Пушкиннинг Дантес билан дуэли, Алексей Наумов картинаси

Пушкинни ўлдирган дуэль тарихи

2289
(Янгиланган 16:44 10.02.2017)
1837 йилнинг 8 февралида Петербург яқинидаги Қора сой ёнида буюк рус шоири Александр Пушкин ва француз фуқароси Жорж Дантес ўртасида дуэль бўлиб ўтган. Дуэлда олган жароҳати туфайли 10 феврал куни Пушкин ҳаётдан кўз юмган

ТОШКЕНТ, 10 фев — Sputnik. Пушкин ва унинг рафиқаси Наталья Гончарова шаънига доғ туширадиган аноним ҳақоратнома дуэл сабабчиси бўлган.

Маълумотларга кўра, 1836 йилнинг 16 ноябрида Пушкин 3 нусхада аноним хатлар олади. Уларда Пушкиннинг гўсхўр эр экани, рус армиясига хизматга қабул қилинган (голландиялик элчи барон Геккерн томонидан ўғил қилиб асраб олинган) чет эллик  поручик барон Жорж Дантес шоирнинг хотинига хушторлик қилаётганига шаъма қилинганди.

Пушкин Дантесни дуэлга чақиради. Француз аввалига чақириққа рози бўлади, аммо барон Геккерн орқали дуэлни 15 кунга кечиктиришни сўрайди. Бу вақт давомида Дантеснинг ўз қайнсинглиси — Екатерина Гончаровага совчи қўйгани ҳақида билиб қолган Пушкин ўз чақириғини қайтиб олади. 1837 йилнинг 22 январида тўй бўлиб ўтади.

Аммо миш-мишлар болалашдан тўхтамайди. Пушкин суюкли ёри Натальянинг кўнглини овлашда давом этаётган Дантесга ва икки ўртада фитна қўзғаётган барон Геккернга нисбатан нафратини жуда кескин намойиш эта бошлайди. 

Охир-оқибат сабри тугаган шоир Геккернга ўта ҳақоратли мазмунда хат йўллайди. Геккерн эса Дантес номидан уни дуэлга чорлайди.

8 феврал куни Петербург яқинидаги Қора сой ёнида, кеч соат бешда дуэль рўй беради. Дантес томонидан Франция элчихонасининг котиби — виконт Лоран дАширак, Пушкин томонидан эса шоирнинг лицей давридаги ўртоғи — подполковник Константин Данзас секундантлик қилишади.

Рус шоирининг қатъий талаби — дуэл албатта ўлим билан якун топиши ва рақибларнинг биронтасига жон сақлаб қолиш имконини бермаслиги лозим эди: Пушкин ва Дантес ўртасидаги тўсиқ оралиғи ўн қадамни ташкил қилиб, тўсиққача бўлган исталган масофадан ўқ отишга рухсат берилганди.

Дантес биринчи бўлиб ўқ узади ва Пушкинни қорнининг ўнг томонидан яралайди. Шоир ўта оғир жароҳат олади. У йиқилади, аммо сал ўтмай қўлига таяниб, ўрнидан туради ва Дантесни тўсиқ яқинига чорлайди.

Мўлжалга олиб, ўқ узади. Рақиби йиқилганини кўргач, "Офарин!", дея қичқиради. Аммо Дантеснинг жароҳати хавфли эмасди; кўксига қарата узилган ўқ, Дантеснинг қўлини ялаб ўтганди, холос (француз кўксини қўли ёрдамида тўсиб қолган эди).

Яраланган Пушкин ўз квартирасига олиб келинади. Шоир суюкли рафиқаси ҳавотир олдирмаслик учун чекаётган заҳматларини унга билдирмасликка ҳаракат қилади. Сал вақт ўтиб таклиф қилинган шифокорлар фожиа муқаррарлигига иқрор бўладилар ва Пушкинга ҳақиқатни айтадилар.

