Американинг Patriot ҳаво ҳужумига қарши мудофаа ракеталари, архив сурат

Польша АҚШнинг "Ватанпарвар" ракеталари билан Россиядан ўзини ҳимоя қилмоқчи

522
(Янгиланган 13:28 06.07.2017)
Варшава ва Вашингтон ўртасида Польшага Patriot тизимлари етказиб берилиши борасида келишув имзоланди

TOШКЕНТ, 6 июл — Sputnik. Польша миллий Мудофаа вазирлиги ва Пентагон ўртасида Варшавага Patriot ҳаво ҳужумига қарши мудофаа тизимларини етказиб бериш бўйича битим имзоланди, деб баёнот қилди Польша Мудофаа вазири Антони Мачеревич. РИА Новости хабари асосида.

Ҳужжат Америка президенти Дональд Трампнинг Варшавага ташрифи давомида имзоланган.

Мачеревичнинг аниқлик киритишича, Польшага етказиладиган мажмуалар энг сўнгги ўт очишни бошқариш тизими — IBCS билан жиҳозланади. Ракеталар 2022 йилдан бошлаб етказила бошлайди. Варшава саккизта Patriot учун 7,5 миллиард доллар  ажратишни режалаштирган.

Польша Мудофаа вазирининг сўзларига кўра, ушбу мажмуалар хариди Польшани "ҳар қандай душман"дан ҳимоя қилиш, яъни мамлакат хавфсизлигини таъминлаш учун хизмат қилади ва Россия "Искандер"ларига қарши самарали қаршилик кўрсатиш имконини беради.

Варшава ҳукумати илгарироқ НАТО аскарлари ва Америка ҳаво ҳужумига қарши мудофаа тизимлари ўз ҳудудида доимий бўлишига умид билдирган эди.

Москва "Россия НАТОга аъзо давлатларнинг бирортасига ҳеч қачон ҳужум қилмаслиги"ни мунтазам равишда такрорлаб келишига қарамай, Варшава, Болтиқбўйи давлатлари, хусусан, Польша учун "Россия томондан бўладиган хавф" ҳақида такрорлашдан чарчамаяпти.

522
Теглар:
Варшава, Польша, Patriot, АҚШ
Во Франции 300-килограммового мужчину вытащили из дома

Францияда 300 кг вазнли эркак кран ёрдамида уйдан олиб чиқилди

23
Францияда қутқарувчилар квартирадан 300 килограмм вазнли эркакни олиб чиқиш учун қурилиш кранидан фойдаланишди.

ТОШКЕНТ, 1 дек — Sputnik. Франциянинг жанубидаги Перпиньян шаҳрида қутқарувчилар қурилиш крани ёрдамида квартирадан 300 килограмм вазнли эркакни олиб чиқишди, деб хабар берди France3 Occitanie телеканали.

Октябр ойи охирида, ортиқча вазнга эга бўлган фуқаро бир йилдан буён ўз хонадонидан чиқа олмаётгани, унинг адвокати ички ишлар вазири Жералд Дарманенга мурожаат қилгани ҳақида хабар берилган эди. Ален исмли киши 2019 йил июлидан бери шаҳар мэриясидан ёрдам кутмоқда. Ўша вақтда эркак йиқилиб, тос суягини синдириб олган эди.

Сешанба куни қутқарув операциясига 50 га яқин одам - полиция ходимлари, ўт ўчирувчилар, шифокорлар ва шаҳар мэрияси вакиллари жалб қилинди. Алена уйи жойлашган тор кўчада жойлашгани туфайли операцияни мураккаблашди. Фасадни қисман олиб ташлаши эвазига квартиранинг деразаси кенгайтирилди. Уйда истиқомат қилувчилар вақтинча эвакуация қилинди.

Деразагача кўтарилган кран ёрдамида Ален махсус контейнерга жойлаштирилди. Ерда эса контейнер тез ёрдам машинасига жойлаштирилди. Эркак Монпельедаги касалхонага олиб келинди.

Тиббий кўрик ва керакли даволанишдан сўнг, Ален ортиқча вазнга эга одамлар учун Тулузадаги ихтисослаштирилган марказга жойлаштирилади.

23
Полицейский автомобиль в Германии

Германияда автомобиль пиёдаларни босиб кетди

26
(Янгиланган 18:45 01.12.2020)
Германиянинг Трир шаҳрида ҳайдовчи машинани пиёдалар устига ҳайдади. Маҳаллий ОАВлар икки киши қурбон бўлгани ва ҳайдовчи қўлга олингани ҳақида ёзмоқда.

ТОШКЕНТ, 1 дек — Sputnik. Германиянинг Трир шаҳрида  ҳайдовчи машинани пиёдалар устига ҳайдади.

Маҳаллий полиция хабарига кўра, бунинг натижасида бир неча киши жароҳат олган. Ҳозирда воқеа жойига полиция ва бошқа хизмат ходимлари етиб келган.

​Маҳаллий ОАВлар икки киши қурбон бўлгани ва ҳайдовчи қўлга олингани ҳақида ёзмоқда. Ҳукумат ҳозирча бу маълумотларни тасдиқламаган.

26
Теглар:
Трир, ҳодиса, Германия