан қочқинларни қабул қилишни 120 кунга тўхтатувчи қонунга имзо чекди, деб хабар қилмоқда РИА Новости.

АҚШ президентлигига номзод Дональд Трамп, архив сурат
© Sputnik / Алексей Филиппов
Бу вақт давомида АҚШ хавфсизлик хизмати мамлакатга террорчиларни киритмаслик бўйича қабул қилинган чоралар самарадорлигини текшириб кўриши лозим.

Ҳужжатни имзолаш тадбирида АҚШ президенти қочоқлар бундан буёғига "экстремал" тарзда сараланишини айтиб ўтган.

"Мен янги чораларни АҚШга радикал террорчиларнинг кириб келишига йўл қўймаслик мақсадида қабул қилдим. Биз мамлакатимизга қонунларимиз ва халқимизни ҳурмат қилувчи кишилар келишини истаймиз", — деган Трамп Пентагондаги маросимда.

Бундан ташқари, фармон билан суриялик муҳожирлар қабул квотаси ҳам қисқартирилган. Маълум бўлишича, АҚШ 2017 йилда 50 мингдан ортиқ қочқинни қабул қилмайди.

Фармон матнида виза олиш учун суҳбатдан ўтиш мажбурий талабга айланиши айтилган. Трамп шунингдек мамлакатга кириб келаётган кишилар устидан назорат ўрнатувчи биометрик тизимни амалга татбиқ этишни тезлаштириш ҳақида ҳам вазифа юклаган.

Янги ҳужжатда "диний озчиликни" ташкил қилувчи инсонларга кўпроқ эътибор қаратилиши ҳам айтилган. Улар маълум бир ҳолатларда АҚШ халқаро мажбуриятларига мос тарзда қабул қилинади.

Эслатиб ўтамиз, Трамп жума куни суриялик насронийларга ёрдам беришга қарор қилганини маълум қилган эди.

Шунингдек АҚШ ҳукумати бошқа мамлакатлардан батафсил маълумотни талаб қилади. Бу мамлакат ҳудудига кирмоқчи бўлган инсонларни яхшироқ ўрганишда қўл келади. Матнда Вашингтон хорижий ҳукуматлардан бундай маълумотни қай тарзда олишига аниқлик киритилмаган.

Бундан ташқари, Трамп аҳолисининг асосий қисми мусулмон бўлган бир қатор мамлакатлар фуқароларини 90 кунга мамлакатга киришларини чеклаб қўйди, бироқ мамлакатлар номи ошкор қилинмади. Сал олдин бу давлатлар Ироқ, Эрон, Сурия, Судан, Яман, Ливия ва Сомали бўлиши мумкинлиги хабар қилинган эди.

Шунингдек фармон матнида АҚШ ҳукумати террорчилик ва аёллар устидан зўравонлик ишлатишда айбланаётган хорижликлар статистикасини тақдим этиши ҳам маълум қилинган.

Трампнинг янги фармони, Цукерберг, АҚШ сенатидаги демократлар ва бир қатор сиёсатчилар томонидан қаттиқ танқид остига олинди. Нобел мукофотининг энг номдор 11 нафар совриндорлари ҳам АҚШ президентининг миграцияга оид сиёсатига қарши чиқишмоқда.

399

Лукашенко Россия ва Украина бош прокурорларини таклиф қилиш ҳақида топшириқ берди

129
(Янгиланган 14:52 06.08.2020)
Беларусь президенти Александр Лукашенко Россия ва Украина бош прокурорларини таклиф қилиш ҳақида топшириқ берди.

ТОШКЕНТ, 6 авг — Sputnik. Беларусь президенти Александр Лукашенко Минск яқинида россияликлар қўлга олиниши ҳолати юзасидан мамлакатга Россия ва Украина бош прокурорларини таклиф қилиш тўғрисида топшириқ берди.