Шоирнинг уйига руҳоний чақирилади.

Икки кунлик азоб-уқубатни матонат билан ўтказган Александр Пушкин 10 феврал куни дўстлари даврасида ҳаётдан кўз юмади.

Шоирнинг жасади солинган тобут икки кун квартирада қолдирилади, бу вақт оралиғида турли табақага мансуб инсонлар Пушкин билан хайрлашишга келадилар.

Пушкиннинг ўлими аксарият россияликлар томонидан миллий фожиа сифатида қабул қилинган, ва бу ҳолат Михаил Лермонтов, Федор Тютчев, Алексей Кольцов сингари шоирларнинг ижод маҳсулларида ўз ифодасини топган.

Александр Пушкин билан дуэли учун Дантес-Геккерн расман отувга ҳукм қилинган бўлса-да, аммо бу кейинчалик Россиядан депортация қилиш қарорига алмаштирилган.

Турмуш ўртоғининг дуэлдаги иштирокидан хабарсиз қолган Наталья Гончарова эса шоир ўлимидан етти йил ўтиб, 1846 йилда генерал Петр Ланскойга турмушга чиққан…

Таржимон Дилшода Раҳматова.

2289
Теглар:
дуэль, Дантес, Пушкин

Туркия “Спутник V” вакцинасини ишлаб чиқаришни йўлга қўяди

86
Таъкидланишича, ишлаб чиқарилган вакцина ҳам Туркия ички бозорига, ҳам бошқа мамлакатларга етказиб берилади.

ТОШКЕНТ, 24 янв — Sputnik. Россия тўғридан-тўғри инвестициялар жамғармаси ва етакчи Туркия фармацевтика маҳсулотлари ишлаб чиқарувчиси Туркияда COVID-19 га қарши “Спутник V” вакцинасини ишлаб чиқариш тўғрисида битим имзолади. Бу ҳақда РИА Новости хабар қилмоқда.

Қайд этилишича, йилига бир неча миллион доза вакцина ишлаб чиқарилади, келгусида ишлаб чиқаришни кенгайтириш эҳтимоли муҳокама қилинмоқда. 

“Вакцина ҳам Туркия ички бозорига, ҳам бошқа мамлакатларга етказиб берилади”, - дейилган хабарда.

Туркия “Спутник V” вакцинасини ишлаб чиқаришни ташкиллаштиришга қизиқиш билдирди

"Спутник V" – Россиянинг Гамалея номидаги Миллий микробиолигия ва иммунология маркази томонидан ишлаб чиқилган ва рўйхатга олинган дунёдаги биринчи вакцинадир. Бугунги кунда Спутник V вакцинасини олганлар сони 1 миллиондан ошган ва унинг самарадорлиги 95 %ни ташкил қилган.

Эслатиб ўтамиз, аввалроқ Санитария-эпидемиологик осойишталик ва жамоат саломатлиги хизмати бошлиғи Баҳодир Юсупалиев Ўзбекистонда “Спутник V” вакцинасини тезкор сертификациялаш устида иш олиб борилаётгани ва уни чиқаришни маҳаллийлаштириш бўйича музокаралар олиб борилаётгани ҳақида маълум қилган эди.

86
Теглар:
вакцина, Спутник V, Россия тўғридан-тўғри инвестициялар жамғармаси, Туркия
Генерал Ллойд Джеймс Остин III

Илк бор афроамерикалик Пентагон раҳбари бўлди - Сенат Ллойд Остин номзодини маъқуллади

227
(Янгиланган 10:05 23.01.2021)
АҚШ Сенати Мудофаа раҳбари номзодини маъқуллади. Пентагон раҳбари лавозимини тўрт юлдузли генерал рангига эга 67 ёшли Ллойд Остин эгаллади. У 2016 йилдан истеъфода эди

ТОШКЕНТ, 23 янв — Sputnik. АҚШ Сенати Пентагон раҳбари лавозимига Ллойд Остин номзодини маъқуллади, деб хабар бермоқда РИА Новости.

