Сарез кўли

Тожикистоннинг "уйқудаги аждаҳо"си 106 ёшда

3214
Тожикистон аҳли томонидан Помир марвариди деб эътироф этиладиган Сарез кўли 1911 йил 19 февралга ўтар кечаси юз берган вайронакор зилзила оқибатида пайдо бўлган

ТОШКЕНТ, 18 фев — Sputnik. Бугун коинотимизнинг энг ёш обеъктларидан бири — баланд тоғлар қўйнида жойлашган Сарез кўли ҳосил бўлганига 106 йил тўлди, деб хабар қилган Спутник Тожикистон нашри.

Тожикистон аҳли томонидан Помир марвариди деб эътироф этиладиган Сарез кўли 1911 йил 19 февралга ўтар кечаси юз берган вайронакор зилзила оқибатида пайдо бўлган. Ер силкиниши икки тоғни бирлаштириб 550 метрдан баландроқ тўғонни ҳосил қилган.

Кўл ўрнида бўлган уч қишлоқ аҳолиси (100дан зиёд одам) нобуд бўлган. Қишлоқлардан бирининг номи билан кўлни ҳам Сарез деб атай бошлаганлар. 

Айтиш жоизки, кўл Помирнинг сейсмик актив ҳудудида жойлашган. Шундай қилиб, 8-9 балли зилзилалар — ҳар 250 йилда бир марта, бошқа маълумотларга кўра эса — ҳар 2000 йилда бир марта, 7 балли зилзилалар эса — 100 йилда бир марта такрорланади.

Олимлар Сарез кўлини Марказий Осиёнинг уйқудаги аждаҳоси деб атайдилар. Уларнинг фикрига кўра, агар кўл вайрон бўлса, Тожикистон, Ўзбекистон, Қирғизистон, Афғонистон ва Туркманистон ҳудудларидаги олти миллион инсонлар жабр кўриши мумкин.

2000 йилда тўрт давлат — Қозоғистон, Қирғизистон, Тожикистон ва Ўзбекистон — ҳукуматлари Сарез кўли муаммосини ҳал этиш учун интеллектуал ва молиявий ёрдам сўраб дунё ҳамжамиятига мурожаат этишган.

Шу йилнинг ўзида Бутунжаҳон банки бошқарувида 2000-2006 йилларда Сарез кўли хавфини камайтириш бўйича халқаро лойиҳа ишга туширилган. Аммо ишлар огоҳлантириш тизимини яратиш билан чекланган.

Бир қатор мутахассислар Сарез кўли туфайли хавфсирамаса ҳам бўлади, деган фикрни айтишган, деб ёзган нашр.

3214
Теглар:
Сарез, Тожикистон, Помир
Избранный президент КР Садыр Жапаров и экс-глава государства Сооронбай Жээнбеков. Архивное фото

Қирғизистон президенти инаугурациясига Жээнбеков таклиф қилинди

566
Қирғизистоннинг сайланган президенти Садир Жапаровнинг инаугурация маросимига собиқ президент Сооронбай Жээнбеков таклиф қилинди.

ТОШКЕНТ, 26 янв — Sputnik. Қирғизистоннинг сайланган президенти Садир Жапаровнинг инаугурация маросимига собиқ президент Сооронбай Жээнбеков таклиф қилинди. Буни президент матбуот котиби Галина Байтерек тасдиқлади.

Унинг сўзларига кўра, собиқ президент Роза Отунбаева ва мамлакат раҳбари лавозимига бошқа номзодлар ҳам таклиф қилинган.

Мамлакатни уч йил давомида бошқарган Жээнбеков Қирғизистондаги 2020 йил октябр воқеаларидан сўнг истеъфога чиқди. Ўша пайтда президент вазифасини бажарувчи Садир Жапаров Жээнбековнинг собиқ президент мақоми тўғрисидаги фармонни имзолаганди. 10 январда мамлакатда ўтказилган президент сайловларида Садир Жапаров ғалаба қозонди.

Ўтган ҳафтада Қирғизистон сайланган президенти Садир Жапаров инаугурация муносабати билан махсус кортеж, зиёфат ва бошқа тадбирлар ўтказилмаслигини маълум қилганди. Садир Жапаров сиёсий ва иқтисодий вазиятни ҳисобга олган ҳолда мамлакат иқтисодиёти учун оғир бўлган тадбирлардан воз кечиш зарурлигини айтди.

Инаугурация маросими 28 январ куни Миллий филармония катта залида бўлиб ўтади.

566
Теглар:
инаугурация маросими, Садир Жапаров, Қирғизистон
Мавзу бўйича
Шавкат Мирзиёев Садир Жапаровни ғалаба билан табриклади
Садир Жапаровнинг рафиқаси ҳақида 9та қизиқарли факт
“Қамоқдан президентликка”: Садир Жапаровга ўхшаган етакчилар кўп бўлганми?
Жапаров кортеж ва зиёфатдан воз кечди - инаугурация камтарона ўтказилади
Медработник демонстрирует компонент 1 вакцины от коронавируса Спутник V в прививочном пункте городской поликлиники

“Спутник V” вакцинаси икки ҳафта ичида яна 25та давлатда рўйхатдан ўтказилади

363
(Янгиланган 16:03 26.01.2021)
“Спутник V” коронавирусга қарши вакцинаси икки ҳафта давомида йигирмадан зиёд мамлакатда рўйхатдан ўтказилиши кутилмоқда.

