Депорт қилиниши кутилаётган мигрантлар, архив сурат

Мигрантлар "қўзғолони": депортация қилинган мигрантлар махсус хонада қулфланиб олишди

1362
(Янгиланган 16:14 23.02.2017)
Хабарларга кўра, Россиядан депорт қилиниши кутилаётган мигрантларнинг бири чет эл фуқаролари сақланадиган Марказдаги хоналарнинг бирида қулфланиб олган. У билан бирга яна 9 нафар мигрант борлиги хабар қилинмоқда

ТОШКЕНТ, 23 фев — Sputnik. Cвердловск вилояти прокуратураси мигрантлар томонидан қоидаларга бўйсунмаслик ҳолати бўйича текширув ўтказмоқда, деб хабар қилди РИА Новости.

Маълумотларга кўра, Москва вақти 10.00да депорт қилиниши кутилаётган мигрантларнинг бири 06.50да чет эл фуқаролари сақлаб туриладиган Марказдаги хоналарнинг бирида қулфланиб олган.

Свердловск вилояти прокурори ёрдамчиси Марина Канатованинг сўзларига кўра, хонада у билан бирга яна тўққиз нафар мигрант бор.

Свердловск вилояти ИИББ матбуот-хизмати раҳбари Валерий Горелихга кўра, полициячилар хонада қулфланиб олганларга Россия қонунчилигини тушунтирмоқда.

Горелихнинг айтишича, мигрантлар полициячилардан уларни Россиядан депорт қилмасликни сўрашмоқда.

Россия Федерацияси Миллий гвардияси Урал округи қўшинлари матбуот-хизмати РИА Новостига ушбу можароли ҳодисани ҳал қилишда ёрдам беришга тайёрлигини маълум қилган.

Айни дамда полициячилар мигрантлар билан музокара олиб бормоқда.

1362
Теглар:
депорт, мигрантлар, Россия
Сотрудница лаборатории проводит испытания вакцины от COVID-19 в центре Гамалеи

Россияда яна бир COVID-19 га қарши вакцина синовига рухсат берилди

61
Россияда коронавирусга қарши учинчи вакцинанинг клиник синовларига рухсат берилди. У Чумаков номидаги Илмий марказ томонидан яратилган.

ТОШКЕНТ, 22 сен — Sputnik. Россия Соғлиқни сақлаш вазирлиги Чумаков номидаги Илмий марказ томонидан яратилган коронавирусга қарши вакцинанинг клиник синовларига рухсатнома берди. Бу ҳақда идора матбуот хизмати хабар қилди.

Таъкидланишича, вакцина синовларида уч мингдан зиёд кўнгилли иштирок этади ва бу Жаҳон соғлиқни сақлаш ташкилоти талабларига мувофиқ келади.

Вакцинанинг клиник синовлари яқин кунларда Киров, Санкт-Петербург ва Новосибирскда бошланади. Кўнгиллилар эмлангандан сўнг 16 кун стационарда бўлади.

Вакцинанинг клиник синовлари жорий йилнинг ноябрь ойида якунланиши кутилмоқда.

Россия дунёдаги биринчи коронавирусга қарши “Спутник V” вакцинасини август ойида рўйхатга олди. У Гамалея номидаги марказ томонидан яратилган ва Россия тўғридан-тўғри инвестициялар жамғармаси билан ҳамкорликда ишлаб чиқарилмоқда.

Шунингдек, Россияда “Вектор” маркази томонидан яратилган вакцина клиник синовдан ўтмоқда. Куни кеча Ўзбекистон айнан “Вектор” маркази томонидан яратилган коронавирусга қарши вакцина синовларида иштирок этишга қизиқиш билдиргани маълум бўлган эди.