Остин учун 93 нафар сенатор овоз берган, икки киши қарши чиққан. Сал олдин унинг номзодини сенатнинг мудофаа қўмитаси қўллаб-қувватлаган эди. 

Фуқаролик мудофаа вазири лавозимига етти йилгача бўлган муддат аввал истеъфога чиққан ҳарбийлар сафидан номзодлар учун конгресснинг махсус рухсатномаси талаб этилади. Остин 2016 йилда истеъфога чиққан.

Ллойд Остин 67 ёшда, тўрт юлдузли генерал рангига эга. Остин АҚШ мудофаа идорасига раҳбарлик қилган биринчи афроамерикаликка айланди. Германияда, Қўшма Штатларнинг кўплаб нуқталарида хизмат қилган, штаблар раҳбарлари бирлашган қўмитасида фаолият юритган, дивизия қўмондони бўлган ва 2006 йилда генерал-лейтенант унвонини олган.

2010-йилда Остин АҚШнинг Ироқдаги кучлари қўмондони этиб тайинланган ва мамлакатдан аста-секин чиқарилиши учун жавоб берган. 2011 йилнинг декабрида уни қуруқликдаги кучлар штаби қўмондони ўринбосари этиб тайинлашган, 2013-2016 йилларда у АҚШ ҲК Марказий қўмондонлигига раҳбарлик қилган.

Бу лавозимда у Вашингтоннинг "Ислом давлати"га қарши кураш стратегиясини ишлаб чиқишда бош рольни ўйнаган. 2016 йилда истеъфодан сўнг энг йирик қурол ишлаб чиқарувчи - Raytheon директорлар кенгашида лавозимни эгаллаган.

227

Товарларнинг нархларини чет-эл валюталарига боғлаш мумкин бўлди

356
“Валютани тартибга солиш тўғрисида”ги қонунга киритилган қўшимчаларга кўра, эндиликда товарларнинг нархлари чет-эл валюталари ва шартли бирликларига боғланиши мумкин.

ТОШКЕНТ, 24 янв — Sputnik. 22 январь куни қабул қилинган қонун билан “Валютани тартибга солиш тўғрисида"ги қонунга қўшимчалар киритилди.

Унга мувофиқ, Ўзбекистонда реализация қилинадиган товарлар (ишлар, хизматлар) нархлари чет эл валюталарига ва шартли бирликларга боғланиши мумкин. Бу тартиб фақат президент қарорлари асосида давлат-хусусий шериклик тўғрисидаги битимлар ва Ҳукумат орқали жалб этилган чет эл инвестициялари лойиҳаларига тааллуқли. Бунга қадар мазкур тартиб мавжуд эмас эди.

Концессиялар билан боғлиқ муносабатлар “Давлат-хусусий шериклик тўғрисида”ги қонунда ўз аксини топмоқда.

Концессия лойиҳаларини рўёбга чиқариш ДХШ лойиҳалари учун белгиланган тартибда амалга оширилади.

Эндиликда фақатгина қиймати 1 млн доллардан ортиқ лойиҳаларининг тендер ҳужжатлари ва ДХШ тўғрисидаги битимларнинг лойиҳалари келишилади.

Киритилган қўшимчалар билан маҳаллий ижро этувчи ҳокимият органларининг давлат-хусусий шериклик соҳасидаги ваколатлари белгиланди.

Давлат-хусусий шериклик лойиҳаларига оид маълумотларнинг эълон қилинадиган қисми аниқлаштирилди.

Хусусан, бунда расмий веб-сайтларга лойиҳа тарафлари, фаолият йўналиши, жойлашган ери, лойиҳа муддати ва умумий қиймати, товарлар, давлат томонидан қўллаб-қувватлаш ҳажми ва турларига оид маълумотлар жойланади.

356