ТОШКЕНТ, 26 янв — Sputnik. Россия тўғридан-тўғри инвестиция жамғармаси раҳбари Кирилл Дмитриев Россия “Спутник V” коронавирусга қарши вакцинаси яқинда йигирмадан зиёд мамлакатда рўйхатдан ўтказилишини кутмоқда.

"Спутник V” вакцинамиз ҳозирда 14та давлатда рўйхатдан ўтган, келгуси икки ҳафта ичида 25тадан ортиқ давлатда рўйхатдан ўтказилишини кутмоқдамиз", - деди Дмитриев Давосда бўлиб ўтган Жаҳон иқтисодий форумининг онлайн режимида бўлиб ўтган сессиясида.

Жамғарма ҳар бир мамлакат билан алоҳида иш олиб борди, вакцина ишлаб чиқариш бўйича кўплаб халқаро шерикликлар билан ҳамкорлик йўлга қўйилди. “Спутник V”  вакцинаси Россия, Беларусь, Аргентина, БАА, Венгрия, Сербия, Боливия, Жазоир, Фаластин, Венесуэла, Парагвай ва Туркманистонда рўйхатга олинган.

Европа Иттифоқи ва ЖССТда вакциналарни рўйхатдан ўтказиш жараёни бошланди.

“Спутник V” вакцинаси Гамалея эпидемиология ва микробиология миллий тадқиқот маркази томонидан Россия тўғридан-тўғри инвестиция жамғармаси билан ҳамкорликда ишлаб чиқилган.

Препарат инсоннинг аденовирус векторли платформасига асосланган бўлиб, хавфсизлик, самарадорлик ва узоқ муддатли салбий оқибатларнинг йўқлиги - унинг муҳим афзалликлари ҳисобланади.

Рўйхатдан ўтгандан сўнг, ўтказилган тадқиқотда якуний назорат нуқтасида маълумотларни таҳлил қилиш натижаларига кўра, унинг самарадорлиги 91,4 фоизни, оғир ҳолатларда эса 100 фоизни кўрсатди.

 

363
Теглар:
Спутник V, вакцина, коронавирус пандемияси, ЖССТ, Европа Иттифоқи, Туркманистон, Венесуэла, Фаластин, Сербия, Венгрия, БАА, Аргентина, Беларусь, Россия
Мавзу:
COVID-19 умумжаҳон пандемияси

"Тахтақорача" довонида ФВВ ўқув-машқи ўтказилди

122
(Янгиланган 18:48 26.01.2021)
"Тахтақорача" довонида мураккаб об-ҳаво шароитида Фавқулодда вазиятлар вазирлигининг махсус-тактик ўқув машқлари бўлиб ўтди.

ТОШКЕНТ, 26 янв - Sputnik. Самарқанд вилояти Ургут туманида жойлашган "Тахтақорача" довонида Фавқулодда вазиятлар вазирлигининг ўқув машқлари бўлиб ўтди

"ФВДТ ҳудудий ва функционал қуйи бўғинлари хизматларининг табиий ҳамда техноген хусусиятли фавқулодда вазиятларда ҳамкорликдаги ҳаракатлари" мавзусида махсус-тактик ўқув машқи бўлиб ўтди.

Ўқув машқи 4 босқичда ўтказилди:

  1. Довонда қор кўчкиси содир бўлганда, тегишли хизматларнинг куч-воситалари фавқулодда вазиятни бартараф этиш учун йиғилди ва уларнинг шайлиги саф кўриги орқали кўздан кечирилди. Шунингдек, қор кўчкиси содир бўлиш хавфи мавжуд бўлган ҳудудлардан аҳоли ва моддий бойликларини хавфсиз жойларга кўчириш ишлари амалда кўриб чиқилди.
    МЧС
    Учения МЧС на перевале Тахтакорача
  2. Қор кўчкиси оқибатида транспорт воситалари билан боғлиқ шартли равишда содир этилган авто-авариялар оқибатлари бартараф этилди ва қор кўчкиси остида қолган фуқароларни қидириш ҳамда қутқарув ишларини амалга ошириш, жабрланганларга биринчи тиббий ёрдам кўрсатиш ишлари олиб борилди.
    МЧС
    Учения МЧС на перевале Тахтакорача
  3. Довонда икки томонлама йўл ҳаракатини тиклаш, фуқароларнинг ҳаётий тизимини маромига келтириш, автомобил йўлини қордан тозалаш, йўл қатнов қисмининг сирпанчиқ ва тик қияли ҳудудларида қум ва қум-туз аралашмасини сепиш, йўл белгиларини таъмирлаш ишлари олиб борилди.
  4. Машғулот якунида иштирокчиларга йўл қўйилган камчиликлар ва уларни бартараф этиш бўйича зарур тавсиялар берилди.

Маълумот учун ўтган дам олиш кунлари арафасида Тахтақорача довонида қалин қор (20-30 см) ёққан эди. Шу сабабли  юқорида қайд этилган ўқув машғулотлари аслига яқин мураккаб шароитларда бўлиб ўтди.

МЧС
Учения МЧС на перевале Тахтакорача
122