61
Теглар:
коронавирус, вакцина, Россия
Мавзу бўйича
Ғарб нега вакцина пойгасида ютқазмоқда: Россия аллақачон фош қилинди
Қирғизистон Россия билан вакцина етказиб беришга доир музокара олиб бормоқда
ЖССТ коронавирусга қарши вакцина учун Россияга миннатдорчилик билдирди
Беларусь коронавирусга қарши Россия вакцинаси синовларини бошламоқда
Россиянинг коронавирусга қарши вакцинаси иштирокчиларига тавсиялар эълон қилинди
Ўзбекистон COVID-19 га қарши Россия вакцинаси синовида иштирок этишга қизиқиш билдирди

Букри кит тимсоҳларга тўла дарёга тасодифан сузиб келди

485
(Янгиланган 23:25 21.09.2020)
Австралияда букри кит тимсоҳларга тўла дарёга тасодифан сузиб келди. Икки ҳафтадан сўнг у очиқ денгизга қайтишга муваффақ бўлди.

ТОШКЕНТ, 21 сен — Sputnik. Австралиянинг Какаду миллий боғида букри кит тимсоҳлар тўла дарёга тасодифан сузиб келди. Икки ҳафтадан сўнг кит очиқ денгизга қайтишга муваффақ бўлди. ABC телеканали хабарига асосан.

Олдинроқ дарё бўйида балиқ овлашга кетган денгиз экологлари 2 сентябрь куни учта букри китни кўришганди. Кейинчалик улардан иккитаси денгизга қайтишга муваффақ бўлди. Таъкидланишича, тарихда илк бор Какаду миллий боғнинг дарёсида 20 километр нарида китни кўришганди.

Жума куни кит саёзликка сузиб келганда, олимлар ташвишга тушдилар.

"Кит лойга ботган эди, аммо кўриниши яхши эди", - дейди Кэрол Палмер, Австралия Шимолий Ҳудуди ҳукумати олими.

Олимлар китни қутқаришнинг кўплаб вариантларини, шу жумладан уни қўрқитиш ва орқага сузиш учун баланд товушлардан фойдаланиш усулларини кўришганди. Яхшиямки, кит якшанба куни денгизга қайтишга муваффақ бўлди.

485

Ўзбекистонда Корея услубида Онкология маркази ташкил қилинади

6
(Янгиланган 12:24 22.09.2020)
Ўзбекистон ва Жанубий Корея моделига асосланган тиббиёт кластерини яратиш ҳақида музокаралар олиб бормоқда.

ТОШКЕНТ, 22 сен - Sputnik. Ўзбекистонда Корея услубида тиббий кластерлар яратилиши мумкин. Ушбу масала Инновацион соғлиқни сақлаш миллий палатасида Корё университети Тиббиёт маркази профессори доктор Чой Джае Вук билан муҳокама қилинди, Sputnik мухбири хабарига асосан.

Доктор Чойнинг Ўзбекистонда муҳим вазифаси мавжуд: у Корея модели асосида Миллий онкологик марказ тузиш лойиҳаси менежери.

"Корейс модели бўйича тиббиёт мажмуасини ташкил этиш режасига, шунингдек катталар учун Кўп тармоқли шифохона, янги тиббиёт ОТМ, ётоқхона ташкил этиш ҳам киради. Ундан ташқари, у ерда келажакда тиббиёт соҳасида тадқиқотлар билан шуғулланадиган, шу жумладан, янги дори воситалари яратадиган "Тадқиқотлар ва ишлаб чиқариш маркази" ҳам бўлиши керак. Буларнинг барчаси, биргаликда "Тиббиёт мажмуаси" тушунчасини ташкил этади", — дея таъкидлади учрашув давомида доктор Чой Джае Вук.

Доктор Чой томонидан таклиф қилинган лойиҳалар Миллий палата томонидан ҳам қўллаб-қувватланди. Томонлар Корея моделига асосан Тиббиёт мажмуасини тузиш лойиҳаси Бош режасини яратиш мақсадида Меморандум имзолаш ҳақида келишувга эришдилар. 

Шунингдек иккала томон ҳам мутахассисларнинг янги авлодини ўқитиш кераклигини таъкидлашди. Маҳаллий тажриба, Корея онкология модели принципларига нафақат шифокорларни, балки ўрта тиббиёт ходимларини ҳам ўқитиш кераклиги таъкидланди.

Маълумки, Корея кўмагида Тошкентда Кўп тармоқли болалар шифохонаси қуриб битказилган. У бўлажак онкологик маркази ва бошқа объектлар билан бирга тиббиёт кластерининг асоси бўлиб хизмат қилиши мумкин.

 

6