Палмиранинг бузилган тарихий қисми

Шойгу Путинга Палмира террорчилардан тозалангани ҳақида ахборот берди

504
(Янгиланган 20:57 02.03.2017)
Россия Мудофаа вазири Сергей Шойга Владимир Путинга Пальмирани озод этиш бўйича ўтказилган операция муваффақиятли якунлангани ҳақида ахборот берди

ТОШКЕНТ, 2 мар — Sputnik. Сурия қўшинлари Россия Ҳарбий Космик Кучлари кўмагида Палмирани озод қилиш бўйича операцияни якунладилар, деб хабар қилди РИА Новости.

Палмира яна ИД қўлида. Архив сурат
© Sputnik / Михаил Воскресенский
Хабарда айтилишича, Россия президенти Владимир Путинга бу ҳақда Мудофаа вазири Сергей Шойгу ахборот берган.

Қадимий шаҳар 2015 йилнинг май ойи ўрталаридан буён РФ ҳудудида таъқиқланган террорчилик уюшмаси назоратида эди. 2016 йил март ойи охирларида Сурия армияси Палмирани "ИД"дан озод этди, аммо шу йилнинг декабр ойи ўрталаридаёқ террорчилар Палмирани қайта эгаллаб олган эдилар.

Палмирани тарк этаётиб жангарилар йўллар ва биноларни миналаб кетган. РИА Новости мухбири хабар беришича, Сурия армияси жангчилари қадимий шаҳарнинг ҳаробага айлантирилган қисмларини кўздан кечириб, портловчи моддаларни излашмоқда. Портлашлар оқибатида Палмирадаги амфитеатр саҳнаси марказий қисми тўлиқ вайрон қилинган.

Руины древнего города Пальмиры
© Sputnik / Александр Макаров
Руины древнего города Пальмиры
504
Теглар:
Палмира, Шойгу, ИД, Сурия, Россия, Путин

WhatsApp’да янги функция пайдо бўлди

29
Янгилик билан фойдаланувчиларга иккинчи томон очиб кўриши ва ёзишмалардан чиқиши билан ўчиб кетадиган фото, видео ва анимациялар юбориш имконини беради.

ТОШКЕНТ, 24 сен — Sputnik. WhatsApp᾽да вақтинчалик медиафайллар юбориш имконини берувчи янги Expiring Media функцияси пайдо бўлди. Бу ҳақда “WeBetaInfo” хабар қилди.

Янгилик билан фойдаланувчиларга иккинчи томон очиб кўриши ва ёзишмалардан чиқиши билан ўчиб кетадиган фото, видео ва анимациялар юбориш имконини беради. Бундай имконият фойдаланувчи ўта шахсий медиафайлларини юбормоқчи бўлганда асқотиши тахмин қилиняпти.

Фойдаланувчилар чалғиб кетмаслиги учун йўқолиб кетувчи хабарлар одатийларидан график жиҳатдан фарқ қилади.

Функция дастурнинг Android-смартфонлар учун мўлжалланган бета-версиясида мавжуд. Кейинроқ дастур янгилангандан кейин асосий дастурда ҳам пайдо бўлиши керак.

29
Азиатский тигровый комар

Қонхўр ҳашарот: Туркияда вирус ташувчи хавфли чивинлар пайдо бўлди

80
(Янгиланган 19:16 24.09.2020)
Туркия мутахассислари Истанбулнинг катта туманларида Осиё йўлбарс чивинининг тез тарқалиш ҳолатини қайд этишди.

ТОШКЕНТ, 24 сен — Sputnik. Туркия мутахассислари мамлакатда Осиё йўлбарс чивинининг тез тарқалиш ҳолатини қайд этишди. Бу ҳақда РИА Новости HabberTurk нашрига асосан хабар қилди.

Истанбулнинг катта туманларида хавфли ҳашаротларнинг тўпланиши аниқланди, таъкидланишича, улар илгари ҳудудда бўлмаган. Тадқиқотчиларнинг фикрига кўра, бу турдаги чивинлар ўта мосланувчан.

“Бу чивинлар кун бўйи ҳужум қилади, айниқса одамлар очиқ ҳавода бўлганда. У бошқа чивинларга қараганда анча тажовузкор, сариқ иситма ва Зика вируси каби касалликларни ташиши мумкин", - дейди Истанбул университети доценти Керем Этера.

Унинг сўзларига кўра, бу каби касалликларга чалиниш хавфидан ташқари, Осиё йўлбарс чивинининг чақиши аллергик реакцияни кучайтириб, узоқ вақт қичишиш ва қизаришни келтириб чиқаради.

80

Дунё халқаро ҳамкорлик синовидан ўта олмади - Гутерреш баёноти

36
"Пандемия - бу халқаро ҳамкорликни синовдан ўтказган давр бўлди, биз ундан ўта олмадик", - деди Гутерреш.

ТОШКЕНТ, 24 сен - Sputnik. Коронавирус пандемияси дунё халқаро ҳамкорлик тестидан ўта олмаганини кўрсатди, дея баёнот қилди БМТ Хавфсизлик кенгаши йиғилишида ташкилот бош котиби Антониу Гутерреш.

"Пандемия - бу халқаро ҳамкорликни синовдан ўтказган давр бўлди, биз ундан ўта олмадик", - деди Гутерреш.

БМТ бош котиби сўзларига кўра, касаллик дунё бўйлаб бир миллион инсон ҳаётига нуқта қўйган, 30 миллиондан кўп киши инфекцияни юқтирган, ва касалликни ҳеч ким назорат қилолмаган. "Бу глобал тайёргарлик, бирдамлик ва ҳамжиҳатликнинг йўқлигидан далолат", - деб қўшимча қилган у.

36