Куни кеча Лукашенко Украина президенти Владимир Зеленский билан бу ҳолатни телефон орқали муҳокама қилди. Киев қўлга олинганларни Украина жануби-шарқидаги ҳарбий ҳаракатларда иштирок этганликда гумон қилмоқда.

Беларусда россияликларни қўлга олиниши

Беларусь ҳукумати 29 июлда 33 нафар россиялик қўлга олинганини маълум қилди. Минск уларни хусусий ҳарбий компаниянинг  “жангарилари” деб ҳисобламоқда. Россияликлар Беларусда сайлов олдидан оммавий тартибсизликларни ташкиллаштиришга тайёргарлик кўришда гумон қилинмоқда.

Россия Ташқи ишлар вазирлиги Беларусь томонининг россияликлар ҳибсга олиш ҳолатини нотўғри талқин қилиши ҳеч қандай танқидга бардош бермаслигини таъкидлаб, кераксиз салбий ҳис-туйғулар кескинлигини оширишни тўхтатишга чақирди.

Бундан аввал Россия президенти матбуот котиби Дмитрий Песков Минскда қўлга олинганлар “катта эҳтимол билан” хусусий хавфсизлик компаниясининг ходимлари эканлиги, Минскда транзит тартибида бўлиб, рейсга кеч қолганликларини айтганди.

Песковнинг сўзларига кўра, Кремлда улар қонунга зид иш қилишгани ҳақида ҳеч қандай маълум йўқ. Унинг таъкидлашича, Россия Беларуснинг ички ишларига ҳеч қачон аралашмаган ва аралашмаяпти.

129
Водопад. Иллюстративное фото

Хитойда кучли тўфон шаршарани тескари оқишга мажбур қилди - видео

235
(Янгиланган 14:10 06.08.2020)
"Хагупит" тўфони 190 метр баландликдаги Линфэн тоғ шаршарасини тескари йўналишда оқишга мажбур қилди.

ТОШКЕНТ, 6 авг — Sputnik. "Хагупит" тўфони 190 метр баландликдаги Линфэн тоғ шаршарасини тескари йўналишда оқишга сабаб бўлди. Бу ҳақда Daily Mail хабар қилди.

Видеода кучли шамол шаршара сувини учириб юбориши акс этган. Кучли “Хагупит” тўфони Хитойнинг Чжэцзян провинциясига ёпирилиб келди.

Шамол тезлиги соатига 136 километргача етди, айрим шарқий соҳилбўйи туманларида 4 метр баландликдаги тўлқинлар қайд этилди. 380 мингдан ортиқ киши хавфсиз жойларга эвакуация қилинди.

Поезд ҳаракати тўхтатилди, баъзи автомагистраль йўллари ёпилди, кўпгина уйлар электр энергиясиз қолди.

235
Мясо, перец, чеснок и помидор на разделочной доске. Иллюстративное фото

Гўшт бўлаги тахтакачда “тирилиб кетди” - интернет фойдаланувчилари шокда

27
(Янгиланган 18:31 06.08.2020)
Гўшт бўлаги кесиш тахтасида қимирлаши акс этган видео Twitter фойдаланувчиларини шок ҳолатига солди.

ТОШКЕНТ, 6 авг — Sputnik. Гўшт бўлаги тахтакачда қимирлаши акс этган видео Twitter фойдаланувчиларини шок ҳолатига солди.

Малазиялик Yo!Artist никли фойдаланувчи видеони тармоққа жойлаштирди. Аёл ёзишича, унинг онаси гўштни пиширмоқчи бўлган эди, аммо у томир уришни бошлади. Аёл қўрқиб кетди ва таом пишириш фикридан қайтди.

Видеони кўрган кўпчилик фойдаланувчилар чиндан ҳам даҳшатга тушганини тан олди.

Бошқалар эса “бу ерда қўрқинчли нарсанинг ўзи йўқ – янги хом гўштда нерв тўқималари маълум вақт давомида қимирлашни давом этади”, - деб изоҳ ёзишди.

Видео ролик 950 минг марта томоша қилиниб, 13 мингга яқин изоҳ тўплади.

27