Бомба GBU-5

Афғонистонга ташланган супербомба Марказий Осиёда зилзила келтириб чиқарадими

1053
Қудратли бомба зарбаси минтақадаги сейсмик вазиятни издан чиқариб юбормайдими? Ҳалокатли зилзилалар келтириб чиқармайдими? Sputnik мухбири сейсмолог Алексея Завьялов билан шу ҳақда суҳбатлашди

ТОШКЕНТ, 15 апр — Sputnik, Лев Рижков. АҚШ Афғонистонда илк марта энг кучли GBU-43 ноядровий бомбасини қўллади. Бомба Нангархор вилоятидаги Тора-Бора ерости мажмуасига ташланди.

Мазкур вилоят Покистон чегарасида жойлашган бўлиб, ундан нарироқда Помир ва Ҳиндикуш тоғлари ястаниб ётади. Тожикистон ва Ўзбекистон ҳам унчалик узоқ эмас.

Б-52, Америка бомбардимончи самолёти Афғонистон осмонида
© Commons.wikimedia / Master Sgt. Lance Cheung (U.S. Air Force)

Қудратли бомба зарбаси минтақадаги сейсмик вазиятни издан чиқариб юбормайдими? Ҳалокатли зилзилалар келтириб чиқармайдими? Sputnik мухбири РФА Ер физикаси институтининг сейсмик хавф прогнози ва минтақавий сейсмология лабораторияси мудири Алексея Завьялов билан шу ҳақда суҳбатлашди.

"Сайёрамизда юз берган ҳар қандай ер силкиниши умумий сейсмик режимга ўз таъсирини кўрсатади, — дейди олим. — Буларнинг бари ушбу таъсирнинг қанчалик кучга эга эканлигига боғлиқ. Табиийки, зилзила ўчоғига қанчалик яқин бўлса, таъсир кучи ҳам шунчалик катта бўлади. Тадқиқотчилар шундай таъсир бўлишини айтишади, лекин у ҳар доим ҳам кўзга ташланавермайди. Ва бир сейсмик ҳодисани иккинчиси билан боғлаш қийин".

Сейсмологнинг фикрича, АҚШ супербомбасининг портлаши минтақадаги умумий сейсмик ҳолатга таъсир кўрсатмайди.

"Ушбу портлаш кучли сейсмик ҳодисаларни келтириб чиқармайди, — деб тахмин қилади Алексей Завьялов. — Бироқ яширин силкиниш даражаси бир оз вақт сақланиб туради. Марказий Осиё Камчатка, Филиппин ёки Японияга нисбатан сейсмик фаол минтақа эмас. Шунинг учун 7 ва ундан ортиқ балли зилзилалар келиб чиқишидан хавотирланмаса ҳам бўлади".

1053
Во Франции 300-килограммового мужчину вытащили из дома

Францияда 300 кг вазнли эркак кран ёрдамида уйдан олиб чиқилди

60
Францияда қутқарувчилар квартирадан 300 килограмм вазнли эркакни олиб чиқиш учун қурилиш кранидан фойдаланишди.

ТОШКЕНТ, 1 дек — Sputnik. Франциянинг жанубидаги Перпиньян шаҳрида қутқарувчилар қурилиш крани ёрдамида квартирадан 300 килограмм вазнли эркакни олиб чиқишди, деб хабар берди France3 Occitanie телеканали.

Октябр ойи охирида, ортиқча вазнга эга бўлган фуқаро бир йилдан буён ўз хонадонидан чиқа олмаётгани, унинг адвокати ички ишлар вазири Жералд Дарманенга мурожаат қилгани ҳақида хабар берилган эди. Ален исмли киши 2019 йил июлидан бери шаҳар мэриясидан ёрдам кутмоқда. Ўша вақтда эркак йиқилиб, тос суягини синдириб олган эди.

Сешанба куни қутқарув операциясига 50 га яқин одам - полиция ходимлари, ўт ўчирувчилар, шифокорлар ва шаҳар мэрияси вакиллари жалб қилинди. Алена уйи жойлашган тор кўчада жойлашгани туфайли операцияни мураккаблашди. Фасадни қисман олиб ташлаши эвазига квартиранинг деразаси кенгайтирилди. Уйда истиқомат қилувчилар вақтинча эвакуация қилинди.

Деразагача кўтарилган кран ёрдамида Ален махсус контейнерга жойлаштирилди. Ерда эса контейнер тез ёрдам машинасига жойлаштирилди. Эркак Монпельедаги касалхонага олиб келинди.

Тиббий кўрик ва керакли даволанишдан сўнг, Ален ортиқча вазнга эга одамлар учун Тулузадаги ихтисослаштирилган марказга жойлаштирилади.

60
Полицейский автомобиль в Германии

Германияда автомобиль пиёдаларни босиб кетди

32
(Янгиланган 18:45 01.12.2020)
Германиянинг Трир шаҳрида ҳайдовчи машинани пиёдалар устига ҳайдади. Маҳаллий ОАВлар икки киши қурбон бўлгани ва ҳайдовчи қўлга олингани ҳақида ёзмоқда.

ТОШКЕНТ, 1 дек — Sputnik. Германиянинг Трир шаҳрида  ҳайдовчи машинани пиёдалар устига ҳайдади.

Маҳаллий полиция хабарига кўра, бунинг натижасида бир неча киши жароҳат олган. Ҳозирда воқеа жойига полиция ва бошқа хизмат ходимлари етиб келган.

​Маҳаллий ОАВлар икки киши қурбон бўлгани ва ҳайдовчи қўлга олингани ҳақида ёзмоқда. Ҳукумат ҳозирча бу маълумотларни тасдиқламаган.

32
Теглар:
Трир, ҳодиса, Германия